لنترانی

Urdu kitab mela

2012-01-28T01:06:00.000-08:00

Meeting and work-out at Gulbootey office

2012-01-23T04:39:00.000-08:00

اردو کتاب میلہ : پروگرام

2012-01-23T00:28:00.000-08:00

اردو کتاب میلہ

2012-01-09T23:36:00.000-08:00

اُف ! یہ ہمارے ڈاکٹرس

2012-01-09T09:25:00.000-08:00

ڈاکٹر ! یہ لفظ سنتے ہی ہمارے ذہن میں ایک نہایت متفق باوقار انسان ابھرتا ہے جس کے پاس ہماری تمام بیماریوں کا علاج موجود ہے۔ ہر دور میں ڈاکٹر کو مسیحا کا درجہ عطا رہا ہے۔ بعض لوگ تو انہیں بھگوان کا درجہ دے دیتے ہیں۔ ہندی فلموں کے اکثر ڈائیلاگ تو آپ نے سنے ہی ہوں گے کہ ڈاکٹر صاحب آپ تو بھگوان ہیں یا بھگوان کے بعد آپ ہی میرا سہارا ہے۔ مگر افسوس زمانے کے ساتھ ساتھ یہ باتیں بھی پرانی ہوگئی ہیں۔ اب ڈاکٹرز وہ ڈاکٹرز نہ رہے۔ بلکہ آج کل کے ڈاکٹر تو قصائیوں کو بھی مات دیتے نظر آتے ہیں۔ فرق صرف اتنا ہے کہ قصائی جانور کے گلے پہ چھری پھیرتا ہے اور ڈاکٹر انسان کی جیب پر۔ بھئی آج کل ڈاکٹری کا پیشہ بطور مسیحائی نہیں بلکہ پیسے کمانے کے لیے اپنایا جارہاہے۔ کئی لوگوں کو تو یہ کہتنے بھی سنا گیا ہے کہ چار پانچ لاکھ پڑھائی پر لگاؤ کوئی فکر نہیں کچھ دنوں میں مع سود واپس مل جائیں گے۔ وہ ڈاکٹر بنتے یا اپنے بچوں کو بناتے ہی اس لیے ہیں کہ انہیں کم وقت میں زیادہ سے زیادہ پیسہ کمانا ہوتا ہے۔
آپ کسی بھی نامور ہاسپٹل میں چلے جائیں۔ مریض کتنا بھی سیریس ہو کاؤنٹر پر پیشگی روپے جمع کرائے بغیر مریض کا علاج نہیں شروع ہوگا۔ اس کے بعد دواؤں کی لمبی فہرست تھمادی جائے گی جس میں مہنگے سے مہنگے انجکشن اور دوائیں شامل ہوں گی اور اس پر مرے ہرسودرے کہ آپ کو اپنے مریض کے پاس ٹھہرنے کی بھی اجازت نہیں ہوگی خاص کر آئی. سی. یو. واڑڈ میں ۔ جہاں اکثر مریض بوڑھے ہتے ہیں۔
ذرا تصور کیجیے بیچارہ بوڑھا مریض اپنی زندگی کی آخری سانسیں گن رہا ہے اسے دواؤں سے زیادہ دعاؤں کی ضرورت ہے اسے ایسے وقت میں اکیلا کردینا کتنا بڑا ظلم ہے۔ جب اس کے پاس کوئی رشتہ دار نہ ہو تو اس کا دل اپنوں کو دیکھنے کیسے تڑپتا ہوگا بیچارہ آخری وقت میں کچھ کہنا بھی چاہتا ہوں گا تو کہہ نہیں پاتا ہے اور اسی طرح انتقال کرجاتا ہے۔
بھئی آپ لوگ پورے گھر والوں کو نہ سہی مگر ایک قریبی رشتہ دار مثلاً بیٹا یا بیٹی کو تو رہنے دیجیے اور تو اور اگر مریض انتقال کرجائے تو ہاسپٹل کا بل ادا کرنے تک آپ میت بھی نہیں لے جاسکتے بھلے آپ پیسے کہیں سے بھی کیسے بھی لایئے۔
اگر آپ کو معمولی سردی زکام محسوس ہورہا ہو تو گھبرائیے مت فوراً سے پیشتر ڈاکٹر کے پاس جایئے وہ آپ کے مرض کو اتنا سنگین و مہلک مرض میں مبتلا کردے گا کہ آپ خود کو چند دنوں کا مہمان سمجھنے لگیں گے۔ دسیوں قسم کے ٹیسٹ اور ایکسرے کروائے جائیں گے اور پتہ چلے گا کہ یہ سب ٹیسٹ اور ایکسرے وغیرہ ڈاکٹر ک بیوی کے کلینک میں ہوتے ہیں۔ آخر میں آپ کو چند اینٹی بایوٹک دوائیں دے کر رخصت کردیا جائے گا۔ آہ!
برباد گلستاں کرنے کو بس ایک ہی الو کافی ہے
ہر شاخ پہ الو بیٹھا ہے انجام گلستان کیا ہوگا
ہر ایک اتوارے میرا مطلب ہے ایک ڈاکٹر کلینک کھول کر بیٹھا ہے جس کے بورڈ میں ڈاکٹر کا نام مع لمبی چوڑی ڈگریوں کے درج ہے جن کاعام آدمی کوعلم بھی نہیں۔ جو کہ اکثر نقلی بھی نکلتے ہیں اور ایسے لوگوں کی وجہ سے کتنی ہی زندگیاں برباد ہوجاتی ہیں مگر یہ کاروبار پھلتا پھولتا جاتا ہے اور کسی کے کانوں پہ جوں تک نہیں رینگتی۔
ہمارے پڑوسی عزیز میاں کل پیدل جارہے تھے۔ ہم نے کار کے بارے میں دریافت کیا تو کہنے لگے بیچ دی۔ ہم نے مذاقاً کہا کہ ’’کیوں ڈاکٹر کا مشورہ تھا پیدل چلنا؟‘‘ تو انہوں نے جواب دیا ’’جی نہیں ڈاکٹر کا بل ادا کرنے میں بیچ دی۔‘‘ یہ بات کہہ کر چلتے بنے ، او رہم ہکا بکا وہیں کھڑے رہ گئے۔
کتنے ہی قصے ہیں جو بیان کیے جائیں تو صفحات کے صفحات سیاہ ہوجائیں گے مگر ان ڈاکٹرس کے کرتوت پوری طرح عیاں نہیں ہوپائیں گے۔
ایسی بات نہیں ہے کہ اب دنیا میں اچھے ڈاکٹر نہیں بچے۔ نہیں بھئی اتنا مایوس ہونے کی ضرورت نہیں اب بھی دنیا میں ایسے ڈاکٹر ہیں جو غریبوں کا علاج مفت کرتے ہیں۔ مریض کو دیکھنے، آدھی رات کو جانے سے بھی نہیں ہچکچاتے ہیں۔ کئی ڈاکٹروں کی تو صرف مسکراہٹ سے ہی مریض آدھا اچھا ہوجاتا ہے۔ مگر افسوس ایسے ڈاکٹروں کی تعداد آٹے میں نمک کے برابر ہے۔ اللہ رب العالمین سے دُعا ہے کہ وہ تمام ڈاکٹروں کے دل میں مسیحائی کا جذبہ پیدا کردے (آمین)۔
آچھ چھیں! ارے یہ کیا کہیں مجھے بھی تو سردی زکام نہیں ہوگا۔ لو! ڈاکٹروں کی اتنی برائی کرنے کے باوجود مجھے انہی کے پاس جانا پڑے گا کیا کریں زندگی اسی کا نام ہے۔

صادقہ طارق انصاری
رمضانی بلڈنگ، دوسرا مالا، روم نمبر29،
ہنس روڈ، بائیکلہ (ویسٹ)، ممبئی۔موبائل 09892728425..

لفظ سے کھیلنے والے کو گنہگار کہو

2012-01-09T09:09:00.000-08:00

اردو مرکز میں پروفیسر احمد سجاد کا’’تعمیری ادب کا امتیاز‘‘پر اظہارخیال، بندہ مومن کارسم اجرا اور شعری نسشت
گزشتہ شب اردو مرکز میں پروفیسر احمد سجاد کے اعزاز میں ایک ادبی نششت ہوئی۔پروگرام کا آغاز تلاوت سے ہوا۔ صدارت ڈاکٹر خورشید نعمانی نے کی۔اس پروگرام کے دوحصے تھے۔پہلے حصے کی نظامت ندیم جاوید اور شعری نششت کی نظامت یوسف دیوان نے کی۔ جاوید ندیم نے ادارہ ادب اسلامی ہند کاتعارف اور اسکے قیام کی غرض غایت پر روشنی ڈالی۔اسلم غازی نے پروفیسر احمد سجادکی شخصیت اور انکی علمی خدمات پر گفتگو کی۔آل انڈیا مومن کانفرنس کے بانی عاصم بہاری پر پروفیسر احمد سجاد کی تازہ کتاب بندہ مومن کا ہاتھ کی رسم اجرامولانا جنید بنارسی اورڈاکٹر خورشید نعمانی نے کی ۔ پھر اظہار خیال کے لئے پروفیسر احمد سجاد کا نام پکا را گیا۔آپ نے عاصم بہاری اور ان کی خدمات پر روشنی ڈالتے ہوئے کہا کہ’’آج صرف مولانا ابوالکلام کانام لیاجاتاہے،اور دوسرے لوگوں کانام نہیںٖ لیا جا تا ہے اس میں ہمارا بھی قصور ہے ۔ہم اپنی شخصیات کو بھول جائیں تو دوسرے کیوں یاد رکھیں۔مولانا عاصم بہاری جیسی اہم شخصیت کوبھی ہم نے نظر انداز کیا۔مزدور پیشہ دبے کچلے طبقات بیدار کرنا اور انھے جنگ آزادی کے تیار کرنا مولاناعاصم بہاری صاحب کا سب سے بڑا کارنامہ ہے ۔انھون نے فرقہ وارانہ ہم آہنگی کی کوشش کی ۔اور اسلامی اخوت کی ڈعوت دی۔اسلامی اخوت کو بنیا د بنا کر آل انڈیا مومن کانفرنس کو منظم کیا۔اور آل انڈیا مومن کانفرنس کو مضبوط کیا۔لیکن المیہ یہ ہے کی عاصم بہاری کی وفات یہ جماعت کئی خانوں میں بٹ گئی۔بڑی حد تک عبد القیوم انصاری نے اس جماعت کو کمزور کیاتھا۔اگر آل انڈیا مومن کانفرنس کمزور نہ ہوتی تو ہمیں منقسم ہندوستان میں جائز مقام ملتا۔‘‘انھوں بندہ مومن کا ہاتھ کے بتا یا کہ’’ یہ کتاب بیس سال میں مکمل ہوئی ۔مجھے بیس سال تک عاصم بہاری کی شخصیت پر لکھنے کا جنون سوار رہا۔‘‘اردو کی مقبولیت کے بارے میں انھوں نے کہاکہ ’’اردو نے ہندوستا نی میڈیا کو گرفت میں لے لیا ہے۔کیونکہ انھیں معلوم ہے کہ اردو الفاظ کا سہار الئے بغیر عوام کے جذبات کی سچی ترجمانی نہیں کی جاسکتی ہے۔اردو کے اساتذہ کی تین ذمہ داریا ں ہیں وہ معلم ،مجاہداورمبلغ بھی ہیں۔‘‘پروفیسر احمد سجاد نے تعمیری ادب کا امتیاز پر گفتگو کرتے ہوئے کہاکہ’’ہر ادب کی تین تسلیم شدہ بنیادیں ہیں موضوع کی عظمت ،اسلوب وابلاغ اورہیت ۔تعمیری فکر کا حامل ادیب مثبت قدروں کو ہاتھ جانے نہیں دیتا۔وہ رجائیت پسند ہوتا ہے۔تعمیری ادب غیر مسلموں نے بھی تخلیق کیا ہے۔‘‘ انھو ں نے مزید کہا کہ’’اکیسویں صدی میں تخریبی ادب کا جنازہ نکل گیا۔ادب دوہری تسخیر کامالک ہے۔یہی وجہ ہے کہ بعض اوقات کسی فکرکا مخالف بھی شعرو افسانے کی راہ سے لا شعوری پر اس فکر سے متاثر ہوجاتا ہے۔ماضی میں صوفیا نے مقامی زبان ریختہ میں اردو میں اپنے خیالات کے ذریعہ لوگوں کو قبول حق پر آمادہ کیا۔آج کی باطل قوتیں اس کی قوت تاثیر سے واقف ہیں۔چنانچہ کے۔جی۔بی۔اور سی۔آئی ۔اے کے اشاروں پر جدید ذہنوں کو کو مسخر اور ماؤف کیا جاتا رہا ہے۔‘‘
انھوں نے زور دے کر کہا کہ ’’ اصلاح وانقلاب کے داعیوں کو لفظ کی تاثیر اچھی طرح ذہن نشین کرلینا چاہئے کیونکہ یہ لفظ ہی ہے جو حسن میں پھول بھی ہے اور شبنم بھی ۔یہ کاری زخم بھی لگاسکتا ہے اور زخموں پر پھائے بھی رکھ سکتا ہے۔لفظ سے نبیوں نے بھی کام لیا ہے اور ولیوں نے بھی۔یہی الفاظ کبھی کرشن کی بانسری میں گیت بن کر ڈھلے ہیں تو کبھی مہاتما بدھ کے لبوں پر شانتی کا اپدیش بنے ہیں ہے کبھی مسیحؑ کی زبان سے پہاڑی وعظ میں ڈھلے ہیں توکبھی سینت فرانسیس ،نانک اور چشتی کی اثر آفریں دعاؤں میں ابھرے ہیں اور یہی الفاظ مسخ ہو کر مسولینی ،اسٹالین ،ہٹلر ،بش اور اباما کی زبانوں سے موت،نفرت اور ظلم وستم کے زہر اگلنے والے سانپ بھی بنے ہیں۔‘‘ ڈاکٹر خورشید نعمانی نے صدارتی تقریر کی۔مہمانوں کا شکریہ زبیر اعظمی نے ادا کیا ۔شعری نششت میں جاوید ندیم ،اسلم غازی ،وقار اعظمی،منصف ریاض،عالم ندوی،عارف اعظمی،یوسف دیوان ،جمیل مرصع پوری اور زبیر اعظمی وغیرہ نے اپنا کلام سنایا۔

تعمیر شخصیت : چند عملی پہلو

2012-01-04T02:39:00.000-08:00

ہماری موجودہ حالت ہمارے ماضی کی وجہ سےہے۔ ہمارا مستقبل وہ ہوگا جس کے لیے ہم آج کوشش کریں گے۔ماضی جاچکا، مستقبلنامعلوم ہے اور صرف حال ہمارے ہاتھ میں ہے۔ ناکامی کی کچھ عمومی تاویلیں اس طرحہیں جنھیں ہم حقیقت جان کر اپنی ناکامیوں پر پردہ ڈال دیتے ہیں اور خود کو بریالذمّہ قرار دیتے ہیں: ●میں قابل نہیں ہوں●میریقسمت خراب ہے۔ ●میں دوسروں کے لیےقربانیاں دیتا گیا مگر بدلے میں کیا ملا؟ ●میںکسی کو ’نہیں‘ نہیں کہہ سکتا ●میں اپنی کمزوریوں پرقابو پانا چاہتا ہوں مگر محنت کون کرے؟ ان تاویلات کے علی الرغم دیکھیں کہ : میریموجودہ حالت کا ذمّہ دار کون ہے؟ قسمت، حالات، رشتہ دار، خاندان، اساتذہ، معاشیحالات یا میں خود! حقیقتِ واقعہ یہ ہے کہ: میں آج جو کچھ ہوں، اس کے لیے میں خودذمّہ دار ہوں۔ لہٰذا اپنی دگرگوں حالت پر تاویلات کا پردہ مت ڈالیے۔ جواں ہمّتبنیے۔ اچھی اور بُری، ہر طرح کی باتوں کے لیے اپنی ذمّہ داری قبول کیجیے۔جب ہماپنے آپ کو ذمّہ دار قرار دے کر نتائج قبول کرتے ہیں تو ہمارا نقطۂ نظر بھی تبدیلہوجاتا ہے۔ ہمیں ذہنی تحفظات کے دائرے سے باہر نکلنا ہوگا۔ انتخاب آپ کو خود کرناہے۔ماضی سے چمٹے رہنا بڑی بھول ہے۔ مستقبل پر نظر رکھ کر حال میں سخت محنت کیجیے۔اس ضمن میں چند عملی

پہلوؤں پر توجہ کی ضرورت ہے۔

●خوداعتمادی:خوداعتمادی سے حیران کن کام انجام دیے جاتے ہیں۔خود اعتمادی سے محروم، ناکامیوں کا رونا روتے ہیں۔ چھوٹےبچے کو چلنے میں مدد کرتے وقت کی مثال پر غور کریں۔ ہم اس کی ہمت افزائی کرتے ہیں۔اس سے یہ نہیں کہا جاتا کہ تم چل نہیں سکتے بلکہ اس کے گرنے اور چوٹ کھانے کے بعدبھی اس کی ہمت بڑھاکر اسے چلنے کے لیے آمادہ کرتے ہیں۔

غلطی کے خوف سے کام نہ کرنا بہت بڑی غلطیہے۔ناکامی کے خوف سے ابتدا ہی نہ کرنا، سب سے بڑی ناکامی ہے۔ یہ سوچنا کہ سائیکلسے گرجاؤں گا یا تیرنے سے ڈوب جاؤں گا، اس لیے آپ وہ کام ہی نہ کریں___ یہ سب سےبڑی غلطی ہوگی۔ کامیابی کا ایک فارمولا یہ بھی ہے: ۲۵فی صد منصوبہ بندی + ۷۵فیصد سخت محنت =کامیابی۔ کوئی بھی کام ابتدا میں پہلی بار ہی ہوگا۔ اس کے بعد ہی آپکمال کی جانب بڑھیں گے۔ اگر آپ کام ہی نہ کریں تو وہ لمحہ زندگی میں کبھی نہیں آئےگا جب آپ کوئی کام اچھی طرح انجام دیں گے۔مشق اور تجربے سے ہی کمال کی طرف سفرہوگا اور منزل ہاتھ آئے گی۔مشق، مہارت میں اضافہ کرتی

ہے۔

●عملکا آغاز: حسن البنا شہیدؒ عوامی خطابات سے پہلے اس دعا کا اہتمام کرتےتھے: خدایا! ہمارے منصوبوں اور عمل کے درمیان فاصلہ گھٹا دے۔ گویا منصوبے اور اسپر عمل درآمد کے درمیان وقت کی دیوار حائل نہ ہونے پائے۔ کام کے انجام (ناکامی) سےخوف زدہ ہوکر ہم کام چھوڑ دیتے ہیں۔انجام کا خیال ضروری ہے مگراسے منفی نہیں ہوناچاہیے۔ فیصلہ کیجیے اور اقدام کیجیے۔ کسی بھی شخص کو وہی کچھ حاصل ہوتا ہے جس کیوہ کوشش کرتا ہے۔

lدوسروں کے بجاے خود کو بدلیے:یہ سب سے مشکل کام ہے۔دنیا کا سب سے آسان کام دوسروں کو نصیحت کرنا ہے۔دوسرے کےبدلنے یااصلاح سے اپنی ترقی کو مت جوڑیئے۔ یہ سوچنا کہ میں دوسروں کے فائدے کے لیےان میں تبدیلی لانا چاہتا ہوں___ بجا ہے لیکن کیا یہ آپ کے اختیار میں ہے؟ جو آپکے اختیار میں ہے، یعنی آپ کی ذات، اسے بدلیے۔

تبدیلی یک لخت نہیں ہوگی۔اس کے لیے وقتدرکار ہوگا۔ مایوسی کی کوئی گنجایش نہیں۔ اگر آپ نے درخت جڑ سمیت دوسری جگہ لگادیاتب بھی کچھ بنیادی خصوصیات تبدیل نہیں ہوں گی۔ اس حقیقت کا ادراک کریں۔ ابھی، اسیوقت، میرے سامنے میں جیسا چاہتا ہوں ویسا___ اس طرح کی انتہا پسندانہ سوچ سےتبدیلی نہیں آئے گی۔جہاں تک ممکن ہو اپنے اندر تبدیلی لائیے۔ کچھ باتیں چھوڑ دیجیےجو آپ کے دائرہ اختیار میں نہیں ہیں، مثلاً رنگ، قد، وزن وغیرہ نہیں بدل سکتا۔وہاں تبدیلی لائیے جو آپ کے بس میں ہے، مثلاً اندازِ گفتگو، اخلاق، کردار وغیرہ۔’ضد‘ اور انتہا پسندی کو حکمت سے دُور کریں۔ آپ اپنے دائرہ اختیار کے اندر باہر کےمعاملات کا بے لاگ جائزہ لیجیے۔اپنی ذات اور جذبات اور احساسات و خیالات کی نفی متکیجیے۔ انھیں بھی احترام اور عزت دیجیے۔ذاتی فیصلوں کے اچھّے بُرے یا مثبت و منفیاثرات کا تعیّن کیجیے۔

صد فی صد کامیابی یا مکمّل کامیابی ناممکنہے۔ کمال کا حصول کبھی نہ ختم ہونے والا سفر ہے، لہٰذا ترقی کے لیے محنت کیجیے نہکہ کمال کے حصول کے لیے۔ واقعہ یہ ہے کہ اس دنیا میں کوئی چیز کامل نہیں ہے۔ہمترقی کی منزل کے راہی ہوسکتے ہیں مگر منزل ہر بار دور ہوتی جاتی ہے۔اس لیے اس کیفکر میں دبلا ہونا فضول ہے۔ترقی پر نظر رکھیے۔ شاہ راہِ ترقی پر گامزن رہنا ہی کامیابیہے۔

●کیانہیں کرنا ہے: خود کو اور دوسروں کو مطعون نہ کریں۔ اپنے آپ اور دوسروں سےشاکی ہونااور ان پر الزام دھرنا چھوڑ دیں۔ خود کو اور دوسروں کو ’لیبل‘ نہ لگائیں(میں۔۔۔ ہوں، فلاں۔۔۔ ایسا ہے)۔ اپنے دائرۂ اختیار سے باہر کے معاملات پر منحصر نہرہیں۔ دل ہی دل میں کڑھےئے مت۔مسائل کے حل میں نئے مسائل کو جنم مت دیجیے(مثلاًصحت سے متعلق مسائل کے حل میں عدم صحت کے نقصانات کا خوف طاری کرلینا)۔ فیصلوں پرجلد بازی میں نظرثانی کرنا مناسب نہیں ہے۔وقت دیجیے، صبر سے کام لیجیے اور ناگزیرہو تو تبدیلی کیجیے۔اپنی ذات سے ضرورت سے زیادہ پیار نہ کریں۔حقائق سے منہ متموڑیئے بلکہ ان کا سامنا کیجیے۔ ’سب چلتا ہے‘ انداز مت اختیار کیجیے۔ وہ افراد جونا امیدی کا شکار ہیں، ان کے قریب بھی مت جائیے۔ کسی بھی بات کو سہل انداز میںقبول مت کیجیے۔ کسی دوسرے شخص کو اپنے نفس کا قبضہ مت دیجیے۔

●زبانِحال (body language): جھکی کمر، مایوس چہرہ،بے نور آنکھیں، سلوٹیں بھری پیشانی، بہکے بہکے قدم، بے دم گفتگو___ اس طرح کے کئیافراد سے آپ کا سابقہ پیش آتا ہے۔ ایسے افراد مقابلے سے قبل ہی اپنی شکست تسلیمکرلیتے ہیں۔ میدان میں اترنے سے قبل ہی ہار مان لیتے ہیں، اور مقابلے سے دستبردارہوجاتے ہیں___ ہر کام میں ’نہیں‘ احساسِ کمتری کے شکاراور قسمت کے شاکی۔ یادرکھیے مایوسی متعدی ہوتی ہے۔ اسی طرح عزم و استقلال اور جوش بھی متعدّی ہوتاہے۔ایسے مایوس افراد سے مایوسی اور کم ہمتی ہی فروغ پائے گی۔ ان سے ہوشیار رہیے۔

ایک دوسری تصویر دیکھیں: پر عزم، روشن آنکھیں، چال میں وقار، گفتگو میں جان اور بحیثیتمجموعی ایک فاتح ہونے کا احساس___ وجہ صاف ظاہر ہے۔ ایسے اشخاص زبانِ حال، یعنی’اپنے ظاہر‘ سے آدھا مقابلہ پہلے ہی جیت چکے ہوتے ہیں۔ان کے ظاہر سے ان کی قابلیتاور صلاحیت گویا چھلکتی ہے، ہاں میں یہ کرسکتا ہوں، میں یہ ضرور کروں گا، میں جیتسکتا ہوں، میں ضرور فتح پاؤں گا،میں قابل ہوں، مزید قابل بن سکتا ہوں___ اللہ بھیایسے ہی بندوں کی مدد کرتا ہے۔

تقدیر پر ایمان کا مطلب یہ نہیں کہ آپہاتھ پاؤں نہ ہلائیں اور تقدیر پر تکیہ کیے رہیں، بلکہ اس کا صحیح مطلب یہ ہے کہآپ اپنی پوری توانائی اور قابلیت لگادیں اور نتیجہ اللہ پر چھوڑ دیں۔ ہتھیلی کیلکیریں آپ کے مستقبل کا تعیّن نہیں کریں گی، بلکہ آپ کی منزل کا تعیّن آپ کے مضبوطبازوؤں سے ہوگا۔تقدیر کو اپنی کم عملی یا بے عملی کے لیے جواز مت بنائیے۔ اللہ بھیان کی حالت بدلتا ہے جو خود اپنی حالت بدلنا چاہتے ہیں۔

●غلطیمعاف کرنا:غلطیاںکس سے نہیں ہوتی ہیں؟ جو لوگ کام نہیں کرتے صرف ان سے ہی غلطیاں نہیں ہوتیہیں۔غلطیاں ہی آدمی کو سدھارتی ہیں۔اس کا یہ مطلب نہیں کہ ہم غلطیوں پر غلطیاںکریں اور اپنے آپ کو معاف کرتے چلے جائیں۔ اپنی غلطیوں سے سیکھتے ہوئے ہم معاملاتمیں بہتری لانے کی کوشش کرتے ہیں، اور ہمارا یہ بہتری اور ارتقا کا سفر ہمیں نقطۂکمال کے قریب لے جاتا ہے۔ غلطیوں کے ذریعے ہی ہم صحیح سمتِ سفر کا تعیّن کرتے ہیںتاکہ خطرات سے بچ کر صحیح سلامت منزل مقصود تک پہنچ سکیں۔ غلطی کا خمیازہ بھگتنےکے بعد ہم دوبارہ اس غلطی کا اعادہ نہیں کرتے اور معاملات کو زیادہ چوکنّے ہوکرانجام دیتے ہیں۔دوسروں کی غلطیوں پر ناراض ہونا، فطری امر ہے۔ہم اپنی ناکامی کاسہرا بھی دوسروں کے سر سجاکر بری الذمہ ہوجاتے ہیں۔کیا ہم یہی رویّہ اپنی ذاتیغلطیوں پر بھی اپناتے ہیں؟بسا اوقات ہم دوسروں کی غلطیوں کو نظر انداز کردیتے ہیںمگر اپنی ذاتی غلطیوں کی سزا خود کو مسلسل دیتے رہتے ہیں۔اس سے ہماری کارکردگیمتاثر ہوتی ہے۔ خود کو بھی معاف کیجیے۔ غلطیوں سے سبق حاصل کیجیے اور اپنا رویّہبہتر بنایئے۔

اپنی ذات سے باہر نکلکر دیکھیے: ہم اکثر ’میں‘، ’میرا‘،’مجھے‘ ہی تک محدود ہوجاتے ہیں۔اس کےعلاوہ ہمیں کچھ نظر نہیں آتا۔ اس کے باہر کی دنیا میں جھانک کر تو دیکھیے۔ اسکائنات میں بے شمار چھوٹی بڑی خوشیاں آپ کے استقبال کو تیار ہیں۔کچھ لوگ دوسروں کیخوشی میں اپنا غم، دوسروں کی کامیابی میں اپنی ناکامی، اور دوسروں کی ترقی میںاپنی تنزّلی دیکھتے ہیں: اسے یہ سب مل گیا مجھے کیوں نہیں ملا؟ مجھ میں کیا کمیہے؟اُس کے بجاے اس سب کا میں زیادہ حق دار تھا، وغیرہ۔ اس طرزِ عمل کے بجاے اگردوسروں کی خوشی میں اپنی خوشی تلاش کریں، ان کی کامیابی میں اپنی کامیابی کودیکھیں تویہ مثبت اندازِفکر ہے۔ یہ کامیابی کااہم زینہ ہے۔

●کامیابیجدوجہد میں ہے!کہاجاتا ہے کہ کم ہمت، فتح نہیں پاتے۔ کیا آپ نے کسی میدان سے راہِ فرار اختیار کرنےوالے کھلاڑی کو مقابلہ جیتتے ہوئے دیکھا ؟ ہر گز نہیں۔ جب آپ میدان ہی چھوڑ دیں گےتو ہار کا سوال پیدا ہوگا نہ جیت ہی کا۔ ناکامی کے خوف سے فی الفور نجات پائیے۔ہمیشہ میدان میں فتح و کامرانی کے عزم کے ساتھ قدم رکھیے۔ ان شاء اللہ جیت آپ ہیکی ہوگی۔ اگر کسی وجہ سے متوقع کامیابی نہ ملے تو جائزہ اور بھرپورتیاری کے ساتھدوبارہ مقابلہ کیجیے ؂

گرتے ہیں شہسوار ہی میدانِ جنگ میں

وہ طفل کیا گرے جو گھٹنوں کے بل چلے

جو شخص چیلنج کا سامنا کرتا ہے، حالات وواقعات سے دو ، دو ہاتھ کرتا ہے اور تجربات سے گزرتا ہے وہی کامیاب ہوتا ہے۔میدانکار زار میں اترنے سے گریز ہی سب سے بڑی کمزوری اور ناکامی ہے۔ فاتح یا کامیاب شخصکسی بھی حالت میں میدان سے بھاگتا نہیں۔ حالات کتنے ہی کٹھن ہوں، کتنی ہی مصیبتیںآئیں وہ میدان عمل میں ڈٹا رہتا ہے۔یہ تاریخ کی بہت بڑی سچائی ہے۔ ایک وقت آتا ہےجب آزمایشیں، حالات اور مشکلات اس مرد آہن سے ٹکراکر پاش پاش ہوجاتی ہیں۔

آئیے مقابلہ کیجیے! کامیابی نظرنہ بھی آئے تب بھی میدان سے پیٹھ پھیر کر متبھاگیے۔ ہوسکتا ہے کہ مقابلے میں آپ تھک کر چور ہوجائیں، لہولہان ہوجائیں مگر اسیجدوجہد میں آپ کی کامیابی پوشیدہ ہے۔ کامیابی ضرور آپ کے قدم چومے گی۔ عزم راسخ ہو، ارادہ مضبوط ہو اور ساتھ میں عملی کوششیں ہوں تو اللہ کی رحمت بھی دست گیری کرتیہے اور بالآخر منزلِ مراد ہاتھ آتی ہے۔

ڈاکٹر بدرالاسلام

کاوش کے پروگرام کی جھلکیاں

2012-01-03T23:05:00.000-08:00

انجمن اسلام کے اشتراک سے'کاوش'نے'' افکتیوے پرنٹنگ'' کے موضوع پر جمہ نو دسمبر کو دوپہر دہائی بجے ایک خصوصی پروگرام کا انقعاد کیا تھا.

اسکی نظامت دوں یوسف صاحب اور منوّر ملک صاحب نے کی.

تلاوات کلام پاک سے اس کا آغاز ھوا اور اس کے بعد باندرا انجمن کی وائس پرنسپل جبیں صاحبہ نے مہمانان نیز والدین کا خیر مقدم کیا.

اخلاق شیخ نے اس وورکشوپ کی اہمیت کے بارے میں معلومات فراہم کی...عبدلمجید صاھب جوجو بھونڈی کےتعلیمیکونسلر ہیں انہوں نے سچولرشپ سکیم

کے بارے میں معلومات دی....آمر انصارا نے مختصر بتایا کے بچچوں کے لئے بجٹ کی تییاری کس طرح کی جا سکتی ہے اور تعلیم کے منظرنامے کو کس

طور سے بہتر بنایا جا سکتا ہے.

غلام عارف صاحب نے بتایا کے الگ الگ طرح کی قابلیت رکھنے والے بچچوں کے مسائل کس طرح کے ہوتے ہیں.

شہود صاحب نےدو دومسایل کرتیفکاتے اور شادی کے کرتیفکاتے بنانے کی ضرورت کے بارے میں بٹن سمجھائیں.

حنیف لداوالا صاحب نے اہم موضوع آرٹ وف پرنٹنگ کے بارے میں تقریر کی.

آمر انصاری اور کاظم ملک نےایک ٹاک شو ترتیب دیا جس میں تکنیک کے سہی اور غلط استمعال کے بارے میں بحس کی گی.اس شو میں طلبہ

نے حصّہ لیا.

اردو راشٹریہ سہارا کے ایڈیٹور سید احمد صاھب،زلیخا علیم نختارے صاحبہ،دوکتور خورشید صاحب اور حنیف لکدوالا صاحب نے والدین کے سوالات کے جوابات

دے

اخیر میں انجمن اسلام باندرا کی پرنسپل سبا پٹیل صاحبا نے حاضرین کا شکریہ ادا کیا

امان اللہ نظامی کو سدبھاؤنا کا اعزاز

2012-01-03T23:00:00.000-08:00

ہندی فلموں کے انسائیکلوپیڈیاامان اللہ نظامی کو سدبھاؤنا کا اعزاز
افغانی نژاد سعودی تاجر کو ممبئی میںان کے فلمی کارناموں کیلئے ایوارڈ آف ایکسلینس تفویض
بروز پیر، ممبئی۔
سعودی عرب کے شہر جدہ میں مقیم افغانینژاد بزنس مین امان اللہ نظامی کو۳۱ دسمبر ۲۰۱۱ء کو ناگپاڑہ جنکشن پر منعقدہ کل ہند مشاعرے میں ایوارڈ آفایکسیلنسسے نوازہ گیا۔ یہ اعزاز انہیں سد بھاؤنا ایسوسی ایشن نے ان کے فلمی جنونکیوجہ سے تفویض کیا ہے۔ امان اللہ نظامی حالانکہ ایک افغانی ہیں ، مگر انہیں بچپنسے ہندی فلموں اور فلمی گانوں نے اپنے دام میں گرفتار کرلیا۔ فلموں کے تعلق سےانکا جنون اس قدر بڑھا کہ اب اسے دیوانہ پن ہی کہا جا سکتا ہے۔ ان کے پاس سن ۱۹۳۰ء سے لیکر سن ۱۹۸۰ء کے درمیان کی ساری ہندی فلموںکا کلیکشن موجود ہے۔ اس دور کے تمام فلمی گانے بھی ان کے ذاتی کلیکشن کا حصہہیں۔ان کے پاس موجود فلموں میں بہت سی ایسی فلمیں بھی ہیں کہ جن کا ریکارڈ فلمڈیویژن اور ملک کے دیگر معروف فلمی اداروں کے پاس بھی نہیں ہے۔ ہندی فلموں سے انکے والہانہ لگاؤ کیوجہ سے ان کا گھر جدہ میں مقیم ہندوستانی اور پاکستانی فلمشائقین کا مرکز بن چکا ہے۔سعودی عرب میں جہاں تھئیٹرز نہیں ہیں، وہاں ان کا مکانہی فلمی تفریح کا واحد ذریعہء ہے۔

مت مسلہ اور ادھار کی تہذیب!

2011-12-29T08:38:00.000-08:00

اگر کسی قوم کو مغلوب کرنا ہوتو اس کے دو طریقے ہیں۔ ایک اسے زرو زور سے مغلوبکردیا جائے ۔ غلامی کی زنجیریں اس کے گلے میں بزور ڈال دی جائے۔ دوسرا طریقہ یہ ہےکہ اس کی سوچ وفکر کو تبدیل کردیجیے وہ قوم خود بہ خود مغلوب ہوکر آپ کی غلام بنجائیگی۔پہلا طریقہ کافی مؤثر ہوتا ہے اوراس کے نتائج فوری ظاہر ہونے لگتے ہیں۔ اسکے لیے کثیر وسائل و زورِبازو کی ضرورت درکار ہوتی ہے۔ لیکن مشکل یہ ہے کہ یہطریقہ صرف اس وقت تک ہی کار گر رہ سکتا ہے جب تک غلام قوم اپنی طاقت کو دوبارہ پانہیں لیتی اِدھر وہ منظم ہوئی کہ اُدھر ظالم کو اس کے انجام تک پہنچتے دیر نہیںلگتی۔
دوسراطریقہ پہلے کے مقابل کافی صبر آزما اور وقت طلب ہے۔اس کے لیے موجودہ وسائلکاطریقۂاستعمال کافی اہمیت رکھتا ہے ۔ آپ کے طریقہ استعمال اور حکمت عملی ( عیاری)اس کے نتائج اور کامیابی کا تعین کرتے ہیں۔ آپ کو کسی کے مدمقابل کھڑے ہوکر زورآمائی کی بھی ضرورت نہیں پڑتی بلکہ آپکا حریف دھیرے دھیرے آپکی تدبیروں سے ماتکھاتاہوا آپ کا غلام بن جاتاہے ۔ آج کے دور میں خود کو ترقی یافتہ کہلانے والیاسلام دشمن اقوام اسی پر عمل کر کے آج عالم اسلام کو ہر میدان میں پست کرنا چاہتیہے۔ اس طریقہ کا سب سے مہلک پہلو یہ ہے کہ مغلوب قوم کی عقل و خودی اس قدر بے کارہوجاتی ہے کہ وہ اپنے غالب آقاؤں کی اگلی ہوئی الٹیوں کو بلا کراہت نگلنے لگتی ہیں۔ اس پر غالب قوم اس کے افکار کو اپنی بیڑیوں میں جکڑ لیتی ہے ۔ اُسے آزادی کے وہیمعنی نظر آتے ہیں جو اس کے آقا بتلاتے ہیں۔
ہمارا معاشرہ بھی آج انہیں امراض کا شکار ہوچکاہے۔ ملت اسلامیہ ہند جس کے قدموںمیں کبھی ہندوستان کا تاج ہوا کرتاتھا آج انتہائی ذلت و پسماندگی میں مبتلا ہے۔ اسکے باوجود اس امت کی اکثریت ’’ پدرم سلطان بود ‘‘ کی یادوں اور گھمنڈ سے نکل نہیںپا رہی ہے۔اس کے باوجود نقالی اس کے رگ وپے میں بسی ہوئی ہے۔ ایک زمانہ تھا کہ جبسرسید احمد خان کو محض اس لیے طعنے سننے پڑے تھے کہ لوگوں کو ڈر تھا کہ کہیںانگریزی کے ساتھ انکے بچے یورپ کی بری تہذیب بھی نہ سیکھ لیں۔ لیکن وقت کے ساتھتصویر بدلتی گئی ۔ آج ہم اگر اپنی قوم کا جائزہ لیں تو یہ بات کھل کر سامنے آئے گیکہ جو جتنا مغرب زدہ اور مغرب پرست ہے عوام کی نظروں میں اتنا ہی زیادہ صاحبِحیثیت و باعزت سمجھا جاتا ہے۔ لوگ تصور کرتے ہیں کہ وہ بھی اس کے نقش قدم پر چلیںگے تو باعزت کہلائیں گے۔ جبکہ عزت و ذلت کا دینے والا تو صرف اللہ ہے اور اللہ کےیہاں عزت و ذلت کا کیا پیمانہ ہے اس سے مسلمان قرآن و حدیث کی روشنی میں خوب واقفہیں ۔لیکن ہم جب قرآن اور سنت نبوی ﷺ سے منھ موڑ چکے ہیں تو اس کا علاج کیا ہے۔
ہندوستان میں امت مسلمہ کی تاریخ دیکھیں یہ بات سامنے آتی ہے کہ ایک دور میں اسملک کا تاج مسلمانوں کے قدموں میں تھا۔ پھر انگریزوں کی مکاری و چالبازی نے ان سےوہ تاج چھین لیا۔ لیکن تب تک انگریز بھی جان چکے تھے کہ اس قوم کا سب سے بڑاہتھیار اس کی حمیت اسلامی ہے۔ بس حکمت عملی بدلی اور سب سے پہلا وار اس غیور قومکی غیرت پر کیا گیا۔ جس کی طاقت کا مقابلہ سارا ہندوستان نہیں کرپایا مٹھیبھرانگریزوں کی چال بازیاں ان کے طاقت کے محل کو چکنا چور کر گئی اول اقتدارہاتھوں سے جا نے لگا۔ امت معاشی و اخلاقی پستیوں کا شکار ہوتی چلی گئی جو سلسلہہنوز جاری ہے۔ اس کی خودی مٹتی گئی اور قومی غیرت تباہ ہوتی گئی ۔ جو کبھی اس ملکمیں اقتدار پر قابض تھی 1857 ؁.ء میں اپنی جا ن بچانے کے لیے گلی گلی چھپنے لگی۔جس نے اس ملک پر ایک تقریباً ہزار سال حکومت کی جنگ آزادی میں بھی پیش پیش رہیآزادی کے بعد وہ قوم اس قابل بھی نہیں رہی کہ اپنی عبادت گاہوں کی بھی حفاظت کرسکے۔ 1857 ؁.ء کی ناکامی کو ایک صدی بھی نہ گزرنے پائی کہ90 سال بعد ہی تقسم ملکاور چھوٹی مسلم ریاستوں کے الحاق نے اسے مزید پستی کی طرف جھونک دیا۔ ابھی تقسیماور اسکے فسادات سے نکل بھی نہ پائے کہ ان کی عبادت گاہوں پر خطر ات منڈلانے لگے ۔تقسیم کے 45 سال بعد ہی بابری مسجد سانحے نے اسے گھیر لیا۔ ابھی اس سانحے کو ایکدہائی بھی نہ گذری کہ ملک بھر میں فسادات کی ہوا عام ہوگئی جس کے نتیجے میں گجراتکے نسل کش فسادات، جعلی انکاؤنٹرس کا سلسلہ جاری ہوگیا جو ہنوز جاری ہے۔اب حال تویہ ہے کہ امت کے مفکرین کو یہ طئے کرنابھی ایک عظیم مسئلہ لگ رہا ہے کہ کس مسئلےپر کتنی توجہ دیں۔ کشمیرمسئلہ پر توجہ دیں یا ظالم حکمرانوں کو سزا دلانے کے لیےانصاف کی مانگ کریں۔ اس قوم کو معاشی پستی سے نکالنے کے لیے حکومتی اسکیمات اورریزویشن پر غور کریں کہ اس قوم کے مستقبل کی نسلوں کے لیے تعلیمی حصول کو ممکنبنائیں۔
لیکن ان سب سے دور امت کی اکثریت اب بھی نقالی میں اس قدر مبتلا ہے کہ اسے اپنےسامنے صرف ایک ہی جملہ نظر آرہا ہے کہ ’’ بابر بہ عیش کہ عالم دوبارہ نیست‘‘ ۔ اسےصرف اپنی زندگی اور اس کے لیے درکار چیزوں کا حصول ہی اس کا مقصد بنا ہوا ہے۔
ان لو گوں کے لیے نیا سال منانا ۔ خود ساختہ مہذب قوموں کی نقالی کرنا ہی ان کےلیے بے حد خوشی کی بات ہے۔ انھیں نہ اپنے مذہب کی پرواہ ہے نہ ہی اپنی قوم کی۔ انکے لیے مذہب صرف اتنا ہے کہ مخصوص دنوں میں روزہ رکھنا۔دل میں آئے تو نماز پڑھلینا ۔ لیکن بعض کو تو یہ بھی توفیق نصیب نہیں ہوتی۔ ہا ں البتہ انھیں نئے سال کیپارٹی ، کسی شناساکے یہاں منعقد یوم پیدائش کی تقریب وغیرہ منانے میں خوشی محسوسہوتی ۔ یہ معاشرہ کدھر جارہا ہے اسکی منزل کیا ہے؟ اسکی پہچان کیا ہے؟ ان سوالاتسے انھیں کوئی دلچسپی نہیں۔ نہ ہی زعماء ملت کو ہی اس کا احساس ہے۔اگر دلچسپی ہےتو اس استعاری تہذیب سے جس کا لبادہ انھوں نے اپنی خودی اور غیرت کو بیچ کر اوڑھاہے۔کاش ہم لوگ اپنے مقام کو پہچان پاتے کاش ہمیں ہمارا معمار جہاں کا کردار یادآجائے۔ کاش ہم اپنے مقام سے آگاہ ہوپاتے ۔ہمارا کام یہ نقالی کرنا نہیں بلکہ سارےجہاں کو اپنے نقش قدم پر چلانا ہے۔ سب کی رہنمائی کرنا ہے۔ نہ کہ کسی کی نقل کرنا۔ہماری پہچان یہ ادھار کی تہذیب نہیں بلکہ ہماری پہچان ہمارے اسلاف کے کارنامے ہیںجو آج بھی سارے عالم کے لیے سنگ ہائے میل کی حیثیت رکھتے ہیں۔ ساری دنیا ہمارےپیچھے آئے گی ۔ ہماری رہنمائی سیدھے اللہ کی طرف سے کی گئی ہے ۔ ساری انسانیت کےہے رہنما ہم ہیں۔
کاش امت مسلمہ اس کے مقام کو پہچان جائے کہ اس کی نسبت کس سے
تیری نسبت براہیمی ہے معمار جہاں تو ہے۔ ۔ ۔ ۔ ۔

عبدالمقیت عبدالقدیر شیخ ، بھوکر
Mob:9867368440

خوشی ہم سب کی

2011-12-25T02:52:00.000-08:00

5 جنوری 2009ء کو ہماری لنترانی ویب سائٹ بلاگ کیصورت میں سب کے سامنے آئی اور اس پر پہلیپو سٹ شائع کی گئ تھی ۔ اور اردو نستعلیق میں لنترانی اللہ کے رحم و کرم سے اور آپوزیٹرس کے تعاون سے بہت جلد مشہور و مقبول ہو گئی اور'' عالمی ڈآئری ''کے نام سے پہچانی جارہی ہے ۔ ایک باتبتادوں کہ اب " لنترانی میڈیا ہاؤس "بن چکا ہے ۔اس کے آٹھ شعبے اپنی پوریمحنت کے ساتھ کام کررہے ہیں ۔

1۔ لنترانی ڈاٹ کام

2۔ لنترانی پبلیکیشن

3۔ لنترانی سائبر

4۔ لنترانی فائن آرٹ

5۔ لنترانی میوزک

6۔ لنترانی لینگواٹرانس

7۔لنترانی ایجوکیشن ایونٹس

8۔ لنترانی اردو کمپیوٹر ''ورک شاپ اور پرزنٹیشن

انشا اللّہ بہت جلد لنترانی پبلیکیشن کی پہلیکتاب '' انمول اقوال ''اقوال زریں کا نایاب تحفہ ''سی ڈی'' کے ساتھ منظر عام پر آرہا ہے ۔ سی ڈی سے بچوں میں کمپیوٹر سےدلچسپی پیدا ہو گی ۔ اور بچوں میں اچھے اقدار پیدا ہوںگے ۔

لنترانی فلم کی پہلی پیش کش جو کہ ایک آرٹ فلم ہے جو صرف 40 منٹ کی ہے پریمیئر شوہونے سے پہلے ہی بروز اتوار مورخہ 18 دسمبر 2011ء کو فیض آباد فلم فیئر فیسٹیول میںدکھائی گئی ۔ اور بہت پسند کی گئی ۔فلم کو کافی سراہا گیا ۔ اس پر بحث و مباحثہ کیاگیا ۔اور بہت سے لو گوں نے مبارکباد دیں ۔ہم تمام ٹیم کے طرف سے سب وزیٹرس اورلنترانی کے خیر خواہاں کا شکریہ ادا کرتے ہیں ۔ امید ہے کہ آپ کا تعاون ہمیشہہمارے ساتھ بنارہے گا ۔اور لنترانی میڈیا ہاؤس اسی طرح توقی کی راہ پر گامزن رہےگا ۔ آمین ثمّہ آمین

اردو کمپیوٹر ورک شاپ

2011-12-25T02:45:00.001-08:00

مدنی ہائی اسکول جوگیشوری ممـبئی میںکاوش کے طرف سے اساتذہ کے لۓ کمپیوٹر بیداری کے لۓ و رک شاپ رکھا گیا تھا ۔ پچاسساٹھ اساتذہ موجود تھے ۔ لنترانی میڈیا ہاؤس کے مینجینگ ڈائریکٹر ڈاکٹر روپیش سریواستو نے اس ورک شاپ میںکمپیوٹر کی اہمیت اور اپنی تدریس میں کمپیوٹر کا کس طرح استعمال کرسکتے ہیں ۔اورکس طرح ہمارے لۓ فائدے مند رہے گا ۔یہ سمجھایا ۔اور بغیرکسی سوفٹ ویئر کے ہم کمپیوٹرمیں کس طرح اردو ایکٹیویٹ کرکے باقاعدہ اردو لکھ سکتے ہیں ۔اسے پروجیکٹر اور اسکرین پر سمجھایا ۔اور پھر پریکٹیکل یعنی عملی طور پر کروا کر رہنمائی کی گئی ۔ یہ ورک شاپ بہت کامیاب رہا ۔ کاوش ( تنظیم اساتذہ)کی یہ کوشش کامیاب رہی ۔

حسین ڈے

2011-12-14T23:13:00.000-08:00

سہیوگ کلچرل سوسائٹی اورالکمال اردو فاؤنڈیشن کے زیر اہتمام اسلام جمخانہ کے جابر ہال میں بروزسنیچر مورخہ 10 دسمبر 2011ء کو تیرہواںسالانہ ( حسین ڈے ) کی مجلس منعقد کی گئی ۔عبدالسمیع بوبیرے(صدر سہیوگ کلچرل سوسائٹی) نے کہا کہ ''امام حسین نے باطل کے خلاف انسانیت کو ایک نیا چارٹر دیاہے ۔ ہمارا یہ پروگرام لوگوں میں اتحاد واتفاق و بھائی چارے کو فروغ دینے کیکاوش ہے ۔ حسین ڈے کے عنوان پر مقّررین نے اس طرح کا اظہارخیال کیا ۔ پدم شری ڈاکٹر محمودالرحمن نے کہا کہ" حسین ڈے میں تمام عقائد و مذہبی رہنماؤں کی موجودگی اس بات کی غمازی کرتا ہے کہ امام حسین نے اپنی شہادت سے پوری انسانیت کو یکجاکرنے کا حوصلہ دیا ہے ۔"مولانا مظہر نے اپنے خطاب میں کہا کہ ''امام عالی مقام سیدنا امام حسین نے تاریخ انسانیتمیں یذید کی حکومت کو باطل قرار دینے اور دین کی عظمت کو بلند کرنے میں جو کردار اور عمل دکھایا ہے کہ اس کا اعتراف پوری انسانیت کے حق پرست کرتے ہیں۔ اس موقع پر پارسی مذہبی رہنما یزدی پنٹکی عیسائی مزہبی رہنمارمیش دیسوزا ، شری کے آر پوری ، ایڈوکیٹ بی اےدیسائی ، محمد حسین کھنڈوانی ،آصف اعظمی ( صحافی دہلی) ڈاکٹر کامران خان نے اور نجات فاؤنڈیشن کے فاروق اعظمی نےاپنے اپنے خیالات کا اظہار کیا ۔مشہورو معروف شاعر عبدالاحد ساز ،عبدالحمید ساحلاوررؤف معروف نے روحانی مشاعرے میں حصہ لیا ۔اور اپنے کلام سے مجمع کو محظوظ کیا ۔اور پھر عشائيہ پرپروگرام کا اختتام ہوا ۔

21 وی صدی کے اساتذہ

2011-12-04T01:58:00.001-08:00

کاوش ( بزم اساتذہ) کے زیر اہتمام 26 نومبر 2011ء کو دوپہر3بجے نہرو پلینٹوریم ہال آف ہارمونی ورلی ممبئی میں اپنی نوعیت کا ایکمنفرد ورکشاپ کا انعقاد کیا گیا تھا ۔ جسمیں مختلف عنوانات جیسے (1) اکیسویں صدی کے طلبا ء اساتذہ کے لیے چیلینچ (2) سائٹ افیکٹ آف ٹینالوجی ( 3) ٹیوشنضرورت یا تجارت ( 4) غیر انگریزی ( اردو ) اسکولوں کا مستقبل پر سیمینار رکھا گیا ۔سب سے پہلے تلاوت قران کے بعد استقبال کے وقت پروجیکٹر پر سلائڈس اور ویڈیو ی بتاۓ گیے ۔پروگرام کاآغاز عارف عثمانی سر نے کیا ۔ پورے پروگرامکا لائحہ عمل تر تیب وار پیش کیا ۔اور ٹیکنالوجی کی مختصر معلومات دی ۔اوریہ بات واضح کرنے کی کوشش کیں ۔ جب بچہاسکول آتا ہے تو بے پناہ معلومات اور تجسس کا سمندر لے کر آتا ہے ۔اب طلباء اساتذہ سے زیادہ آگے بڑھ رہے ۔انٹرنیٹ سے معلومات حاصل کررہے ہیں ۔ یعنیانھوں نے اکیسویں صدی میں قدم رکھا ہے جو کہ ٹیکنیکی دور ہے ۔ ان کی ذہنی عمر (آئ ،کیو ) بڑھ گئی ہے ۔۔اساتذہ کو بھی خود کو تکنیک سےآراستہ کرنا ہے ۔ گولڈ میڈلسٹ ڈاکٹر ضیاءالرحمان،سر ( پرنسپل آف رئیس ہائ اسکول بھیونڈ ی)نے اکیسویں صدی کے اساتذہ کے لیے چیلینچ اس پر بہت اچھے انداز میں گفتگو کیں۔ اور شروعات اس طرح کی کہ پہلے بلیکبورڈ ( تختہ سیاہ ) کالا ہوتاتھا ۔اب وہہرا ہو گیا ۔ہے ۔بچے زیادہ ایڈوانس ہو گیےہیں۔ ٹیکنالوجی جیسی آندھی کا رخ مثبت بنانے میں ٹیچرسکوبھی اپنا مزاج بنانا ہو گا ۔طلباء کاآئي کیو 15سے 18٪ بڑھ گیا ہے ۔اس لیے اب ٹیچرسکی ذہن سازی ضروری ہے ۔ کاظم ملک اور عامرانصاری نے ایک گھنٹے تک ویڈیو چیٹنگ کے ذریعے ٹاک شو لیا ۔تمام لوگوں نے اس میں حصّہ لیا ۔ مسسز نجمہ قاضی ، ڈاکٹر رخشندہ، ڈاکٹر ریحان انصاری،سعید خان پینیلسٹ تھے ۔اس میں تمام سامعین نے حصہ لیا،انقلاب کے مدیر شاہد لطیف سرکےہاتھوں تعلیمی ویب سائٹ رہنمائی ڈاٹ کام کا افتتاح کیا گیا ۔اور انھوں نےکہا کہ ہمیں ایک پلیٹ فارم بنانا ہے ہم میں جو کوالیٹی ہے اسکو پہچان کر مل جل کر آگے بڑھنا ہے ۔ہر ٹیچر ایک انجمن ہے سب مل کر کام کریں تو انقلاب لا سکتے ہیں۔ اور اس طرح کے پروگرام مختلف علاقوں میں ہونےچاہیے۔رسم شکریہ اخلاق سرنے ادا کیں۔اسطرح سے پروگرام کا اختتام ہوا

اس ورکشاپ کے لیے پہلے سے ہیاساتذہ کا رجسٹریشن کیا گیا تھا ۔ اسورکشاپ سے 200 سے زیادہ اساتذہ نے استفادہحاصل کیا ۔ پروگرام کے کنوینر مسٹر الطافناٹوسکر صاحب تھے ۔ان کا انتظام بہت اچھاتھا ۔پروگرام کافی کامیاب رہا ۔

کل ہند سیمینار و مشاعرہ

2011-12-03T09:14:00.001-08:00

ملّت ایجوکیشنل اینڈ ویلفیئر سوسائٹی جھانسی (ہندوستان) کے زیر اہتمام گورنمنٹ میوزیم کے سبھا گرمیں پانی پت و ہریانہکے مشہور محقق رمیش چندرپوہار کی صدارت میں ایک کل ہند سیمینار بہ عنوان ''اردو شعراء و ادب میں غیر مسلم شعراء ادباء کی خدمات منعقد ہوا ۔،بطورمہمان خصوصی سابق ایم ۔ایل ۔اے برجیندر ویاس عرف ڈم ڈم مہاراج رہے ۔اس موقع پرپروفیسرشیخ عائشہ سمن کے شعری مجموعہ '' نقرئی گنگن بول اٹھے '' کا اجراء کیا گیا ۔اورانھیں ایوارڈ سے نوازا گیا ۔سیمینار میں میرٹھ کالج کے صدر شعبہء اردو سپروفیسرخالد امبالا کے مہندرپرتاپ چاند ۔۔جالندھر پنجاب کے ۔۔۔۔۔معروف شاعر سینچھی معروفادیبہ ڈاکٹرو سماجی کارکن سہارنپور کی شسما بجاج نے شرکت کیں ۔پروفیسر خالد نے کہا۔اردو کے لۓ مخلصانہ و عہددرانہ جذبہ رکھنےوالے مسلمانوں سے زیادہ غیر مسلم شعراء و ادباء ہیں۔ہریانہ کے مہندر پرتاپ چاند نے کہا کہ یہاں کے غیر مسلم شعراء وادباء کے فکر کے بغیر اردو شاعری نامکمل ہے ۔ان کی خدمات کو فراموش نہیں کیا جاسکتا ۔مالٹیر کوئلہ پنجاب کے نو جوان شاعر ضمیر علی ضمیر نے اس موضوع پر منعقد ہونے والے سیمینار کو وقت اور حالات کی اہم ترین ضرورت بنایا ۔انہوں نےکہا اردو شعراء و ادباء کی تحسین وستائش ہمارا فرض ہے ، سیمینار کے کنوینیئرفیروز خان ندوی نے اپنے استقبالیہ خطاب میں تمام مہمانوں کا تعارف کراتے ہوۓ کہا کہ '' اردو کو کسی بھی دھرم کسی بھی مذہب سے جوڑا نہیں جاسکتا ،اردو پر یہ بہت بڑا الزام ہے کہ اردوصرف مسلمانوں کی زبان ہے ۔یہ بلکل غلط ہے ۔اردوہندوستان کی زبان ہے ۔اس موقع پر جھانسیکے استاد شاعر جان رابرٹ پال نادرشاہ جہاںپوری کی یاد میں ایک مشاعرہ بھی منعقد کی گیا ۔ جس میں تمام شعراء نے اپنے کلام سناکر سامعین کو محظوظ کیا ۔ اس خالص ادبیتقریب میں شہر کی معروف نمائندہ شعراء ومعزّزین اہل و دانش نے شرکت کی۔ جن میںقابل ذکراقبال حسن مہیبا ، ارمان بتوارے،عبدالغنی دانش، عثمان اشک ، عمر اشک حاجی قمر صدیقی نیاز مبوودے ، فاروق کیفی ، محمود خان ڈاکٹر انیس احمد وغیرہ موجود رہے ۔کلماتتشکّر سرفراز معصوم نے ادا کۓ ۔یہ ادبی تقریب کامیاب رہی ۔ایسے پروگرام ہونے چاہیے ۔

Quiz time

2011-12-02T22:33:00.001-08:00

او بی سی اسکالرشپ کے سلسلے میں سی سی آئی کی سرگرمیاں : مالیگاؤں ، ۲؍ دسمبر

2011-12-02T08:40:00.001-08:00

مہاراشٹر میں اقلیتی طلبہکو حکومتی اسکالرشپ اسکیمات سے فائدہ دلانے کیلئے سرگرم تنظیم سی سی آئی نے آجوزیر اقلیتی امور اور نائب وزیر اعلی و وزیر اعلیٰ مہاراشٹر کو خط لکھ کر او بی سی( OBC) اسکالرشپ اسکیم کے فارم کو آن لائن کر دینے سے ہونے والے نقصاناتپر تشویش جتائی ہے۔ اس ضمن میں سافٹ وئیر کی بعض کمزوریوں کے پیش نظر OBCطبقہ کے لاکھوں مستحقطلبہ کو اسکالرشپ سے محرومی کا سامنا کرنا پڑ رہا ہے۔ سی سی آئی کے قومی کارگزارصدر پروفیسر عبدالمجید صدیقی کی قیادت میں مالیگاؤں کے معاملیدار ہرش گائیدھنی سےآج نمائندہ وفد نے ملاقات کرکے OBCاسکالرشپ کے حصول میںدرپیش دشواریوں پر روشنی ڈالتے ہوئے بتایا کہ آج اعلیٰ تعلیم حاصل کررہے طلبہ کوصرف اسلئے او بی سی اسکالرشپ سے محروم کیا جارہا ہے کہ انھوں نے چند سال قبل SSCکا فارم بھرتے وقت مقررہذات کے کالم میں OBCکا اندراج نہیں کروایاتھا۔ جب کہ حقیقت یہ ہے کہ جس وقت طالب علم SSCامتحان میں شریک ہوتا ہےاس وقت اس کے پاس ذات پات کا کوئی سرٹیفکٹ موجود نہیں ہوتا اس لئے جان بوجھ کر وہذات کے کالم میں اپنی کاسٹ کو واضح نہیں کرتا ۔ عام طور پر ہمارے ملک میں ذات کےدستاویز SSCپاس کرنے کے بعد میںبنوائے جاتے ہیں ۔ البتہ سی سی آئی نے رواں تعلیمی سال میں SSCفارم بھرتے وقت ذات کےکالم میں OBCیا دیگر ذاتوں کے اندراجکی ’’ بیداری مہم‘‘ چلائی ہے ۔ لیکن چند سال قبل جن طلبہ نے SSCپاس کرلیا ہے ۔ ان کے پاسآج OBC سرٹیفکیٹ موجود ہونے کے باوجود انھیں صرف اس لئے اسکالرشپ سےمحروم رکھا جارہا ہے کہ انھوں نے SSCفارم میں اس کا خلاصہنہیں کیا تھا ۔ اسی طرح کی فیڈنگ والے سافٹ وئیر کی وجہ سے لاکھوں کی تعداد میںحقدار طلبہ کے اسکالرشپ فارم براہِ راست مسترد ہورہے ہیں ۔ اور ان میں مسلم طلبہکی بہت بڑی تعداد ہے ۔ سی سی آئی نے حکومت مہاراشٹر سے درخواست کی ہے کہ سافٹ وئیرکی اس تیکنکی خامی کو فوراً دور کرلیا جائے ۔ اور ممکن ہو تو آن لائن فارم کے ساتھساتھ کاغذی فارم بھی قبول کئے جائیں ۔ تاکہ کوئی بھی حق دار طالب علم محروم نہرہے۔ دیگر مطالبات میں کہا گیا کہ تحریری عریضہ فارم کے ساتھ ذات کے سرٹیفکٹ کیمستند کاپی قبول کی جائے اور اس سلسلے میں سماج کلیان محکمہ کو فوری طور پر ہدایتجاری کی جائے ایک اور مطالبہ یہ کیا گیا کہ اسکالرشپ کے آن لائن سسٹم کیلئے بنائےگئے سافٹ وئیر میں بہت سارے کالجوں کا اندراج تک نہیں ہے۔ ایسے کالجوں کے طلبہ بھیمحرومی کا شکار ہورہے ہیں ۔ لہذا اسکالرشپ کے ضمن میں ان تمام کمزوریوں کو فوریطور پر دور کرلیا جائے ۔
اس سلسلے میں آج حکومتی نمائندوں سے ملنے والے وفد میں پرنسپال عبدالمجید صدیقی ،پرنسپال عتیق شعبان ، اشفاق عمر ، انعام وحید ، اخلاق بالے مقادم ، ڈاکٹر مجیبالرحمن شامل تھے ۔ وفد نے این سی پی کے مالیگاؤں صدر حاجی محمد یوسف سے بھی اسموضوع پر تبادلۂ خیال کیا۔ اوران کی رہنمائی میں چند روز کے بعد وزیر اعلی ، نائبوزیر اعلیٰ اور محکمہ اقلیتی امور کے ذمہ داران سے ملاقات کیلئے وفد ممبئی بھیپہنچے گا۔ اس ضمن میں تمام متعلقہ وزیر اور محکمہ جاتی سکریٹریز کو محضر نامےروانہ کئے گئے ہیں ۔
***

حیاتِ اقبال کا سبق

2011-12-02T08:36:00.001-08:00

سید ابوالاعلیٰ مودودی
دنیاکا میلان ابتدا سے جدید ترین دور تک ”اکابر پرستی“ (Hero-Worship)کیجانب رہا ہے۔ ہر بڑی چیز کو دیکھ کر ہذا ربی ہذا اکبر کہنے کی عادت، جس کا ظہورقدیم ترین انسان سے ہوا تھا، آج تک اس سے نہیں چھوٹی ہے۔ جس طرح دو ہزار برس پہلےبودھ کی عظمت کا اعتراف اِس مخلوق کے نزدیک بجز اس کے اور کسی صورت سے نہ ہوسکتاتھا کہ اس کا مجسمہ بناکر اس کی عبادت کی جائی، اسی طرح آج بیسویں صدی میں دنیا کیسب سے زیادہ سخت منکر عبودیت قوم (روس) کا ذہن لینن کی بزرگی کے اعتراف کی کوئیصورت اس کے سوا نہیں سوچ سکتا کہ اس کی شخصیت کے آگے مراسم عبودیت بجالائیں۔ لیکنمسلمان کا نقطہ نظر اس باب میں عام انسانوں سے مختلف ہے۔ اکابر پرستی کا تصور اسکے ذہن کی افتاد سے کسی طرح میل نہیں کھاتا۔ وہ بڑوں کے ساتھ برتاو کرنے کی صرفایک ہی صورت سوچ سکتا ہی، یعنی اولئک الذین ہداہم اللہ فبھد ہٰم افتدہ ”اللہ نے انکو زندگی کا سیدھا راستہ بتایا تھا جس پر چل کر وہ بزرگی کے مراتب تک پہنچی، لہٰذاان کی زندگی سے سبق حاصل کرو اور اس کے مطابق عمل کرو“۔ اسی نقطہ نظر سے میں اسمختصر سے مضمون میں اپنی قوم کے نوجوانوں کو بتانا چاہتا ہوں کہ جس اقبال کی عظمتکا سکہ ان کے دلوں پر بیٹھا ہوا ہی، اس کی زندگی کیا سبق دیتی ہے۔ سب جانتے ہیں کہاقبال نے یہی مغربی تعلیم حاصل کی تھی جو ہمارے نوجوان انگریزی یونیورسٹیوں میںحاصل کرتے ہیں۔ یہی تاریخ، یہی ادب، اقتصادیات، یہی سیاسیات، یہی قانون اور یہیفلسفہ انہوں نے بھی پڑھا تھا، اور ان فنون میں بھی وہ مبتدی نہ تھے بلکہ منتہیفارغ التحصیل تھے۔ خصوصاً فلسفہ میں تو ان کو امامت کا مرتبہ حاصل تھا جس کااعتراف موجودہ دور کے اکابر فلاسفہ تک کرچکے ہیں۔ جس شراب کے دوچار گھونٹ پی کربہت سے لوگ بہکنے لگتے ہیں، یہ مرحوم اس کے سمندر پئے بیٹھا تھا۔ پھر مغرب اور اسکی تہذیب کو بھی اس نے محض ساحل پر سے نہیں دیکھا تھا جس طرح ہمارے 99 فی صدینوجوان دیکھتے ہیں، بلکہ وہ اس دریا میں غوطہ لگاکر تہہ تک اتر چکا تھا، اور ان سبمرحلوں سے گزرا تھا جن میں پہنچ کر ہماری قوم کے ہزاروں نوجوان اپنے دین و ایمان،اپنے اصول تہذیب و تمدن اور اپنے قومی اخلاق کے مبادی تک سے برگشتہ ہوجاتے ہیں،حتیٰ کہ اپنی قومی زبان تک بولنے کے قابل نہیں رہتے۔ لیکن اس کے باوجود اس شخص کاحال کیا تھا؟ مغربی تعلیم و تہذیب کے سمندر میں قدم رکھتے وقت وہ جتنا مسلمان تھا،اس کے منجدھار میں پہنچ کر اس سے زیادہ مسلمان پایا گیا۔ اس کی گہرائیوں میں جتنااترتا گیا اتنا ہی زیادہ مسلمان ہوتا گیا۔ یہاں تک کہ اس کی تہہ میں جب پہنچا تودنیا نے دیکھا کہ وہ قرآن میں گم ہوچکا ہی، اور قرآن سے الگ اس کا کوئی فکری وجودباقی ہی نہیں رہا۔ وہ جو کچھ سوچتا تھا قرآن کے دماغ سے سوچتا تھا، جو کچھ دیکھتاتھا قرآن کی نظر سے دیکھتا تھا۔ حقیقت اور قرآن اس کے نزدیک شے واحد تھی، اور اسشے واحد میں وہ اس طرح فنا ہوگیا تھا کہ اس دور کے علمائے دین میں بھی مجھے کوئیایسا شخص نظر نہیں آتا جو فنائیت فی القرآن میں اس امامِ فلسفہ اور اس ایم ای، پیایچ ڈی بار ایٹ لا سے لگّا کھاتا ہو۔ بہت کم لوگوں کو معلوم ہے کہ آخری دور میںاقبال نے تمام کتابوں کو الگ کردیا تھا، اور سوائے قرآن کے اور کوئی کتاب وہ اپنےسامنے نہ رکھتے تھے۔ سالہا سال تک علوم و فنون کے دفتروں میں غرق رہنے کے بعدوہ جسنتیجے پر پہنچے تھی، وہ یہ تھا کہ اصل علم قرآن ہی، اور یہ جس کے ہاتھ آجائے وہدنیا کی تمام کتابوں سے بے نیاز ہے۔ ایک کسی شخص نے ان کے پاس فلسفہ کے چند اہمسوالات بھیجے اور ان کا جواب مانگا۔ ان کے قریب رہنے والے لوگ متوقع تھے کہ ابعلامہ اپنی لائبریری کی الماریاں کھلوائیں گے اور بڑی بڑی کتابیں نکلواکر ان مسائلکا حل تلاش کریں گے۔ مگر وہ یہ دیکھ کر حیران رہ گئے کہ لائبریری کی الماریاں مقفلکی مقفل رہیں اور وہ صرف قرآن ہاتھ میں لے کر جواب لکھوانے بیٹھ گئے۔ رسول اللہصلی اللہ علیہ وسلم کی ذات ِمبارک کے ساتھ ان کی والہانہ عقیدت کا حال اکثرلوگوںکو معلوم ہی، مگر یہ شاید کسی کو نہیں معلوم کہ انہوں نے اپنے سارے تفلسف اوراپنی تمام عقلیت کو رسولِ عربی صلی اللہ علیہ وسلم کے قدموں میں ایک متاع حقیر کیطرح نذر کرکے رکھ دیا تھا۔ حدیث کی جن باتوں پر نئے تعلیم یافتہ نہیں، پرانے مولویتک کان کھڑے کرتے ہیں اور پہلو بدل بدل کر تاویلیں کرنے لگتے ہیں یہ ڈاکٹر آففلاسفی ان کے ٹھیٹھ لفظی مفہوم پر ایمان رکھتا تھا، اور ایسی کوئی حدیث سن کر ایکلمحہ کے لیے بھی اس کے دل میں شک کا گزر نہ ہوتا تھا۔ ایک مرتبہ ایک صاحب نے ان کےسامنے بڑے اچنبھے کے انداز میں اس حدیث کا ذکر کیا جس میں بیان ہوا کہ ”رسول اللہصلی اللہ علیہ وسلم اصحاب ثلاثہ کے ساتھ کوہِ احد پر تشریف رکھتے تھے۔ اتنے میںاحد لرزنے لگا اور حضور نے فرمایاکہ ٹھیر جا تیرے اوپر ایک نبی، ایک صدیق اور دوشہیدوں کے سوا کوئی نہیں ہے۔ اس پر پہاڑ ساکن ہوگیا۔“ اقبال نے حدیث سنتے ہی کہاکہ اس میں اچنبھے کی کون سی بات ہی؟ میں اس کو استعارہ و مجاز نہیں بالکل ایک مادیحقیقت سمجھتا ہوں، اور میرے نزدیک اس کے لیے کسی تاویل کی حاجت نہیں۔ اگر تم حقائقسے آگاہ ہوتے تو تمہیں معلوم ہوتا کہ ایک نبی کے نیچے آکر مادے کے بڑے سے بڑے تودےبھی لرز اٹھتے ہیں، مجازی طور پر نہیں، واقعی لرز اٹھتے ہیں۔ اسلامی شریعت کے جناحکام کو بہت سے روشن خیال حضرات فرسودہ اور بوسیدہ قوانین سمجھتے ہیں اور جن پراعتقاد رکھنا ان کے نزدیک ایسی تاریک خیالی ہے کہ مہذب سوسائٹی میں ان کی تائیدکرنا ایک تعلیم یافتہ آدمی کے ڈوب مرنے سے زیادہ بدتر ہی، اقبال نہ صرف ان کومانتے اور ان پر عمل کرتے تھی، بلکہ برملا ان کی حمایت کرتے تھے اور ان کو کسی کےسامنے ان کی تائید کرنے میں باک نہ تھا۔ اس کی ایک معمولی مثال سن لیجیے۔ ایکمرتبہ حکومتِ ہند نے ان کو جنوبی افریقہ میں اپنا ایجنٹ بناکر بھیجنا چاہا اور یہعہدہ ان کے سامنے باقاعدہ پیش کیا۔ مگر شرط یہ تھی کہ وہ اپنی بیوی کو پردہ نہکرائیں گے اور سرکاری تقریبات میں لیڈی اقبال کو ساتھ لے کر شریک ہوا کریں گے۔اقبال نے اس شرط کے ساتھ یہ عہدہ قبول کرنے سے صاف انکار کردیا، اور خود لارڈولنگڈن سے کہا کہ میں بے شک ایک گناہ گار آدمی ہوں، احکام اسلامی کی پابندی میںبہت کوتاہیاں مجھ سے ہوتی ہیں، مگر اتنی ذلت اختیار نہیں کرسکتا کہ محض آپ کا ایکعہدہ حاصل کرنے کے لیے شریعت کے حکم توڑ دوں۔ اقبال کے متعلق عام خیال یہ ہے کہ وہفقط اعتقادی مسلمان تھی، عمل سے ان کو کچھ سروکار نہ تھا۔ اس بدگمانی کے پیدا کرنےمیں خود ان کی افتادِ طبع کا بھی بہت کچھ دخل ہی، ان میں کچھ فرقہ ¿ملامتیہ کے سے میلانات تھی، جن کی بناءپر اپنی رندی کے اشتہار دینے میں انہیں کچھمزا آتا تھا۔ ورنہ درحقیقت وہ اتنے بے عمل نہ تھے۔ قرآن مجید کی تلاوت سے ان کوخاص شغف تھا اور صبح کے وقت بڑی خوش الحانی کے ساتھ پڑھا کرتے تھی، مگر آخر زمانےمیں طبیعت کی رقت کا یہ حال ہوگیا تھا کہ تلاوت کے دوران روتے روتے ہچکیاں بندھجاتی تھیں اور مسلسل پڑھ ہی نہ سکتے تھے۔ نماز بھی بڑے خشوع و خضوع سے پڑھتے مگرچھپ کر۔ ظاہر میں یہی اعلان تھا کہ نرا گفتار کا غازی ہوں۔ ان کی سادہ زندگی اورفقیرانہ طبیعت کے حالات ان کی وفات ہی کے بعد لوگوں میں شائع ہوئی، ورنہ عام خیالیہی تھا کہ جیسے اور ”سرصاحبان“ ہوتے ہیں ویسے ہی وہ بھی ہوں گے اور اسی بناءپربہت سے لوگوں نے یہاں تک بلاتحقیق لکھ ڈالا تھا کہ ان کی بارگاہِ عالی تک رسائیکہاں ہوتی ہے۔ لیکن واقعہ یہ ہے کہ یہ شخص حقیقت میں اس سے بھی زیادہ فقیر منش تھاجتنا اس کی وفات کے بعد لوگوں نے اخبارات میں بیان کیا ہے۔ ایک مرتبہ کا واقعہ سنلیجیے جس سے اس نائٹ اور بیرسٹر کی طبیعت کا آپ اندازہ کرسکیں گے۔ پنجاب کے ایکدولت مند رئیس نے ایک قانونی مشورے کے لیے اقبال اور سر فضلحسین مرحوم اور ایک دواور مشہور قانون داں اصحاب کو اپنے ہاں بلایا اور اپنی شاندارکوٹھی میں ان کے قیامکا انتظام کیا۔ رات کو جس وقت اقبال اپنے کمرے میں آرام کرنے کے لیے گئے تو ہر طرفعیش و تنعم کے سامان دیکھ کر اور اپنے نیچے نہایت نرم اور قیمتی بستر پاکر معاً انکے دل میں خیال آیا کہ جس رسولِ پاک صلی اللہ علیہ وسلم کی جوتیوں کے صدقے میں آجہم کو یہ مرتبے نصیب ہوئے ہیں اس نے بورئیے پر سو سو کر زندگی گزاری تھی۔ یہ خیالآنا تھا کہ آنسووںکی جھڑی بندھ گئی۔ اس بستر پر لیٹنا ان کے لیے ناممکن ہوگیا۔اٹھے اور برابرکے غسل خانے میں جاکر ایک کرسی پر بیٹھ گئے اور مسلسل رونا شروعکردیا۔ جب ذرا دل کو قرار آیا تو اپنے ملازم کو بلاکر اپنا بستر کھلوایا اور ایکچارپائی اس غسل خانے میں بچھوائی اور جب تک وہاں مقیم رہی، غسل خانے ہی میں سوتےرہے۔ یہ وفات سے کئی برس پہلے کا واقعہ ہے جب باہر کی دنیا ان کو سوٹ بوٹ میںدیکھا کرتی تھی۔ کسی کو خبر نہ تھی کہ اس سوٹ کے اندر جو شخص چھپا ہوا ہے اس کیاصلی شخصیت کیا ہی؟ وہ ان لوگوں میں سے نہ تھا جو سیاسی اغراض کے لیے سادگی و فقرکا اشتہار دیتے ہیں اور سوشلسٹ بن کر غریبوں کی ہمدردی کا دم بھرتے ہیں، مگر پبلککی نگاہوں سے ہٹ کر ان کی تمام زندگی رئیسانہ اور عیش پسندانہ ہے۔ اقبال کے نائٹہڈ اور سر شفیع مرحوم جیسے حضرات کے ساتھ ان کے سیاسی رشتہ کو دیکھ کر عام خیال یہتھا اور اب بھی ہے کہ وہ محض شاعری ہی میں آزاد خیال تھی، عملی زندگی میں آزادخیالی ان کو چھوکر بھی نہ گزری تھی، بلکہ وہ نرے انگریز کے غلام تھے۔ لیکن حقیقتاس کے بالکل برعکس ہے۔ ان کے قریب جو لوگ رہے ہیں اور جن کو گہرے ربط و ضبط کی بناپر ان کی اندرونی زندگی اور ان کے اندرونی خیالات کا علم ہے وہ جانتے ہیں کہانگریزی سیاست سے ان کو خیال اور عمل دونوں میں سخت نفرت تھی۔ بارگاہِ حکومت سے وہکوسوں دور بھاگتے تھے۔ سرکار اور اس کے پرستار دونوں ان سے سخت بدگمان تھے اور انکی ذات کو اپنے مقاصد میں حارج سمجھتے تھے۔ سیاسیات میں ان کا نصب العین محض کاملآزادی ہی نہ تھا بلکہ وہ آزاد ہندوستان میں ”دارالاسلام“ کو اپنا مقصودِ حقیقیبنائے ہوئے تھے۔ اس لیے کسی ایسی تحریک کا ساتھ دینے پر آمادہ نہ تھے جو ایکدارالکفر کو دوسرے دارالکفر میں تبدیل کرنے والی ہو۔ صرف یہی وجہ ہے کہ انہوں نےعملی سیاسیات میں ان لوگوں کے ساتھ مجبورانہ تعاون کیا جو برٹش گورنمنٹ کے زیرسایہہندو راج کے قیام کی مخالفت کررہے تھے۔ گو مقاصد کے اعتبار سے اُن میں اور اس طبقےمیں کوئی ربط نہ تھا، مگر صرف اس مصلحت نے ان کو اس طبقے کے ساتھ جوڑ رکھا تھا کہجب تک مسلمان نوجوانوں میں ”دارالاسلام“ کا نصب العین ایک آتش فروزاں کی طرح بھڑکنہ اٹھے اور وہ اس کے لیے سرفروشانہ جدوجہد پر آمادہ نہ ہوں، اُس وقت تک کم ازکمانقلاب کے رخ کو بالکل دوسری جانب پلٹ جانے سے روکے رکھا جائے۔ اس بنا پر انہوں نےایک طرف اپنی شاعری سے نوجوانانِ اسلام کے دلوں میں وہ روح پھونکنے کی کوشش کی جسسے سب لوگ واقف ہیں اور دوسری طرف عملی سیاسیات میں وہ روش اختیار کی جس کے اصل مقصودسے چند خاص آدمیوں کے سوا کوئی واقف نہیں، اور جس کے بعض ظاہری پہلووں کی وجہ سےوہ خود اپنے بہترین عقیدت مند معترفین تک کے طعنے سنتے رہے۔

تیموری بیگمات کا شعری ذوق

2011-12-02T08:32:00.001-08:00

امیر تیمور کو سلطنتمغلیہ کابانی کہا جاتا ہے۔شہنشاہ بابر، ہمایون، اکبر، جہاں گیر، شاہ جہاں، اورنگزیب بلکہ سارے ہی مغل حکمراں اسی تیمور کی اولاد میں ہیں۔ مغل بادشاہوں، بیگموں،شہزادوں اور شہزادیوں کواسی لئے تیموری کہاجاتا ہے۔تیموری بادشاہ اور شہزادے فنی حربو ضرب میں مہارت کے ساتھ ساتھ فنون لطیفہ خصوصاً رقص و موسیقی اور شعر و ادب کےدلدادہ ہوتے تھے۔ تیموری بیگمات اور شہزادیاں بھی فنون جنگ اور فنون لطیفہ سے کمدلچسپی نہ رکھتی تھیں۔ بعض بیگمات قلعہ میں ہر وقت ہتھیار بند رہتی تھیں،میدان جنگمیں داد شجاعت دیتیں رقص و موسیقی میں مہارت کے علاوہ شعر وشاعری میں وہ اپنے عہدکی خواتین میں ممتاز تھیں۔

آئیے تیموری خواتین (شاعرات) سے ملاقات کرتے ہیں۔ یہ ہیں:
امتہ الحبیب: یہ محترمہ ترکی خلیفہ کی اسلامی فوج میں’’لیفٹیننٹ‘‘ کے عہدہ پرفائز تھیں۔مردانہ لباس میں رہتیں۔تیمور نے جب خلافتاسلامیہ کی اینٹ سے اینٹ بجادی ، ستر ہزار مسلمانوں کو اپنے ہوس ملک گیری کی بھینٹچڑھا دیا ۔ تو قیدی سپاہیوں کی جان بچانے کے لئے انھوں نے تیمور سے شادی کرلی۔تیمور نے اسے حمیدہ بانو بیگم کا نام دیا۔
ترکی عربی فارسی کے علاوہ چینی اور زرتشی زبانوں سے واقفتھیں’’ترکی خواتین‘‘ اور ’’امیر تیمور کی فتوحات ہندیہ‘‘ دوکتابیں ان کی یاد گارہیں۔ ترکی اور عربی زبان میں اشعار موز وں کرتی تھیں ۔ اور یہ ہیں:
’’آرام جاں بیگم‘‘ نور الدین جہاں گیر کی پانچویں بیگم۔حاضر جوابی، بے ساختگی اور فی البدیہہ شعر کہنے میں جو ملکہ انھیں میسر ہے وہبیگموں کو تو کیا خود جہاں گیر بادشاہ کو بھی میسر نہیں۔ عربی زبان میں بھی طبعآزمائی کرتی تھیں مگر عربی اشعار کم پایہ ہیں۔ اس کی فارسی شاعری قابل داد ہے۔
حضرات! لیجئے محترمہ جہاںآراء بیگم صاحبہ جلوہ افروزہورہی ہیںیہ حسین و جمیل شہزادی شاہجہاں بادشاہ کی چہیتی بیٹی ہیں جو ارجمند بانوبیگم کے بطن سے 1023ھ میں پیدا ہوئیں۔ ہوشیار ، طباع، اور عربی و فارسی کی بہترینانشاء پرداز اکثر اوقات فارسی میں اشعار موزوں کرتی ہیں۔ ان کی آخری آرامگاہ مزارِحضرت نظام الدینؒ اولیاء سے متصل ہے جہاں 1092ھ سے آرام فرما ہیں۔
جاناں بیگم سے تو آپ واقف ہی ہوں گے۔قرآن کی تفسیر لکھنےکا شرف حاصل ہے ۔وزیر الملک مرزا عبدالرحیم خاں المخاطب بہ خان خاناں کی دختر ہیں۔ان کی لکھی ہوئی تفسیر قرآن کی واحد کاپی کو شہنشاہ اکبر نے پچاس ہزار دینار میںخریدا تھا۔
ان کی سخنوری اور طباعی کا کیا پوچھنا۔ استاد شعراء میںان کا شمار ہے۔ نازک خیالی اور مضمون آفرینی میں اپنا جواب نہیں رکھتیں۔ ان کےشوہر نامدار کانام شہزادہ دانیال ہے۔ شہزادہ کے انتقال کے بعد شہنشاہ جہاں گیر انکا خواستگار ہوا اپنی عصمت و عفت بچانے کے لئے انھوں نے اپنے تمام دانت اکھڑوالئے۔سر کے بال بے دردی سے کٹوادئیے۔بادشاہ جہانگیر ان کی پاکبازی اور شوہر سے وفاد اریدیکھ کر بہت متاثر ہوا اور کثیر انعام دے کر رخصت کیا ۔سن وفات 1070ھ ہے۔ حمیدہبانو بیگم وہ خوش نصیب ہستی ہیں جنھیں شوہر نصیرالدین محمد ہمایوں جیسا بادشاہ ملااور بیٹا مغل اعظم شہنشاہ جلال الدین اکبر جیسا۔ فارسی زبان میں بہت ہی برجستہ شعرکہتی تھیں۔ شوہر ہمایون کا 963ھ میں انتقال ہو گیا یہ اس کے بعد انسٹھ(59) برسزندہ رہیں 1010ھ میں انتقال ہوا۔
زیب النساء بیگم مخفی صاحبہ بادشا اورنگ زیب عالمگیر کیسب سے پہلی اولاد ہیں۔ بدیع الزماں خاں عرف شاہ نواز خاں صفوی کی بیٹی دل رس بانوبیگم کے بطن سے شوال 1048ھ میں پیدا ہوئیں ۔عربی و فارسی کی تعلیم نہایت اعلیٰدرجہ کی حاصل کی، بڑے بڑے علماء فضلاء ان کی خدمت میں رہتے تھے۔ نظم و نثر میں ملاسعید اشرف ماژندانی سے اصلاح لیتی تھیں۔ شادی نہیں کیں۔ صحیح قول کے مطابق 1113ھمیں انتقال ہوا۔
علو م عربیہ وفارسیہ میں کمال رکھتی تھیں۔ خط نستعلیق ،نسح اور شکستہ بہت عمدہ لکھتی تھیں۔ صاحب’’مخزن الغرائب ‘‘ احمد علی سندیلوی کےبقول ان کا بھی کلام محفوظ نہیں۔ امام رازی علیہ رحمتہ کی تفسیر کبیرکے ترجمہ کےعلاوہ بے شمار کتابیں علماء سے انھوں نے تصنیف کروائیں۔
اورنگزیب نے جب شاعری کودربار سے نکال دیاتھا تو وہ زیبالنساء ہی تھیں جنھوں نے قلعہ میں شاعری اور شعرا ء کو باریابی کا شرف دلایا۔ 65؍ سالکی عمر میں وفات پائی مقبرہ لاہور میں ہے۔
زہدۃ النساء بیگم : مذکورہ زیب النساء کی حقیقی بہن اورعالمگیر بادشاہ کی دختر ہیں۔ 26؍ رمضان1061ھ میں پیدا ہوئیں۔ترکی اور عربی زبان میں بلا تکلف گفتگو کرتی ہیں۔ دیگر علومو فنون سے واقف اور قادر الکلامی اور سخن سنجی میں مشہور ہیں۔ دادا شاہ جہاں نےدارا شکوہ کے چھوٹے فرزند سپہر شکوہ سے ان کا نکاح کرایا تھا۔ سن وفات عالمگیربادشاہ کی ہی سن وفات ہے۔
سلیمہ سلطان بیگم(مرز ا نور الدین کی بیٹی اور بادشاہہمایون کی بھانجی) کی طبیعت نہایت موزوں واقع ہوئی تھی۔ شعر گوئی اور شیریں بیانیاور بندش الفاظ اور بے ساختگی جو سلیمہ سلطان بیگم کوحاصل تھی کم شعراء میں دیکھیجاتی تھی۔ اس کے اشعار نہایت مضمون خیز اور پر لطف ہوتے ۔ عالمہ فاضلہ اور شاعرہتھی۔ اکبر بادشاہ نے اس کی شادی بیرم خان عرف خان بابا سے کرائی تھی۔ بیرم خان کےقتل کے بعد خود اکبر بادشاہ نے ان سے نکاح کرلیا۔
جمیلہ خاتون کے شوہر محمد مرزا ہیں ان کا پورانام رشیدالنساء عرف آرام جان تھا۔ یہ بھی استاد شاعرہ تھیں۔ فارسی شعر فی البدیہہ کہتیتھیں۔ اس دور کے ادباء و شعراء اس بات پر متفق تھے کہ رشید النساء شاعرہ پیدا ہوئیہے۔ اولاد میں صرف ایک لڑکی زندہ رہی جو عباسہ بیگم کے نام سے مشہور ہوئی۔
عباسہ بیگم مذکورہ بالاجمیلہ خاتون عرف رشیدالنساء عرفآرام جان کے بطن سے پیدا ہوئیں۔ ان کے والد محمدمرزا ہیں۔ اپنی ماں کی طرح یہ بھیشاعرہ تھیں اور بہت اچھا شعر کہتی تھیں۔
اشرف زمانی بیگم، شہنشاہ اورنگ زیب عالم گیر کی’’بہو‘‘اور شہزادہ محمد معظم شاہ عالم بہادر شاہ اول کی ’’حرم‘‘ (ملکہ) ہیں۔ قابلیتکامادہ بچپن ہی سے طبیعت میں تھا باپ کے فیض صحبت اور تعلیم کے اثر نے سونے پرسہاگہ کاکام کیا، مشکل سے مشکل اشعار فوراً سمجھ لیتی تھی۔ خود بھی فارسی اشعارکہتی تھی۔
بادشا بیگم اورنگ زیب بادشاہ کی بیٹی ہیں اپنی بہنوں(زیب النساء اور زہدۃ النساء ) کی طرح یہ بھی فارسی زبان کی شاعرہ ہیں۔ ذہن بہتتیز، نظر بہت وسیع سخت سے سخت زمین میں بر جستہ شعرکہتیں اور خوب کہتیں۔اپنےوالدعالم گیر بادشاہ کی شان میں انھوں نے ایک قصیدہ لکھا بادشاہ نے اس قصیدہ کوبہت پسند کیا اور ایک شعر کو کئی کئی مرتبہ پڑھ کر سنا لیکن بیٹی سے کہا کہ امراءاور خواص کاکام شاعری کرنانہیں۔چنانچہ بادشاہ بیگم نے پھر بھول کر شعرو سخن کانامنہیں لیا۔
اب تک جن شاعرات کا تذکرہ کیا گیا وہ فارسی (یا عربی یاترکی) کی شاعرات ہیں اس وقت ملک ہندوستان کی سرکاری زبان فارسی تھی۔بادشاہ اورنگزیب کے انتقال کے بعد تیموری خاندان کازوال شروع ہو گیا۔ لیکن اردو زبان کے اقبالکا ستارہ نصف النہار پر ضو فشانی کرنے لگا۔روشن اخترمحمد شاہ (رنگیلا) پہلا تیموریبادشاہ ہے جس نے اپنا مافی الضمیر ادا کرنے کے لئے اردو کا سہارا لیا اور فارسیاور ھندی کے ساتھ ساتھ اردوبھی قلعہ معلی میں عزت کی نگاہ سے دیکھی جانے لگی۔ شاہعالم ثانی آفتاب تیموری بادشاہوں میں اردو کا پہلا صاحب دیوان شاعر تھا۔ ذیل میںتیموری خاندان کی اردو شاعرات کا تذکرہ ملاحظہ ہو:
نواب اخترمحل اختر: خاندان تیموریہ کی شاہزادی ، ذی علم،طبیعت عالی، مضمون آفرینی میں یکتا اور بے انتہا نیک دل خاتون تھیں، 1292ھ مطابق1876ء تک بقیدحیات تھیں نمونہ کلام ملاحظہ ہو:

لکھ کرجو میرانام زمیںپر مٹا دیا
ا ن کا تھا کھیل خاک میں ہم کو ملا دیا
تیغ نگاہ یار کا دونوں پر وار ہے
ٹکڑے ادھر جگر ہے اِدھر دل فگار ہے

قدسی کی مشہور فارسینعت پر ان کی خمسہ موجود ہے:

تجھ پہ قربان ہوں اےہاشمی و مطلبی
کہ ہے مشہور دو عالم تری عالی نسبی
دیکھ رتبے کو ترے شوکت افلاک دبی
مرحبا سید مکی مدنی العربی
دل و جاں باد فدایت چہ عجب خوش لقبی

اشک: دہلی کے شاہیخاندان کی ایک عورت تھیں ان کا تخلص اشک تھا۔ 1290ھ تک زندہ رہیں:

(’’میں نہ مانوںگا‘‘ کا لفظ دیکھ کر شک کرنے کی ضرورت نہیں۔ پروین شاکر اور فہمیدہ ریاض سے پہلےخواتین شاعرات عموماً اپنے مذکر کے صیغے ہی استعمال کرتی تھیں) نواب جینا بیگم بنتمرزا بابر گورگانی: یہ شہزادہ جواں بخت جہاندار شاہ جہاندار ابن شاہ عالم ثانیآفتاب کی محل خاص تھیں۔کبھی کبھی موزونئ طبع کی بدولت شعر کہتی تھیں اور خوب کہتیتھیں ان کا یہ شعر ملاحظہ ہو:

نہ دل کو چین نہ دل کوقرار رہتا ہے
تمھارے ملنے کا نت انتظار رہتا ہ

ے
نواب حیات ا لنساء بیگم عرف بھورا بیگم شاہ عالم ثانیآفتاب، شاہ نصیر دہلوی کی شاگردہ تھیں۔ حیانے پوری زندگی یاد الٰہی میں بسر کی اورشادی بھی نہیں کی۔ عمر بھی کافی پائی۔ بہادر شاہ ظفر کے عہد میں انتقال فرمایا:

ہے موتیوں کے ہار میںپرتو نگار کا
آب گہر میں عکس نہاتا ہے یار کا
نہ کیوں حیرت ہو یارب وہ زمانہ آگیا ناقص
حیا ڈھونڈے نہیں ملتی برائے نام سوسو کوس

نواب قدسیہ بیگم: ان کانام ادھم بائی۔۔۔ بائی جیو صاحبہ اور صاحبتہ الزمانی تھا اور تخلص رعنائی تھا ۔ یہمحمد شاہ (رنگیلا) کی حرم تھیں۔ رنگیلے شوہر نے انھیں بھی اپنے رنگ میں رنگ لیاتھا۔ بڑی بیدار مغز اور ہوشیار تھیں۔ اپنی عاقلانہ رائے سے اچھے اچھوں کو حیران کردیا کرتیں ۔ مگر محمد شاہ کی طرح یہ بھی رات دن شراب کے نشہ میں مخمور رہنےلگیں۔بیٹے احمد شاہ بادشاہ کے عہد میں سارا نظام مملکت انھیں کے ہاتھ میں تھا۔حضرتشاہ ولی اللہ محدث دہلوی سے بے حد عقیدت تھی۔ دہلی کے مشہور کشمیری دروازے کے قریبایک خوشنما باغ بنوایا اور اسی میں ایک مسجد بھی تعمیر کروائی تھی۔ اردو کے علاوہفارسی اور ہندی میں بھی طبع آزمائی کرتی تھیں۔ ان کا ایک شعر بہت مشہور ہے:

نواب شرف النساء بیگمضرورت: شہزادہ وجیہہ الدین مرزا کو چک بہادر کی محل خاص تھیں۔ بہت کم عمری میںبیوہ ہو گئیں۔شعر و شاعری سے بے انتہا دل چسپی تھی مگر شعر بہت کم کہتی تھیں۔ نعتپاک ان کا خاص موضوع تھا:

سر سبز رہے باغ سدا دینبنیؐ کا
مکی مدنی ہاشمی و مطلبی کا

کیفی: خود کو تیموریشہزادی کہتی تھیں۔ تاریخ کی کتابوں میں ان کا نام درج نہیں1857ء سے قبل ان کاانتقال ہوا۔ قدسی کی مشہور فارسی نعت پر ان کا بھی خمسہ ’’حدیثِ قدسی‘‘ میں موجو دہے ایک بندملاحظہ ہو:

کس کا منہ ہے جو کرےمدح میرے نبیؐ!
نعت اطہر میں ہے جب شخصِ ذکی ، محض غبی
حّبذا ذات تری، مایہء حاجت طلبی
مرحبا سید مکی مدنی العربی
دل و جاں باد فدایت چہ عجب خوش لقبی

گیتی آراء: دلی کی ایکغیر معروف خاتون کا نام اور تخلص تھا جو خود کو شہزادی کہتی تھیں۔ شعر گوئی سے ذوقتھا۔’’ تذکرۂ نسوان ھند‘‘ میں ان کا ایک شعر محفوظ ہے:

ہم نشیں وہ ہیں کہاںکوئی ٹھکانہ نہ رہا
یا ہمیں وہ نہ رہے یا وہ زمانہ نہ رہا

نواب سلطان جہاں بیگممخفی: صاحب’’گلستان سخن‘‘مرزا قادر بخش گورگانی کی محل خاص تھیں۔ اور با کمالشاعرہ تھیں۔

خدا جانے کیا بات ہے اسمیں مخفی
کہ اس ظلم پر جی کو بھاتا بہت ہ

ے
نواب عالم آراء بیگم ناز: خاندان تیموری کی ایک با کمالشہزادی تھیں۔ انقلاب1957ء سے قبل قلعہ معلی کی شاعرات شہزادیوں میں انھیں بلندمقام حاصل تھا۔ لیکن حادثات زمانہ کی نیرنگیوں نے ترک شاعری پر مجبور کر دیا۔ رنگسخن یہ ہے:

شور ہے اس کی بے وفائیکا
بس نہیں چلتا واں رسائی کا
دام زلف سیاہ سے اس کی
نہ بنا کوئی ڈھب رہائی کا
کر غلامی علیؓ کی تو اے ناز
ہے اگر شوق بادشاہی کا
مجھ سے روٹھا وہ یا ر جانی ہے
جان جانے کی یہ نشانی ہے

یاد: صاحب ’’تذکرۂبہارستان ناز‘‘ لکھتے ہیں:’’ یہ عورت دہلی کی شہزادیوں میں سے تھی۔ 1292ھ میں اسنے انتقال کیا ۔ ہنگام نزع جو اس نے ایک قطعہ لکھا تھاوہی گوش زد ہوا اور کچھ کلاما س کے ہاتھ نہ آیا۔‘‘:

عجب فکر درماں ہے اےاقربا
کہ اب یاد تو یاں سے چلنے کو ہے
سر انجام غسل و کفن کر رکھو
تنِ زار سے جاں نکلنے کو ہے

یمجسیم الدین

عصرِ حاضر میں خواتین کا کردار

2011-11-30T06:20:00.001-08:00

عصرِ حاضر میں خواتین کا کردار

منور سلطانہ

صدر ذی قدر

شریکانِ بزم

وجودز ن سے ہے تصویر کائنات میں رنگ

اسی کے ساز سے ہے زندگی کا سوزِ دروں

( علامہ اقبال)

عزیزانِ گرامی !

اس میں دو رائے نہیں کہ وجود کائناتسے لے کر اب تک ہزاروں ، لاکھوں برس کی بوڑھی دنیا کی قدیم ترین تاریخ میں عورت کودوسرے درجہ کا انسان سمجھا جاتا رہا ہے ۔ کسی زمانہ میں اسے باعث نحوست گردانا گیاتو کبھی اسے زندہ درگور کیا جاتارہا ،کبھی شوہر کی چتا پر ستی بننے پر مجبور کیا گیا،جدید تیکنکی و سائنسی انقلاب نے عورت دشمنوں کا کام مذید آسان کیا اور اب اس صنف نازککو رحم مادر میں ہی قتل کردیا جاتا ہے۔ ان تمام ظلم و ستم نا انصافیوں اور بد سلوکیوںکے باوجود عورت نے دنیائے انسانیت کے ہر دور میں اپنی اہمیت ، افادیت اور ضرورت کوباوقار انداز میں برقرار رکھا۔

جب تک تیری زلفوں میں پروے نہیں جاتے

پھولوں کو مہکنے کی اد ا بھی نہیںآتی

( قیصر الجعفری)

جہاں تک عصرِ حاضر کی بات ہے تو بتانےکی ضرورت نہیں کہ آج کی دوڑتی ، بھاگتی دنیا میں صنف نازک نے تعلیمی ، سماجی ، سائنسی، صحافتی ، سیاسی ، ثقافتی ہر شعبۂ حیات میں اپنی پر وقار موجودگی درج کرا رکھی ہے۔حضرت مریم سے حضرت ہاجرہ تک ، حضرت خدیجہ سے حضرت فاطمہ تک ، ملکہ زبیدہ سے ہندوستانکی بیگم حضرت محل تک ، رضیہ سلطانہ سے جھانسی کی رانی تک ، مدر ٹرسیا سے شریں عبادیتک کتنی پر عزم خواتین کا تذکرہ کروں کہ تاریخ کے صفحات ان خواتین کے کارناموں سے بھرےپڑے ہیں ۔ ابھی زیادہ دن نہیں گذرے ہماری ایک خاتون کلپنا چاولہ آسمان چھو آئی ۔ اوریہ بھی بتانے کی ضرورت نہیں کہ آسمان سیاست پر سونیا گاندھی جیسی پر عزم خاتون کس طرح120کروڑ آبادی والے ملک پر حکمرانی کررہی ہیں ۔ آج سائنس و ٹیکنالوجی کے شعبہ میں ہردوسری اور تیسری ایجاد کسی نہ کسی خاتون سائنس داں کی مرھون منت ہے۔ آج کے کارپوریٹسیکڑ میں بڑی بڑی کمپنیوں کی کمان ہماری خواتین ہی سنبھال رہی ہیں ۔ درس و تدریس کیبات کریں تو خواتین نے اس شعبہ میں مردوں کو پچھاڑ رکھا ہے ۔ آج ہر تعلیمی ادارہ میںلیڈی ٹیچرس کو اولیت و فوقیت اس لئے دی جارہی ہے کہ اس طبقہ نے درس و تدریس کو تعلیمو تربیت سے جوڑ کر ایک صالح معاشرہ کی تشکیل میں اہم کردار نبھایا ہے۔ لیکن اس حقیقتکا اعتراف بھی ضروری ہے کہ آزادی نسواں اور حقوق نسواں کے نام پر خواتین کا استحصالبھی خوب ہورہا ہے ۔ اس سنہری نعرے کی آڑ میں عورت کو شمع محفل اور تسکین نفس کا سامانبنا کر فلموں اور اشتہارات کے ذریعے خواتین کی مارکیٹنگ ہورہی ہے ۔ مس ورلڈ اور مسیونیورسٹی جیسے القابات کی آڑ میں عورت کو نمائشی شۂ بنا کر مغربی دنیا نے اس کے اصلمقام و مرتبہ سے کھلواڑ کر رکھا ہے۔ میں خواتین کے اس ناجائز استعمال کی سخت مذمت کرتیہوں ۔ اور آج بھی ہمارے معاشرہ میں بالخصوص مسلم معاشرہ میں خواتین کی عصری و اعلیٰتعلیم پر روک لگائی جارہی ہے ۔ جب کہ اقرار کا حکم نامہ پوری انسانیت کیلئے آیا تھا۔اس میں عورت و مرد کی تمیز نہیں کی گئی ۔ میں پوچھتی ہوں عورت کیوں نہ پڑھے ؟؟

بتائیے ! عورت کیوں نہ پڑھے کہ اسےمعاشرے کی تعمیر کرنا ہے۔

عورت کیوں نہ پڑھے کہ اسے سسکتی انسانیتکے زخموں پر مرہم رکھنا ہے۔

وہ کیوں نہ پڑھے کہ اسے تعصب کی آندھیوںمیں امن و آشتی کے چراغ روشن کرنا ہے۔

وہ کیوں نہ پڑھے کہ اسے باطل کے اندھیروںسے نورِ حق کی طرف سفر کرنا ہے۔

وہ کیوں نہ پڑھے کہ یہی حکم ربی ہے۔ ’’ اقراء باسم ربی ‘‘ یہی حکم نبی ﷺہے ۔ ’’ علم کا حاصل کرنا ہر مسلمان پر فرض ہے۔‘‘ وہ کیوں نہ دعا گو ہو۔ ’’ رب زدنی علما ‘‘

وہ پڑھے ضرور پڑھے کہ علم جہالت کےاندھیرے کو دور کرتا ہے ۔ علم انسانی ذہن کو وسعت دیتا ہے۔ علم زندگی کے ہر شعبے میںانسان کی رہنمائی کرتا ہے ۔ علم بندے کو اللہ سے قریب سے قریب تر کردیتا ہے ۔ علم عورتکیلئے بھی ضروری ہے لیکن شرعی حدود میں رہ کر۔ مغربی تہذیب خا تونِ مشرق کیلئے سمِقاتل ہے ۔ مغربی تمدن کی شاخِ نازک پر جو آشیانہ بنے گا یقیناًوہ ناپائیدار ہوگا۔ عورتعلم کیلئے جستجو کرے لیکن مردوں سے مقابلہ آرائی کیلئے نہیں ، بلکہ ان کی ہم سفر بننےکیلئے ۔ وہ تعلیم کا پرچم لہرائے لیکن علم بغاوت بلند نہ کرے۔ وہ چراغ خانہ ہی رہے۔سبھا کی پری بننے کی کوشش نہ کرے۔ بے شک عورت پڑھے ضرور پڑھے اور آگے بڑھے ۔

میں اتنا ضرور کہوں گی کہ

وہ بس چند لمحوں کی ہمدم نہیں ہے

کہ عورت فقط شہد و شبنم نہیں ہے

تبسم نہیں صرف تلوار بھی ہے

وہ نغمہ نہیں صرف جھنکار بھی ہے

محبت کی مسند پر حسن وجوانی

شجاعت کے میداں میں جھانسی کی رانی

وہ شمع شبستاں وہ نور سحر

وہ ہر گا م پر مرد کی ہم سفر ہے

(علی سردار جعفری)

***

Abdul Haleem Siddiqui
Malegaon

علامہ اقبال کی دوتہائی شاعری فارسی زبان میں موجود بعنوان "اقبال کی فارسی شاعری کا تعارف"

2011-11-29T04:55:00.000-08:00

ڈاکٹر ضیاءالدین احمد شکیب کا خطاب

حیدرآباد (ایاز الشیخ) جامع مسجدعالیہ کانفرنس ہال میں محفل اقبال شناسی کی 640 ویں نشست میں علامہ اقبال کی شخصیتکے عنوان سے متعلق دوسرے لکچر میں ڈاکٹر ضیاءالدین احمد شکیب نے "اقبال کی فارسیشاعری" کا تعارف کرایا۔ اگرچہ اقبال نے پہلے اردو زبان میں مہارت پیدا کی لیکنابتدائی جماعتوں سے ہی انہوں نے فارسی کی تعلیم بھی حاصل کی ۔ یہاں یہ ذکر بے محل نہہوگا کہ انکی فارسی اور عربی کی تعلیم ابتداءسے اعلی درجہ تک انکے قابل استاد سید میرحسن صاحب کی مرہون منت ہے۔ مولوی سید میر حسن صاحب مشن اسکول میں پڑھاتے تھے جسکی وجہسے انگریزوں کی طرز فکر اور جدید تعلیمی اصولوں سے بھی بخوبی واقف تھے۔ ان کی علمیجستجو کا اندازا اس سے کیا جا سکتا ہے کہ ان کی نوجوانی میں جب مرزا غالب کا آخری زمانہتھا دہلی جاکر مرزا غالب سے ملاقات کی پھر وہ سر سید احمد کی تحریک سے بہت متاثر ہوئےاور نہ صرف سر سید احمد سے ربط رکھا بلکہ ان کی ذات پنجاب میں علی گڑھ تحریک کا اہمادارہ بن گئی۔ چنانچہ انکی شخصیت کے ان پہلووں سے اقبال متاثر ہوئے۔ اردو یا فارسیدونوں زبانوں میں شاعری میں اقبال نے اپنے نئے راستے نکالے۔ ہندوستان کا اقبال داںطبقہ آج بھی اقبال کو محض اردو کا بڑا شاعر مانتا ہے لیکن انکی فارسی شاعری سے بے بہرہہے۔ جبکہ علامہ اقبال کی دو تہائی شاعری فارسی زبان میں ہے اور صرف ایک تہائی اردومیں ہے۔ دوسری بات یہ ہے کہ اقبال کے تصورات پہلے فارسی میں پیش کئے گئے لیکن ایک زمانہتک انکی اردو شاعری میں ان کا کوئی ذکر ہی نہیں ملتا ۔ جب کہ اقبال نے تصور خودی کواپنی عظیم الشان مثنویوں اسرار خودی اور رموز بے خودی میں پیش کیا جو علی الترتیب1915 اور 1916 میں شائع ہوئیں۔ یہ مثنویاں دو کتابی صورتوں میں تھیں۔ ان کی وجہ سےنہ صرف ہندوستان کے اعلی طبقہ میں اقبال کا اہم مقام بنا بلکہ اسکی وجہ سے اقبال کےسینئیر انگریز نکلسن نے اسکا انگریزی میں ترجمہ کیااور 1920 میں یہ ترجمہ انگلینڈ میںشائع ہوا۔ اس وقت اقبال کی اردو شاعری کا کوئی مجموعہ اردو میں شائع نہیں ہوا تھا۔اردو پڑھنے والے شیدائیان اقبال کے ہاتھوں میں صرف شکوہ اور جواب شکوہ تھے اور ا سیسے اردو والوںمیں انکی شہرت تھی۔ جبکہ انکی فارسی شاعری کے وجہ سے وہ یورپ میں نہ صرفمانے گئے بلکہ ایک فلسفی اور مفکر کی حیثیت سے جانے گئے۔ ان ہی کے معاصر پروفیسربراوننے کئی جلدوں میں فارسی ادبیات کی تعریف لکھی تو اس میں اقبال کا ذکر ایک نوجوان مفکرکی حیثیت سے کیا۔ 1922 میں اقبال کی اہم کتاب پیام مشرق شائع ہوئی جو جرمنی کے عظیمشاعر گوئٹے کے جواب میں لکھی گئی۔ پیام مشرق ایک مہتمم بالشان کارنامہ ہے جس میں ایکمشرقی شاعر نے اعتماد کے ساتھاپنے تصورات مغرب کو پیش کئے۔ اس وقت تک بھی اردو میںصرف شکوہ اور جواب شکوہ ہی مروج تھا۔ 1924 میں کہیں جاکر اردو کا پہلا شعری مجموعہبانگ درا شائع ہوا۔ بانگ درا اردو کی نہایت خوبصورت شاعری کا مجموعہ ہے۔ لیکن اس میںاقبال کے فلسفہ خودی کے بارے میں چند اشعار ہیں۔ اسی طرح 1924 میں فارسی کا چوتھا شعریمجموعہ عجم فلسفہ خودی، فلسفہ بے خودی، مغربی تہذیب و افکار پر انکی تنقید ، فنون لطیفہکے بارے میں اقبال کے تصورات اور اقبال کے روانی مسلک پوری طرح واضح ہو چکے تھے۔1931 میں فارسی شاعری سے ہٹ کر علامہ اقبال نے اپنے تصورات کو اپنی شہرہ آفاق انگریزیتصنیفThe Reconstruction of Religious thoughts in Islam پیش کیں ، جسمیں مشرق اور مغرب کے درمیان سونچ کا ایک پل تعمیر کیا۔ اس وقت اردو میں صرف بانگ درا چھپی تھی۔ 1932 میں اقبال کا ایک عظیم کارنامہ جاویدنامہ سامنے آیا ۔ یہ کتاب بھی جو مغربی شاعر دانتے کی Devine Comdedy کے جواب میں لکھی گئی ہے۔ اس کے بعد کہیں جاکر 1935 میں بال جبرئیلاور 1936 میں ضرب کلیم شائع ہوئی جن میں پہلی دفعہ اقبال کے تصور خودی اور دوسرے اہمتصورات کو پیش کیا گیا۔لیکن اپنی ساری دلکشی کے باوجود ان نظموں میں وہ گہرائی نہیںہے جو فارسی شاعری کی نظموں میں ہے۔ مثال کے طور پر بال جبرئیل کی نظم روح ارضی آدمکا استقبال کرتی ہے ، ایک پوری طرح دلکش اور سادہ ہے۔ اس کی جگہ پیام مشرق می میلادآدم ایک عظیم الشان فکری اور شعری کارنامہ ہے۔ 1939 میں اقبال کی ایک اور فارسی مثنویپس چہ باید کرد ، اقوام شرق مع مثنوی مسافرشائع ہوئی جس میں مشرق وسطی کی سیاست کانہایت بالغ نظری کے ساتھ مشاہدہ کیا گیا ہے۔ اور آخری تصنیف ارمغان حجاز جو آدھی اردواور آدھی فارسی میں ہے1938 میں شائع ہوئی۔ اس گفتگو کا حاصل یہ ہے کہ محظ اردو شاعریکے ذریعہ اقبال کے تصورات اور پیام کو سمجھنا ممکن نہیںہے۔ یہ ضروری ہے کہ جو لوگ اقبالکو سمجھنا چاہتے ہوں وہ انکا فارسی کلام ضرور پڑھیں۔ اگر راست طور پر فارسی کلام پڑھنےکی توفیق نہ ہو تو اس کے تراجم پڑھیں ۔ ماہر اقبال مضطر مجاز اور ڈاکٹر سید سراج الدیننے اقبال کے اہم فارسی کارناموں کا اردو ترجمہ کردیا ہے جو بہ سہولت اقبال اکیڈیمیسے حاصلہ کئے جاسکتے ہیں۔

جناب غلام یزدانی سینیر ایڈوکیت وکنوئنیر محافل جامع مسجد عالیہ نے واضح کیا کہ سامعین میں زبان فارسی سیکھنے کا شوقبدرجہ اتم موجود ہے، فارسی درس و تدریس کے لئے بھی ضروری تعاون کی کوشش کی جارہی ہے۔انہوں نے سامعین سے مقرر کے مشوروں پر عمل کو ضروری قرار دیا۔ مقرر کی درخواست پر نشستبرخواست ہوئی۔

رسم اجراء

2011-11-27T03:48:00.001-08:00

نیڈس اور کتاب دار کے زیر اہتمام بروز سنیچر مورخہ 26 نومبر 2011ء کو شام میں5 بجے انجمن اسلام سی ایس ٹی ، احمد ذکریا ہال میں ساجد رشید کا آخری افسانوی مجموعہ "ایک مردہ سر کی حکایت''کی رسم اجراء کی تقریب مغعقد کی گئی تھی ۔جس کی نطامت اردو ادب کی جانی مانی شخصیت گل بوٹے کے مالک و مدیر فاروق سیّد صاحب نے کیں ۔ صدر صاحب مشہور ٹی وی سیریئل ''گل گلشن گلفام اور کتھا ساگر کے رائٹر'' وید راہی '' رہے ۔مہمان خصوصی جاوید صدیقی ،شمع زیدی ، ریحانہ اندرے، سلام بن رزاق، ساگر سرحدی ، وجۓ کمار ، سلیم عارف صاحب لبنہ سلیم، آصف خان، انور کنول، م ناگ ، عرفان فقیہہ، غلام مومن صاحب ، قمر صدیقی، اقبال نیازی ، ڈاکٹر قاسم امام، یاسین مومن ، شاعر کے ایڈیٹر نعمان صدیقی، صادقہ نواب سحر جاوید ڈاکٹر روپیش سریواستو اسرار کامریڈ ،مقدر حمید ، ظہیر انصاری ، عزیز شریفی، ریاض منصف ، منور سلطانہ ،اسلم خان اور شہر و اطراف کی اہم شخصیات موجود تھیں ۔کسی وجہ سے نکھیل واگھے اس تقریب میں پہنچ نہ سکے ۔ اس لۓ ساجد رشید صاحب کی اہلیہ مسسز شاہدہ (بھابھی )کے ہاتھوں ان کی کتاب کا اجراء کیا گیا ۔ سلام بن رزاق ۔وجۓ کمار اور جاوید نے تاّثرات پیش کۓ ۔ سلام بن رزیق نے اپنے خیالات کے اظہار کے وقت یہ باتیں بتائیں کہ ساجد رشید اچھے جنرلسٹ اچھے صحافی کرٹونیسٹ ،ڈرامہ نگار اور اچھے صحافی تھے ۔کیوں کہ ان کے افسانے قاری کے ذہن میں مختلف قسم کے سوالات پیدا کرتے تھے ۔یہ ان کا احتجاجی نظریہ ہوتا تھا ۔ جاوید صدیقی نے کہا کہ ساجد رشید کی یہ کہانی ( مردہ سر کی حکایات) شئہ پارہ کی حیّثیت رکھتی ہے ۔مجھے اس بات کی چوشی ہے کل اس مجموعہ کا نام میرے پسندیدہ افسانے پر رکھا گیا ۔انھوں نے کہا کہ جو افسانہ قاری کی نیند حرام کردے ۔اور سوال کرتا رہے وہی ایک قابل افسانہ ہے اس افسانہ کو عالمی ادب میں جگہ ملنی چاہیے ۔ ا نھوں نے ایک واقع بیان کیا کہ شمع زیدی اور جاوید صدیقی آگرہ کۓ تھے ۔ جب بھی کوئی آگرہ جاتا ہے تو وہ تاج محل دیکھنے ضرور جاتا ہے اور پیٹھا ضرور لیتا ہے ۔مگر یہ لوگ آگرہ میں مشہور ومعروف شاعر وادیب نظیر اکبر آبادی کی مزار پر گۓ وہاں دیکھا کہ ایک قبرستان میں بے نور اور چراغ ایک قبر تھی جس پر تختی پر لکھا تھا میاں نظیر اکبر آبادی جوکہ بر صغیر کے سب سے پہلے ادیب و شاعر کا درجہ رکھتے ہیں ۔ساجد رشید کا کام ایک جہاد کی طرح ہے انھوں نے چھوٹے چھوٹے مسئلوں کو لے کر کہانیاں لکھی تھیں ۔جو واقئی جہاد ہے ۔ان کے نام اور کام کو زندہ رکھنا ہے ۔ شاداب رشید نے رسم شکریہ ادا کیا ۔ رنگ باز تھیٹر کی طرف سے افسانے کی ڈرامائ انداز میں ریڈنگ کی گئ۔ اس طرح سے ساجد رشید کو خراج عقیدت پیش کیا گیا ۔اور اس کے ساتھ ہی اس تقریب کا اختتام ہوا ۔

اردو کی کہانی اردو کی زبانیمیں اردو ہوں

2011-11-26T23:23:00.001-08:00

میری داستانِ حیات اتنی طویل نہیں کہ اسکو پڑھنے یا سمجھنے میں کسی کو دیر لگے کیونکہ بڑی آزاد مزاج اور ملنسار واقع ہوئی ہوں، اس لئے جو مجھے اپنانا چاہتا ہے میں اس کی ہو جاتی ہوں، جو مجھے پناہ دیتا ہے میں اس سے محبت کرتی ہوں، جو مجھے پڑھتا ہے میں اس کو آگہی بخشتی ہوں، جو مجھے سمجھتا ہے میں اسے رازِ حیات بتاتی ہوں، میرا کہیں قیام نہیں، میری کو ئی حد نہیں، ہر قوم سے میری دوستی ہے، ہر ملّت سے میرا ناطہ ہے، ہر زبان سے میرا رشتہ ہے، انسانیت میرا مذہب ہے، مٹھاس میری شرست ہے، اتحاد میرا نعرہ ہے اوریگانگت میری کوشش ہے۔میرا دامن عربی کی طلاقت ،جامعیت اور قادر الکلامی سے ، فارسی کی شیرینی اور حلاوت سے ،ہندی کے پیار اور انسیت سے دکنی کی نغمگی سے ، پنجابی کے جوش اور ولولوں سے، ترکی کی وسیع القلبی سے اور انگریزی، فرانسیسی و اطا لوی زبانوں کی اصطلاحوں سے بھرا پڑا ہے- میری طرف سے بے توجہی برتنے والے بھی میری توجہ کے محتاج رہتے ہیں، مجھ سے پیار کرنے والے میرے ہوکر رہ جاتے ہیں، میں جنگ کے میدانوں میں ترانہ بن کر گونجتی ہوں اور علم و ادب کی کی محفلوں میں گنگناتی ہوں، اجنتا اور الورا پر لکھے جانے والے گیتوں اور تاج محل پر لکھی جانے والی پاکیزہ نظموں کو میں نے جنم دیا ہے، آزادی کے متوالوں کو نعرے دئے ہیںاور امن کے نقیبوں کو پروان چڑھایا ہے۔ حضرت امیر خسروؔ کو مجھ پر فخر تھا، ولیؔ دکنی میرے شریک ِ بزم تھے ، میر تقی میرؔ میرے مرہون منت، اور میر انیسؔ میرے عظیم مداحوں کی فہرست میں شامل ہیں، میں برصغیر کی دھرتی کو سیراب کرنے والے دریاؤں کے کناروں پر آباد شہروں اور بستیوں میں قرنوں سے پنپنے اور ان علاقوں سے نکل کر ہر سو پھیلنے والی عظیم برصغیر کی عظیم تر تہذیب و ثقافت کا پس منظر ہوں، اس لئے میں سارے برصغیر کو ایک ہی نظر سے دیکھتی ہوں، میں راجپوتوں کی شجاعت ، پٹھانوں کے عظمت اور مغلوں کی فراست و ثفاقت کی امین ہوں، پورا برصغیر ہر قسم کی حد بندیوں کے باوجود میرا وطن ہے اور میری نظر میں ایک ہے، کیونکہ میرا دستر خوان وسیع تر ہے اور سب کے لئے ہے۔میرؔ، غالبؔ، نظیرؔانیس ؔ،سرشارؔاور چکبستؔ سے لیکر، فراقؔ ،فیضؔ، ، شکیلؔ ، ساحرؔ، فرازؔ، مجروحؔ، خمارؔ، پھر حالی ؔاور ذکاہ اللہ سے کرشن چندر، راجندربیدی ِِ پطرس بخاری ،انتظار حسین اور شمس الرحمن فاروقی تک کون ہے جس کو میرے دستر خوان کا خوشہ چیں ہونے پر ناز نہیں؟ہندؤں کے شنکھوں، مسلمانوں کی اذانوں، سکھوں کی گربا نیوں اور مسیحوںکی عبادتوں کا گدازمیرے اندر جذب ہے، اگر ایک طرف مسلمان برصغیر میں اپنے اثاثوں کا واحد امین مجھے قرار دیتے ہیں تو دوسری طرف ہند و مجھے اپنی سبھیتااور ثقا فت کے من موہ لینے والے کرداروں کا محافظ مانتے ہیں، ترکوں افغانوں اورمغلوں نے میری سرپرستی کی تو انگریزوں نے مجھے انتظامی امور کا ذریعہ بنایا ۔مجھے جاننے اور سمجھنے والے کہیں کے بھی ہوں کوئی بھی انکی بولی ہو کوئی بھی انکی زبان ہوجب اپنے اپنے لہجوں میں مجھے بولتے ہیں تو میں انکی بولی میں گنگناتی ہوں انکے گیتوں میں گاتی ہوں اس لئے میرے ان گنت لہجے ہیں ، بنگالی لہجہ کی چاشنی، دکنی لہجہ کا رچاؤ، پنجابی لہجہ کی کھنک ،بلوچی اور سندھی لہجوں کی غنائیت،گجراتی اور مراٹھی لہجوں کی شفا فیت اور ملیالم اورتامل لہجوں کی گونج میں مجھے اپنا ئیت کا احساس ہوتا ہے۔ جی ہاں میں اردو ہوں وہی اردو جسے دِلّی کے گلی کوچوں میں حضرت امیر خسرو نے پروان چڑھا یا،لکھنوء کی علمی و ادبی محفلوں میں جس نے ہوش سنبھالا، حیدر آباد کے ایوانوں میں ہر سو دیکھنے والی نظر پائی، عظیم آباد کلکتہ اور پنجاب کے ادب نوازوں نے جسے آراستہ کیا اور لاہور کے چھا پہ خانوں اور کتب خانوں نے جسے دور دور تک پہنچا یا اور اب میرے چاہنے والے میری شمع فروزاں کو تھامے ہوئے یورپ و امریکہ کے شہروں کے علاوہ مشرقِ وسطیٰ کی پھلتی پھولتی بستیوں اور آبادیوں تک جاپہنچے ہیں۔ میں سب کو ساتھ لئے چل رہی ہوں ، میں نے کسی کا ساتھ کبھی نہیں چھوڑامیں سب کا دل رکھتی چلی آرہی ہوں، میں نے کبھی کسی کی وراثت پر حریصانہ نظر نہیں ڈالی بلکہ ہرایک کی اچھائی کو اپنے اندرجذب کیا ہے اوراس کو دوام بخشا ہے۔

محمد سلیمان دہلوی

بانی صدر انڈو قطر اردو مرکز(دوحہ دہلی) ۸۹۷۵، کوچہ رحمن، دہلی ۔

علامہ اقبال: تجدیدِ فکر اسلامی کے نقیب : پروفیسر خورشید احمد

2011-11-26T23:19:00.001-08:00

بیسویں صدی میں جن شخصیات نے اسلامی فکرو تہذیب پر ٹھوس علمی لٹریچر پیش کیا، جنھوں نے فکرِاسلامی کی تشکیلِ نو کے احساس اور جذباتی رجحان کو تبدیل کرنے میں اہم کردار اداکیا، ان میں ایک نمایاں ترین شخصیت علامہ محمد اقبال (۱۸۷۷ء۔۱۹۳۸ء) کی ہے۔ اس بنا پر ہم ان کو دورِ جدید میں تجدیدِ فکر اسلامی کی روایت کا بانی اور بیسویں صدی میں ملّت اسلامیہ پاک و ہند کے ذہن کا اوّلین معمار قرار دیتے ہیں۔

علامہ محمد اقبال کی علمی اور ادبی زندگی کا آغاز انیسویں صدی کے آخری عشرے میں ہوگیا تھا، فروری ۱۹۰۰ء سے وہ انجمن حمایت اسلام لاہور کے جلسوں میں شریک ہونے لگے تھے۔ لیکن قومی زندگی پر ان کے اثرات یورپ سے واپسی (۱۹۰۸ء) کے بعد مرتب ہونا شروع ہوئے۔ ۱۹۱۵ء میں انھوں نے اسرارِخودی شائع کی، جس نے مسلم تصوف سے منسوب جامد سوچ میں ایک تحرک پیدا کیا، اور افرادِ اُمت کو ’اپنی دنیا آپ پیدا کر۔۔۔‘‘ کا زریں نکتہ سمجھایا۔ اس سے ہماری ملّی زندگی کے نئے باب کا افتتاح ہوا۔ پھر انھوں نے ۲۰جولائی ۱۹۲۶ء کو مجلس قانون ساز پنجاب کے انتخاب میں حصہ لے کر اور اس طرح عملی سیاست میں شریک ہوکر تغیر اور تعمیر کے عمل میں مؤثر کردار ادا کیا۔ ان کی مساعی کا ثمرہ اسلامی فکر کی تشکیلِ نو، ملّت کی مزاجی کیفیت کی نئی تعمیر، ایک آزاد قوم کے احیا اور ایک عظیم مسلم مملکت کے قیام کی صورت میں دیکھا جاسکتا ہے۔۱؂

ساتویں صدی ہجری (تیرہویں صدی عیسوی) میں جو کام مولانا جلال الدین رومیؒ (۱۲۰۷ء۔۱۲۷۳ء) نے مثنوی کے ذریعے انجام دیا تھا، اسے بیسویں صدی عیسوی میں علامہ محمد اقبالؒ نے اوّلاً اسرارِخودی (۱۹۱۵ء) اور رموزِ بے خودی (۱۹۱۸ء) اور پھر جاویدنامہ (۱۹۳۲ء) اور پس چہ باید کرد اے اقوام شرق (۱۹۳۶ء) کے ذریعے انجام دیا۔ اسرارِخودی میں جمود اور انحطاط کے اصل اسباب کی نشان دہی کی گئی، تصوف پر یونانی اور عجمی اثرات کی وجہ سے جو حیات کُش تصور مسلمانوں پر مسلط ہوگیا تھا، اس کی تباہ کاریوں کو واضح کیا۔ اسرارِ خودی کا مرکزی تصور: ایمان کی یافت اور اس کی قوت سے ایک نئے انسان (مرد مومن) کی تشکیل ہے۔ رموز بے خودی میں اس اجتماعی، اداراتی اور تاریخی تناظر کو بیان کیا گیا ہے، جس میں یہ انسان اپنا تعمیری کردار ادا کرتا ہے۔ فرد اور ملّت کا تعلق، اجتماعی نصب العین، خلافتِ الٰہی کی تشریح و توضیح، اجتماعی نظم اور ادارات (خاندان، قانون، شریعت وغیرہ) کی نوعیت اور خودی کی پرورش اور ملّی شخصیت کے نمو میں تاریخ کے حصے پر روشنی ڈالی گئی ہے۔

جاوید نامہ علامہ محمد اقبال کے روحانی سفر کی داستان ہے، جس میں وہ عالمِ افلاک کی سیر کرتے ہیں، دنیا اور اس کے ماورا پر بصیرت کی نظر ڈالتے ہیں اور مشرق و مغرب کی نمایندہ شخصیات کی زبان سے آج کی دنیا کے حالات، مسائل و افکار اور مسلمانوں کے ماضی، حال اور مستقبل کے نقوش کو نمایاں کرتے ہیں۔ پس چہ باید کرد اے اقوام شرق میں مغربی تہذیب کے چیلنج کا مطالعہ کرکے بتایا گیا ہے کہ یورپ کی ترقی کا اصل سبب کیا ہے اور مغربی تہذیب کے روشن اور تاریک پہلو کیا ہیں۔ مغرب کی اندھی تقلید سے قوم کو متنبہ کیا گیا ہے، اور ترقی کے راستے کی نشان دہی کی گئی ہے۔ پیامِ مشرق اور ارمغانِ حجاز میں یہی پیغام دوسرے انداز میں بیان کیا گیا ہے، اور اس کا اظہار اُردو کلام میں بھی ہوا ہے۔ خصوصیت سے بانگِ درا کی قومی نظموں میں اور بال جبریل کی ولولہ انگیز غزلوں میں۔ ضربِ کلیم کے بے باک رجز کو خود اقبال نے: ’دورِحاضر کے خلاف اعلانِ جنگ ‘ قرار دیا ہے۔

علامہ محمد اقبال کی نثر کا بہترین حصہ انگریزی میں ہے۔ ڈاکٹریٹ کا تحقیقی مقالہ انھوں نے The Development of Metaphysics in Persiaکے نام سے پیش کیا ہے۔ یہ محض ایک فکری تاریخ نہیں ہے، بلکہ اس کے آئینے میں اسلام پر عجمی اثرات کی پوری تصویر دیکھی جاسکتی ہے۔ اقبال نے تصوف کا جو تنقیدی جائزہ لیا ہے، وہ اصل مآخذ کے وسیع مطالعے پر مبنی ہے۔

علامہ محمد اقبال نے اسلام کے تصورِ مذہب کی علمی اور فلسفیانہ تعبیر اپنے معروف انگریزی خطبات The Reconstruction of Religious Thoughts in Islam(تشکیلِ جدید الٰہیاتِ اسلامیہ) میں پیش کی ہے۔ اس کتاب میں بنیادی طور پر مغرب کے فکری رجحانات کو سامنے رکھ کر انسان، کائنات اور اللہ تعالیٰ کے بارے میں اسلامی تصور کی وضاحت کی گئی ہے، مذہب اور سائنس کے تعلق سے بحث کی گئی ہے اور ذرائع علم کا تنقیدی جائزہ لے کر بتایا گیا ہے کہ عصرِحاضر کے یک رُخے پن کے مقابلے میں اسلام کس طرح عقل، تجربے اور وجدان کی ہم آہنگی قائم کرتا ہے۔ اس بنیادی فکر کی روشنی میں آزادی اور عبادت کے تصور کو واضح کیا گیا ہے، اور ان تصورات کی بنیاد پر قائم ہونے والے تمدن کی خصوصیات پر روشنی ڈالی گئی ہے۔ نیز اسلامی قانون کی مثال دے کر یہ دکھایا گیا ہے کہ اسلامی تمدن میں ثبات اور تغیر کا حسین امتزاج کس طرح قائم ہوتا ہے اور اس کے اندر ہی سے زندگی اور حرکت کے چشمے کس طرح پھوٹتے ہیں۔

مذکورہ بالا انگریزی کتابوں کے علاوہ، وقت کے علمی، تہذیبی، سیاسی اور معاشی مسائل کے بارے میں محمد اقبال نے اپنے خیالات کا اظہار متعدد مضامین، تقاریر، بیانات اور خطوط کے ذریعے بھی کیا ہے۔ یہ سارا نثری ذخیرہ اُردو اور انگریزی مجموعوں کی صورت میں شائع ہوچکا ہے۔۲؂

اگرچہ محمد اقبال کی مخاطب پوری ملت اسلامیہ بلکہ پوری انسانیت ہے، لیکن انھوں نے خصوصیت سے مسلم قوم کے ذہین اور بااثر تعلیم یافتہ طبقے کو خطاب کیا۔ یہ مؤثر اور کارفرما طبقہ، ذہنی اور لسانی روایات سے وابستہ تھا۔ محمد اقبال نے اپنے افکار کے اظہار کے لیے بنیادی طور پر شعر کا پیرایہ اختیار کیا۔ غالباً اس کی وجہ یہ تھی کہ ایک شکست خوردہ قوم کو حرکت اور جدوجہد پر اُبھارنے کے لیے عقلی اپیل کے ساتھ ساتھ جذباتی اپیل کی ضرورت تھی۔ وقت کے چیلنج کا تقاضا محض عقل کو مطمئن کرنا نہیں تھا، بلکہ اہمیت اس امر کو بھی حاصل تھی کہ جذبات میں تموج برپا کرکے اس جمود کو توڑا جائے، جس میں یہ ملّت گرفتار تھی۔ نیز ایک مدت سے برعظیم پاک و ہند کی ملّت اسلامیہ دولخت شخصیت (split personality) کے مرض میں مبتلا تھی، یعنی اس کے عقیدے اور عقل میں یکسانی اور مطابقت باقی نہ رہی تھی۔۳؂

دوسرے لفظوں میں عقیدہ تو موجود تھا، مگر اس میں وہ حرارت نہ تھی جو جذبے کی خنکی یا سردمہری کو دُور کرسکے اور بے عملی اور مایوسی کی برف کو پگھلا دے۔ عقیدے کا چراغ اگر ٹمٹما رہا تھا تو عشق کی روشنی بھی باقی نہ رہی تھی۔ اس کیفیت نے ’روحانی فالج‘ کی صورت اختیار کرلی تھی، جس سے دین داری کی حِس مجروح ہورہی تھی ؂

بُجھی عشق کی آگ، اندھیر ہے

مسلماں نہیں، راکھ کا ڈھیر ہے

اس کیفیت میں دیرپا تبدیلی اور دُور رس انقلاب کے لیے صرف عقل کی روشنی کافی نہیں ہوسکتی، بلکہ اس کے لیے جذبے کی تپش بھی درکار تھی (یہی، اقبال کے پیش کردہ تصورِ عشق کا پس منظر ہے)۔ علامہ محمداقبال نے جذبے کو مہمیز لگا کر انقلاب پیدا کرنے کے لیے شعر کا جادو جگایا (دوسری جانب اسی زمانے میں مولانا ابوالکلام آزاد نے اس کام کو انجام دینے کے لیے خطابت کا طوفانی راستہ اختیار کیا تھا)۔

مسلم فکر کے زندہ موضوعات، لوازمے اور مباحث میں اقبال کا جو منفرد حصہ ہے، ذیل میں اس کے چند اہم پہلوؤں کی طرف مختصراً اشارہ کیا جاتا ہے:

lتقلید نھیں ، تخلیقی اجتھاد: قدیم و جدید کے درمیان کش مکش کو علامہ محمداقبال نے ’دلیل کم نظری‘ قرار دیا ہے۔ اگرچہ انھوں نے خود ان دونوں مآخذ سے پورا پورا استفادہ کیا، مگر کسی ایک کے سامنے آنکھیں بند کرکے سپر نہیں ڈالی۔ علامہ محمد اقبال کی نگاہ میں زندگی ایک ناقابلِ تقسیم وحدت ہے جس میں ثبات اور تغیر دونوں کا اپنا اپنا فطری مقام ہے۔ اسلام کا اصل کارنامہ ہی یہ ہے کہ اس نے فطرت کے اس اصول کو تسلیم کرتے ہوئے اعتدال کے راستے کو نمایاں کیا۔ علامہ اقبال نے بتایا کہ صحت مند ارتقا اسی وقت ممکن ہے، جب تمدن کی جڑیں ایک جانب ماضی کی روایت میں مضبوطی کے ساتھ جمی ہوئی ہوں، اور دوسری طرف یہ بھی ضروری ہے کہ وہ حال کے مسائل اور مستقبل کے رجحانات سے پوری طرح مربوط ہوں۔ اقبال کی نگاہ میں فدویانہ تقلید، خواہ وہ ماضی کی ہو یا اپنے ہی زمانے کے چلتے ہوئے نظاموں کی، فرد اور قوم دونوں کے لیے تباہ کن ہے۔ صرف تعمیری اور تخلیقی اجتہاد ہی کے ذریعے ترقی کی منزلیں طے کی جاسکتی ہیں۔ یہی وہ راستہ ہے، جو علامہ محمد اقبال نے اختیار کیا۔۴؂

lتصوف نھیں، حرکت و عمل: علامہ محمد اقبال نے مسلمانوں کے ماضی اور حال دونوں پر تنقیدی نگاہ ڈالی۔ ان کے خیال میں مسلمانوں کے زوال کا بنیادی سبب یہ تھا کہ انھوں نے غیر اسلامی اثرات کے تحت ایک ایسے تصورِ حیات کو شعوری طور پر اختیار کرلیا جو اسلام کی کھلم کھلا ضدپر مبنی تھا۔ اس سے ان کی صلاحیتیں زنگ آلودہ ہوگئیں، اس طرح وہ تاریخ اور زمانے کی اہم ترین قوت ہوتے ہوئے بھی تمدنی زوال، سیاسی غلامی اور فکری انتشار کا شکار ہوگئے۔ اس سلسلے میں یونانی اور عجمی مآخذ سے حاصل کیا ہوا تصوف اور اشراق، حددرجہ مہلک اور حیات کُش ثابت ہوا، جس نے مسلمانوں میں زندگی کا غیرحرکی اور جمود زدہ تصور رائج کر دیا۔۵؂ نفی ذات کے فلسفے نے یہاں بھی گھر کرلیا۔ یوں دیکھتے ہی دیکھتے ترکِ دنیا، ترکِ آرزو اور ترکِ عمل کی بنیاد پر جمود اور انحطاط کے مہیب سایے مسلط ہوگئے۔

lمرد مومن کے لیے لائحہ عمل: بگاڑ کے اسباب کی تشخیص کے بعد، علامہ محمد اقبال نے اسلام کے تصورِ حیات اور اس کی بنیادی اقدار کو ان کی اصل شکل میں پیش کیا۔ اسلام کی جو تشریح و توضیح اقبال نے کی ہے، اس کی امتیازی خصوصیت اس کا حرکی (dynamic) اور انقلابی (revolutionary) پہلو ہے۔ کائنات کی سب سے اہم خصوصیت یہ ہے کہ اس میں تخلیقی عمل اور ارتقا جاری ہے۔ کائنات کسی تخلیقی حادثے کا مظہر نہیں ہے، بلکہ اس میں خالق کائنات کی جانب سے کن اور فیکون کا سلسلہ جاری و ساری ہے، گویا جاوداں، پیہم رواں، ہر دم جواں ہے زندگی‘۔ پھر کائنات کی حقیقت کو ’خلق‘ اور ’امر‘ کی نوعیت پر غور کرکے ہی سمجھا جاسکتا ہے۔۶؂ اگر ’خلق‘ میں پیدایش اور وجود کی طرف اشارہ ہے تو ’امر‘ میں سمت اور منزل کی طرف رہنمائی ہے۔

ہر چیز ایک مقصد کے لیے سرگرمِ عمل ہے۔ وجود کا اساسی پہلو بھی احساسِ سمت، مقصدیت، حرکت اور مطلوب کی طرف سعیِمراجعت ہے۔ کائنات، انسان اور تاریخ، ہر ایک میں یہی حرکی اصول کارفرما ہے۔ جسم اگر خلقت کا مظہر ہے، تو روح امن کی آئینہ دار ہے۔ خودی اور اس کی تعمیر اس حرکی اصول کا لازمی تقاضا ہے۔ ترقی اور بلندی کی راہ نفیِ ذات نہیں، اثباتِ خودی ہے، جو خود ایک ارتقائی (evolutionary) اور حرکی عمل ہے۔ روح کی معراج، ذاتِ باری تعالیٰ میں فنا ہوجانا نہیں، بلکہ خالقِ حقیقی سے صحیح تعلق استوار کرنا ہے۔ ایمان اس کا نقطۂ آغاز ہے، عمل اس کا میدانِ کار ہے، اور عشق اس کی ترقی کا راستہ۔

یہی اصولِ حرکت تاریخ میں بھی کارفرما ہے۔ تاریخی اِحیا محض ماضی کے صحت مند رجحانات کے بقا و استحکام کا نام نہیں ہے، بلکہ ابدی اقدار اور تمدّنی نصب العین کی روشنی میں انفرادی اور اجتماعی زندگی کے میدانوں میں تخلیقی اظہار اور تعمیر اور تشکیلِ نو سے عبارت ہے۔ انسان ہی اس ارتقائی عمل کا اصل کارندہ ہے۔ اگرچہ کائنات کی ہر شے اس کی مدد کے لیے فراہم کی گئی ہے، لیکن انسانی زندگی کے کچھ اعلیٰ ترین مقاصد کے حصول کے لیے ہے، اور یہ مقصد ہے منصبِ نیابتِ الٰہی۔۷؂

اسلام وہ طریق زندگی ہے، جو انسان کو اس کام کے لائق بناتا ہے اور تاریخ میں اس حرکت کو صحیح سمت دیتا ہے۔ مردِ مومن اور ملتِ اسلامیہ، کائنات کی اصلی معمار قوتیں ہیں۔ اگر وہ اپنی ذمہ داری صحیح طور پر انجام نہ دیں تو بگاڑ رونما ہوگا، خود ان کے درمیان بھی اور کائنات میں بھی۔

lعقل اور وجدان کا تعلّق: علامہ محمد اقبال نے مذہب کی بنیاد عقل یا سائنس پر نہیں رکھی، بلکہ انھوں نے عقل، تجربے، سائنس اور وجدان، ہر ایک کی اصل حقیقت کو واضح کیا، اور ان کی مجبوریوں اور دقتوں پر روشنی ڈالی۔ اقبال نے بتایا کہ جبلت، عقل اور وجدان کے نقائص کو وحی کی روشنی اور تربیت کے ذریعے ہی دُور کیا جاسکتا ہے۔ ان تینوں کو ایک دوسرے سے ہم آہنگ کر کے انسان کی خدمت اور رہنمائی کے صحیح مقام پر فائز کیا جاسکتا ہے۔۸؂ نومعتزلائی عقلیت اور مغرب کی بے جان سائنس کے مقابلے میں یہ عقلِ سلیم کی فتح تھی۔ اس طرح نبی کریم صلی اللہ علیہ وسلم کا تجربہ اور مشاہدہ مذہبی فکر میں ایک اساسی حیثیت قرار پایا۔ روحانی اور مادی تقسیم کا باطل نظریہ ترک ہوا، اور دونوں کے امتزاج (synthesis) سے متوازن اسلامی زندگی کی تعمیر کی راہ روشن ہوئی۔

lحرکی تصور میں خودی کا مقام:ایمان اور عمل کا باہمی تعلق واضح کرنے کے لیے علامہ محمداقبال نے غیرمعمولی ندرت (innovation) کا ثبوت دیا۔ اقبال کے نظامِ فکر کے مطابق زندگی کا حرکی تصور آپ سے آپ عمل کو مرکزی حیثیت دیتا ہے۔ پھر مذہبی تجربے کی اساسی اہمیت بھی اس سمت میں اشارہ کرتی ہے۔ اثباتِ خودی اور تعمیر شخصیت ایک مسلسل عمل ہے، جس کے بغیر انسان مقامِ انسانیت کو حاصل نہیں کرسکتا۔ نیابتِ الٰہی کے تقاضے صرف تسخیرکائنات اور اصلاحِ تمدّن ہی کے ذریعے انجام دیے جاسکتے ہیں۔ ’خودی‘ ایک بے لگام قوت کا نام نہیں ہے، بلکہ یہ خداپرستی اور اخلاقی تربیت سے ترقی پاتی ہے۔ عشق اس کی قوتِ محرکہ ہے، جب کہ مادی قوت کو دین کی حفاظت اور پوری دنیا میں نظامِ حق کے قیام کے لیے استعمال کرنا اس کی اصل منزل ہے۔ یہی خلافتِ الٰہی ہے، اور یہی انسان کا مشن ہے۔۹؂ اقبال نے مذہب کا یہ انقلابی تصور دیا، جس نے ملّتِ اسلامیہ میں حرکت اور ہلچل پیداکر دی۔

lاسلامی ریاست، بنیادی تقاضا: اس تصورِ حیات اور اس مشن کا لازمی تقاضا ہے کہ خود سیاسی اقتدار اسلام کے تابع ہو۔ نہ صرف یہ کہ اسلام میں دین و دنیا کی کوئی تقسیم نہیں ہے، بلکہ مذہب اور ریاست ایک ہی تصویر کے دو رُخ ہیں۔ اگر دین اور سیاست جدا ہوجائیں تو دین صرف رہبانیت بن جاتا ہے اور سیاست چنگیزیت میں تبدیل ہوجاتی ہے۔ مسلمانوں کی ذہنیت ان کے دین اور دین سے ذہنی وابستگی ہی سے تشکیل پاتی ہے۔ ان کی ریاست، معاشرت اور معیشت، دین کے مقاصد ہی کے حصول کا ذریعہ ہیں۔ اس لیے ضروری ہے کہ اسلام اپنے اظہار کے لیے ریاست اور تمدن کے روپ میں ظاہر ہو۔ مسلمانوں کو ایسے خطۂ زمین کی ضرورت ہے، جہاں وہ اغیار کے اثرات سے آزاد ہوکر اپنے تمدنی وجود کا مکمل اظہار کرسکیں، اور پھر اس روشنی کو باقی دنیا میں پھیلا سکیں۔ اسی عمل کو اقبال نے اسلام کی مرکزیت کہا ہے، اور اسی کے لیے انھوں نے ایک آزاد خطۂ زمین کا مطالبہ کیا۔ آزاد اسلامی ریاست صرف مسلمانوں کی سیاسی ضرورت ہی نہیں بلکہ خود اسلام کا بنیادی تقاضا ہے۔۱۰؂

lتھذیبی غلامی، ایک زھر قاتل: علامہ اقبال نے مغربیت اور اس کے بطن سے رونما ہونے والی مختلف تحریکوں، خصوصیت سے لادینیت، مادّیت پسندی، قومیت پرستی، سرمایہ داری، اشتراکیت اور اباحیّت پسندی پر کڑی تنقید کی۔ انھوں نے بتایا کہ ان باطل افکار و نظریات کے لیے اسلام میں کوئی گنجایش نہیں ہے، نیز یہ کہ فی الحقیقت یہی تحریکیں انسان کے دکھوں اور پریشانیوں کا سبب ہیں۔۱۱؂ مسلمانوں کی نجات ان کی پیروی میں نہیں، بلکہ اپنی خودی کی یافت اور دین اسلام کے احیا میں ہے۔ اقبال نے بار بار خبردار کیا کہ اگر انھوں نے مغرب کی تقلید کی روش کو اختیار کیا، تو یہ راستہ ان کی خودی کے لیے زہرقاتل ہوگا۔ زندگی اور ترقی کا راستہ نہ تو ماضی کی اندھی تقلید میں ہے اور نہ وقت کے نظاموں کی فدویانہ پیروی اور جاہلانہ غلامی میں۔۔۔ یہ راستہ اسلامی تعمیرنو کا راستہ ہے، جو اثباتِ خودی، احیاے ایمان، تعمیراخلاق، اجتماعی اصلاح اور سیاسی انقلاب کے ذریعے حاصل ہوسکتا ہے۔ اس کے ذریعے نہ صرف سیاسی غلامی سے بھی نجات حاصل ہوسکے گی، بلکہ اس سے زیادہ خطرناک ذہنی، تمدنی اور تہذیبی غلامی سے بھی رہائی مل جائے گی۔ پھر وہ جو ’زمانے کے غلام‘ بننے پر قناعت کر رہے ہیں وہ آگے بڑھ کر ’زمانے کی امامت‘ کا فریضہ انجام دے سکیں گے، اور یہی ملت اسلامیہ کے کرنے کا اصل کام ہے۔

علامہ محمد اقبال نے ایک طرف دینی فکر کی تشکیلِ نو کی اور اسلامی قومیت کے تصور کو نکھارا، دوسری طرف ملّی غیرت اور جذبۂ عمل کو بیدار کیا۔ مغربی افکار کے طلسم کو توڑا اور قوم کو تمدنی اور سیاسی اعتبار سے اسلام کی راہ پر گامزن کرنے میں رہنمائی دی۔ یہی اقبال کا اصل کارنامہ ہے اور اسی بنا پر وہ بیسویں صدی کی اسلامی فکر کے امام اور اس میں تجدید کی روایت کے بانی اور رہبر ہیں۔

_______________

حواشی

۱۔ یہاں علامہ اقبال کی فکربلند کا تجزیہ پیش نظر نہیں۔ تاہم اختصار کے ساتھ اس امر کا جائزہ پیش کیا جا رہا ہے کہ فکرِاقبال نے ادبی اور فکری روایت پر کس کس پہلو سے اثر ڈالا۔(دیکھیے: جسٹس (ر) ڈاکٹر جاوید اقبال: زندہ رود۔ سید علی گیلانی: اقبال، روح دین کا شناسا۔ ڈاکٹر افتخار احمد صدیقی:عروجِ اقبال، پروفیسر محمد منور: میزانِ اقبال، ایقانِ اقبال۔پروفیسر رفیع الدین ہاشمی: علامہ اقبال، شخصیت، فکراور فن۔ ڈاکٹر خالد علوی: اقبال اور احیاے دین۔ حیران خٹک: اقبال اور دعوتِ دین)

۲۔ تفصیل کے لیے دیکھیے: رفیع الدین ہاشمی: تصانیف اقبال کا تحقیقی و توضیحی مطالعہ۔

۳۔ ڈاکٹر اشتیاق حسین قریشی: برعظیم پاک و ہند کی ملّت اسلامیہ، ص ۴۳ ٭ڈاکٹر سید عبداللہ: میرامن سے عبدالحق، ص ۲۳۷۔۲۴۶۔

۴۔ The Reconstruction، باب ششم ٭سید ابوالحسن علی ندوی: نقوشِ اقبال۔ ٭پروفیسر خورشیداحمد، اقبال اور اسلامی قانون کی تشکیلِ جدید، مشمولہ چراغ راہ، اسلامی قانون نمبر، ج۲، ۱۹۵۸ء۔

۵۔ علامہ اقبال مکتوب بنام محمد اسلم جیراج پوری (۱۷؍مئی ۱۹۱۹ء) میں لکھتے ہیں: ’’تصوف سے اگر اخلاص فی العمل مراد ہے (اور یہی مفہوم قرونِ اولیٰ میں اس سے لیا جاتا تھا) تو کسی مسلمان کو اس پر اعتراض نہیں ہوسکتا۔ ہاں، جب تصوف فلسفہ بننے کی کوشش کرتا ہے اور عجمی اثرات کی وجہ سے نظامِ عالم کے حقائق اور باری تعالیٰ کی ذات کے متعلق موشگافیاں کرکے کشفی نظریہ پیش کرتا ہے، تو میری روح اس کے خلاف بغاوت کرتی ہے‘‘۔ (اقبال نامہ [یک جا] مرتبہ: شیخ عطا محمد، اقبال اکادمی پاکستان، طبع نو و تصحیح شدہ،ص ۱۰۰)۔ سید سلیمان ندوی کے نام (۱۹۱۷ء) لکھتے ہیں: ’’تصوف کا وجود ہی سرزمینِ اسلام میں ایک اجنبی پودا ہے، جس نے عجمیوں کی دماغی آب و ہوا میں پرورش پائی ہے‘‘ (ایضاً)۔ بنام اکبر الٰہ آبادی: (۲۵؍اکتوبر ۱۹۱۵ء): ’’صوفیا کی دکانیں ہیں ، مگر وہاں سیرتِ اسلام کی متاع نہیں بکتی‘‘۔ (اقبال نامہ[یک جا]، ص۳۸۱۔۳۸۲) بنام اکبرالٰہ آبادی (۱۱؍جون ۱۹۱۸ء): ’’عجمی تصوف سے لٹریچر میں دل فریبی اور حسن و چمک پیدا ہوتا ہے۔ مگر ایسا کہ طبائع کو پست کرنے والا ہے‘‘ (ایضاً، ص ۳۸۷)۔ ٭پروفیسر حمیداحمد خاں: اقبال کی شخصیت اور شاعری lڈاکٹر صابر کلوروی: تاریخ تصوف۔

۶۔ اشارہ ہے قرآنی آیت اَلَا لَہُ الْخَلْقُ وَ الْاَمْرُ (اعراف۷:۵۴) کی طرف۔

۷۔ ڈاکٹر محمد اقبال : The Reconstruction، باب اوّل، دوم، سوم۔٭اسرارِ خودی٭رموزبے خودی ٭خضرراہ، در بانگِ درا٭ساقی نامہ اور زمانہ، دربال جبریل، نوائے وقت، درپیامِ مشرق۔

۸۔ The Reconstruction، باب دوم و ہفتم۔

۹۔ اسرارِ خودی اور رموز بے خودی۔

۱۰۔ ڈاکٹر محمداقبال: خطبۂ صدارت ۱۹۳۰ء۔ ٭نیز ملاحظہ ہو: The Reconstruction، باب ششم و ہفتم ٭رموز بے خودی۔ ٭پروفیسر محمدسلیم: علامہ اقبال کی سیاسی زندگی٭محمد احمد خاں: اقبال کا سیاسی کارنامہ ٭محمد حمزہ فاروقی: اقبال کا سیاسی سفر۔

۱۱۔ پس چہ باید کرد اے اقوامِ شرق ٭ضربِ کلیم ٭جاوید نامہ ٭پیامِ مشرق۔ اس سلسلے میں دیکھیے: جنوری ۱۹۳۸ء کا سالِ نو کا پیغام، جو اقبال کی آخری تحریروں میں بڑی اہمیت کا حامل ہے۔

" جان کرمن جملہ خاصانہء میخانہ مجھے......مدتوں رویا کریں گے جام و پیمانہ مجھے. "

2011-11-25T06:43:00.001-08:00

آداب و تسلیماتآپ تمام حضرات کا بے حد شکریہ جنہوں نے لفظ "جان کاری" پر بر محل تبصرہ فرمایا اور قارئین کرام کے علم میں اضافہ فرمایا. فی الحقیقت ایسی علمی بحث اردو زبان کی ترویج و ترسیل کے لئے بے حد ضروری ہے اور بحث معیاری ہو تو کیا کہنے.

اول بات یہ کہ، اس بحث کا اختتام شاید اس نقطہ پر ہو سکتا ہے کہ جان کاری اور اس طرح کے دیگر الفاظ عام بول چال میں بھلے استعمال ہوں یا نہ ہوں لیکن اسے ادب میں مستعمل کرنا اور خاص کر اردو ترقی کے متعلق کام کرنے والے کسی ادارہ کے خط و کتابت میں پایا جانا معیوب بات ہے. ایسے الفاظ شاید اردو ادب کی فصاحت اور سلاست سے میل نہیں کھاتے . ایسے ہزاروں الفاظ لغت میں موجود ہیں اور ہر دور میں مستعمل بھی رہے ہیں جبکہ انکے متبادل فصیح الفاظ بھی موجود ہیں جو ذو معنی بھی ہیں اور مفرد بھی . کسی صاحب لغت کی علمیت پر بحث کرنا انکی عمر بھر کی عرق ریزی سے انکار کرنا ہے اور ہم جیسے کسی طالب علم کو یہ نا زیبا ہے .

دوم یہ کہ، محترم جناب اعجاز شاہین صاحب سے التماس ہے کہ وہ اردو لغت، الفاظ اور صرف و نحو پر اپنا سابقہ سلسلہ پھر سے جاری کریں. ہم جیسے کئی طالب علم ہیں جو ان سے استفادہ کرتے رہے ہیں. ہاں اس بات کا اقرار کرنا بھی ضروری ہے کہ ہم جیسے قارئین ایسی کسی کوششوں کی تعریف یا شکریہ تو کیا ادا کرتے کبھی ہمت افزائی تک نہیں کرتے. آخرکار ایسے سلسلے بند کر دیے جاتے ہیں.

سوم یہ کہ، محبان اردو کو یہ خیال رکھنا ضروری ہے کہ اردو کے کئی متخصص ہیں جنہوں نے فارسی، عربی، سنسکرت زبانوں میں سے کسی ایک زبان کو اردو پر مسلط نہ کرنے پر ہمیشہ زور دیا ہے، تاکہ اردو زبان میں توازن برقرار رہے اور اردو کی اپنی انفرادیت ختم نہ ہو . معتبر اردو ادبا کا یہ بھی قول ہے کہ بول چال کی زبان اور محاورے اصل قواعد اور صرف ونحو پر بھاری رہے ہیں اور ادب نے اکثر و پیشتر اسے خوشدلی سے قبول کیا ہے۔ لیکن چلن اکثریت کے ساتھ ثابت ہونا ضروری ہے.

اردو زبان کی انفرادیت قائم رکھنے میں بہت سے عناصر کارفرما رہے ہیں جن میں مرکب الفاظ کی اپنی خاصیت ہے. زیادہ تر مرکب الفاظ کسی بھی دو داخلی یا خارجی الفاظ سے ملکر بنے ہیں. تبصرہ میں صحیح فرمایا گیا کہ لفظ "جان" ہندی، سنسکرت لفظ سے اخذ کیا گیا ہے اور یہ بھی ممکن ہے کہ "جن" یا " گیان" دونوں سے اخذ کیا گیا ہو، جس میں جن سے جان بمعنی انسان کے اور گیان سے جان بمعنی سمجھ کے شاید لیا گیا ہو. اردو لغت میں جاننا اور جاننا بوجھنا، جان بوجھ کر وغیرہ محاورے درج ہیں اور بمعنی واقفیت کے لیے گئے ہیں. بعد میں بطور مترادف الفاظ جیسے جان پہچان یا جان بوجھ جو سمجھ بوجھ کا متبادل ہے رائج ہوئے ہونگے. اردو و فارسی کے شعرائے کرام جیسے غالب و اقبال کے اشعار میں لفظ جان فارسی قواعد کے اضافی کے ساتھ بمعنی انسانی جان کے بھی مستعمل رہا ہے اس لئے یہ بھی ممکن ہے کہ یہ لفظ فارسی زبان میں بھی مستعمل ہو یا اخذ کیا گیا ہو۔

" لفظ کاری "کار" سے اخذ کیا گیا ہے جو فارسی زبان کا لفظ ہے. لفظ کار امر ہے کاشتن کا. مصدر کاشتن کے معنی ہیں بونا یا کھیتی باڑی یا زراعت یا کسی قسم کا کام. اسی طرح مرکب لفظ "جان کار" رائج ہوا ہوگا. لغت میں جان کار اور جان کاری دونوں الفاظ درج کیے گئے ہیں.

جگر صاحب کے اس شعر سے لفظ جان کا بمعنی سمجھ کے مستعمل ہونا ثابت ہے.

"جان کر من جملہ خاصانہء میخانہ مجھے......مدتوں رویا کریں گے جام و پیمانہ مجھے".

خاکسارزبیر

Public release of Taryaq calendar

2011-11-25T02:14:00.000-08:00

اہالیان مالیگاؤں

2011-11-18T09:02:00.001-08:00

اہالیان مالیگاؤں نے ہم مظلوموں کے حق میں آواز بلند کرکے اپنیسماجی و ملی بیداری کا ثبوت دیا

( سات محروسین اور ان کے اہل خانہ سے عبدالحلیم صدیقی کی خصوصیملاقات کے اقتباسات پیش ہیں )

(۱) ہمارا ساتھ بہت ظلمہوا (شبیر احمد مسیح اللہ)
شبیر احمد مسیح اللہکے گھر آج ملاقاتیوں کا تانتا بندھا ہوا ہے ۔ ان میں ان کے کاروباری احباب ، تاجر،تعلیم کے زمانے کے دوست اور رشتہ دار و پڑوسی سبھی ہیں ۔ جمعتہ علماء مالیگاؤں کاایک وفد بھی گلدستہ اور مٹھائیاں لئے ہوئے مفتی آصف انجم کی قیادت میں براجمان ہےاور شبیر احمد انکے بھائی جمیل احمد کا خیر مقدم کیا جارہا ہے ۔
شبیر احمد کے مطابقرات ۳؍ بجے جب ہماراقافلہ شہر میں داخل ہوا تو ہم یہ دیکھ کر حیرت زدہ رہ گئے کہ پورا شہر جاگ رہا ہے۔ جگہ جگہ روشنی ہے ، اور خوشی کا ماحول ہے واقعی یہ شہر بیدار شہر ہے ۔ ہم اس کیبیداری کو سلام کرتے ہیں ۔ مشاورت چوک میں جس طرح سے ہمارا استقبال کیا گیا ہمکبھی خواب میں بھی یہ نہیں سوچ سکتے تھے ۔ گھر پہنچتے پہنچتے رات کے چار بج گئےپانچ سال کے بعد اپنے اہل و عیال سے ملنے کی خوشی کیا ہوگی ہم بیان نہیں کرسکتے ۔میرے بچے اسریٰ ، مجاہد عالم ، ذکرٰی ، معاذ ارقم ، پوری رات جاگتے جاگتے میراانتظار کررہے تھے ۔ میں سب سے پہلے اپنے والد بزرگوار سے ملا فرط جذبات سے ان کیآنکھیں نم تھیں اور وہ اپنی زبان سے کچھ بھی کہنے سے قاصر تھے ۔ جب مالیگاؤں بلاسٹہوا تو میں خود ٹرین بلاسٹ میں جیل میں بند تھا مجھے یہ جان کر حیرت ہوئی کہ مجھےاس دھماکے کا ماسٹر مائنڈ بنا کر پیش کیا گیا ہے جیل کے اندر ابتدائی دنوں میںپوچھ تاچھ اور تحقیقات کے نام پر ہم لوگوں پر جو ظلم کے پہاڑ توڑے گئے وہ ناقابلِبیان ہے۔ میں ان تلخ یادوں سے آج ان مسرت آگیں لمحات کو برباد کرنا نہیں چاہتا۔لیکن اللہ نے مجھے صبر دیا اور میں اس مصیبت کو جھیل گیا خدا کا شکر ہے کہ چارجشیٹ کے تمام الزامات کو میں نے دوسرے ہی دن جج کے سامنے مسترد کرتے ہوئے انھیںباور کردیا کہ اعترافی بیان پر دستخط دباؤ اور ظلم کے ذریعے لئے گئے ہیں ۔ جیلجانے سے پہلے کنگ آف بیٹری کہلانے والے شبیر احمد کی معثیت پوری طرح تباہ ہوچکی ہے۔ میں جلد از جلد اپنے کاروبار کو پھر سے کھڑا کرنا چاہتا ہوں ۔
(۲) مالیگاؤں کی عوام نےثابت کردیا کہ وہ بیدار شہری ہیں (ڈاکٹر سلمان فارسی)
مضبوط قوت ارادی کےمالک ڈاکٹر سلمان فارسی جیل سے رہا ہونے کے دوسرے ہی دن اپنی بیگم ڈاکٹر نفیسہ کےمطب میں آبیٹھے کل سے وہ باقائدہ مریضوں کی تشخیص اور علاج و معالج کا سلسلہ شروعکررہے ہیں۔ ان کی گود میں اس وقت مطؤنہ موجود ہے ۔ مطۂنہ یہاں کے جے اے ٹی اسکولمیں جماعت پنجم کی طالبہ ہے اور بیٹا عدی مقاتر بھی اے ٹی ٹی ہائی اسکول میںپانچویں پڑھ رہا ہے ۔ بڑ ابیٹا تمیم سالک پروگریسیو انگلش اسکول میں آٹھویں کاطالب علم ہے ۔ مالیگاؤں دھماکوں میں پھنسائے گئے ملزمین میں سب سے زیادہ پر جوشانداز ڈاکٹر سلمان فارسی کا نظر آیا انھوں نے جیل سے نکلتے وقت خالص اسلامی حلیہ بنایاتھا ۔ اس نے جمعتہ علماء مہاراشٹر کی ممبئی پریس کانفرنس میں بھی میڈیا کو مخاطبکیا تھا اور کہا تھا کہ ہم اپنی رہائی کا کریڈیٹ اللہ رب العزت کو دینا چاہتے ہیں۔ اسکے بعد اس نے کل جماعتی تنظیم ، جمعتہ علماء مہاراشٹر اور ممبئی و مالیگاؤں کیعوام سبھی چھوٹی بڑی تنظیموں کا شکریہ ادا کیا تھا۔ جیل سے نکلتے ہی انھوں نے سبسے پہلے مالیگاؤں میں نہال احمد سے فون پر بات کرتے ہوئے کہا تھا کہ ہم لوگ راتدیر گئے مالیگاؤں پہنچیں گے ۔ لیکن سب سے پہلے آپ کے دھرنا پنڈال میں مشاورت چوکپہنچ کر آپ لوگوں کا شکریہ ادا کریں گے اور واقعہ یہی ہے کہ پورا کارواں مشاور تچوک پہنچا اور سبھی ملزمین کی طرف سے ڈاکٹر فارسی نے مالیگاؤں کی عوام کا شکریہادا کیا۔ ڈاکٹر فارسی نے کہا کہ انھیں جیل میں رہتے ہوئے مالیگاؤں بلاسٹ کیس کیپوری پیش رفت سے اردوٹائمز نے باخبر رکھا۔ ہم نے بہت سارے خطوط جیل سے لکھے ۔ہمارے ساتھیوں کے خطوط اس میں شائع بھی ہوئے ۔ اردو ٹائمز نے ہمارا درد پوری دنیاتک پہنچانے کا صحافتی فریضہ انجام دیا ہے ۔ ڈاکٹر فارسی نے کہا کہ ہم سب بے گناہاور پھنسائے گئے لوگ تھے ۔ اگر مالیگاؤں کی عوام کی مخلصانہ جدوجہد اور تعاون نہہوتا تو ہم ٹوٹ جاتے ۔ موصوف نے اپنی پر عزم بیگم ڈاکٹر نفیسہ کا بھی شکریہ اداکیا جس نے شوہر کی غیر موجودگی کے باوجود گھر کے حالات کو سنبھالے رکھا۔ بچوں کیپڑھائی جاری رہی اور باعزت زندگی گذرتی رہی ۔ آپ نے تمام وکلاء حضرات کا بھی شکریہادا کیا۔ مالیگاؤں کی عوام نے ثابت کردیا کہ وہ بیدار شہری ہیں ۔
(۳) کیا ہمیں اسلامیتشخص کی سزا مل رہی ہے ؟؟(نورالہدی شمس الضحیٰ )
میں پانچ سال پہلےایک مزدو تھا لیکن جیل میں پانچ سال گذارنے کے دوران میں نے عربی و اردو زبان کیدر س وتدریس کے جو تجربات حاصل کئے ہیں میری خواہش ہے کہ میں اپنی بی اے کی ادھوریتعلیم مکمل کرلوں اور جلد از جلد ایک معلم کی حیثیت سے اپنا کیرئیر شروع کروں ۔یہباتیں ہیں نورالہدی کی جس نے آج اردو ٹائمز سے بات کرتے ہوئے کہا کہ ہم سے میڈیاوالے پوچھتے ہیں کہ کیوں اور کس نے پھنسایا ۔ لیکن میں جواب دیتا ہوں کہ یہ سوالتو ان ظالم افسران سے پوچھا جائے جنھوں نے ہم کوپھنسایا۔ اور پوچھا جائے کہ کیوںپھنسایا گیا کیوں اس لئے کہ ہم مسلمان ہیں اور شریعت کے مطابق زندگی گذارنے میںیقین رکھتے ہیں نورالہدی نے اپنی بے گناہی پر دو ٹوک کہاکہ میں کسی بھی معاوضہ وہر جانے سے بہلنے پھسلنے والا نہیں ہوں ۔ انصاف کا تقاضہ تو یہ ہے کہ اصل سازش کوبے نقاب کرکے ان کو جیل بھیجا جائے جو قصور وار ہیں۔
نورالہدی کے مکانواقع جعفر نگر جھوپڑپٹی میں آج جشن کا سماں ہے اس کے مکان پر پھیکا گلابی آئیلپینٹ کیا گیا ہے ۔ اور پوری گلی میں اور مکان پر چھوٹے بڑے قمقمے گلی محلے کےلوگوں نے اپنی خوشی سے آراستہ کئے ہیں۔ ملنے جلنے والوں کا تانتا لگا ہوا ہے اسیلئے آج گھر کا ہر فرد موجود ہے ۔ بوڑھا باپ شمس الضحیٰ اور دیگر برادران بھی آج یہخاندان پاورلوم مزدوری کیلئے ڈیوٹی پر نہیں گیا۔ خوشی کا عالم یہ ہے کہ گھر کے سارےبچے اور خواتین نے عید کے اٹھا رکھے گئے نئے کپڑے پہن رکھے ہیں ۔ نورالہدی کےوالدنے کہا کہ ہمیں آج ادھوری خوشی ملی ہے سچی اور مکمل خوشی تو اس وقت ملتی جبحکومت سچائی جان لینے کے بعد مقدمہ واپس لے لیتی اور باعزت بری کرنے کا فیصلہ آتا۔
(۴) ’’ صبح کا بھولا شام کوگھر لوٹ آیا‘‘ ( ابرار احمد غلام احمد )
’’ صبح کا بھولا شام کو گھر لوٹ آیا‘‘ ابرار کی اپنے والدین کے گھرواپسی کا سماں اسی قول کی ترجمانی کررہا ہے ۔ 80سالہ بوڑھا باپ فرط مسرت سے روتےہوئے اپنے لاڈلے بیٹے کو گلے لگا رہا ہے ۔ ایک دن وہ تھا جب اسی غیرت مند باپ نےاعلان کردیاتھا کہ اگر ابرار سرکاری گواہ بن گیا ہے تو اس کا ہمارے خاندان سے کوئیتعلق نہیں ہم اس کا نام سننا بھی پسند نہیں کرتے ۔ آج وہ دن ہے جب ابرار سب کیآنکھوں کا تارا بنا ہوا ہے ایک دن وہ تھا جب اس کے سرکاری گواہ بننے کی خبر سےپورے محلے میں غصے کی لہر پھیلی تھی اور اس عمارت کو لوگ نفرت کی نگاہ سے دیکھ رہےتھے ۔ جہاں آج ابرار سے ملنے جلنے والوں کا تانتا بندھا ہوا ہے ۔ ابرار کے بھائیفرید نے بتایا کہ پورا محلہ رات بھر جاگتا رہا۔ ابرار گھر پہنچا سبھوں نے اسکااستقبال کرلیا۔ تب لوگ کچھ دیر کیلئے سوگئے صبح سے پھر ملاقاتیوں کا تانتا ہے۔ابرار نے اپنی بے گناہی کے سلسلے میں کہا کہ جب مجھے چارج شیٹ کے متعلق معلوم ہواتو میں حیرت زدہ رہہ گیا۔ جن لوگوں کو میرے نام پر پھنسایا جارہا تھا ان میں سےاکثر کو میں تو جانتا تک نہیں تھا۔ سبھی ملزمین سے میری واقفیت کورٹ کی تاریخوں پرہوئی۔ شبیر مسیح اللہ سے انورٹر کی خریدی کرتا تھا۔ اسی لئے تھوڑا تجارتی تعلق تھا۔ باقی لوگوں سے کوئی لینا دینا نہیں تھا۔ ابرا ر نے بتایا کہ میری حماقت کی وجہسے میرے گھر والوں نے بھی میرا ساتھ چھوڑ دیا تھا اور بم دھماکوں کے بعد 30جنوری2009والے دن میرے بھائی جلیل احمد پہلی بار جیل میں ملاقات کیلئے پہنچے تھے ۔ اسسے قبل تو بالکل اکیلا تھا۔ جیل میں میرا کوئی پرسان حال نہیں تھا۔ ابتدائی مہینوںمیں اے ٹی ایس کے سدا نند پاٹل اور انسپکٹر سچن کدم کی جانب سے مجھے جیب خرچیکیلئے منی آرڈر ملا کرتے تھے یہ رقم دو ہزار سے لے کر پندرہ سو یا کبھی ایک ہزاربھی رہا کرتی تھی۔ ابرا رکے مطابق مجھے سرکاری گواہ بنانے کیلئے میرے سالے اورمیری بیوی نے پولس سے ساز باز کی تھی اور مجھے تھپتھپائے رکھتے تھے ۔ جس وقت مجھےاپنے بھائی کی ہیبس کارپس رٹ پیٹشن کے عوض ممبئی ہائی کورٹ میں پیش کیا گیا تھا تبمیں پولس والوں کی گھیرا بندی اور دباؤ میں تھا ۔ مجھے سچ بولنے سے روکا گیا تھا۔لیکن جب میں نے سچ بولنے کی ٹھانی اور اپنے گھر پر خطوط لکھے تو کوئی سال دیڑھ سالتک جواب نہیں آیا میرے گھر والے سخت ناراض تھے ۔ میں نے تقریباً 65خطوط لکھے اورمعافیاں مانگیں تب 30جنوری 2009کو میرے بھائی پہلی بار جیل میں آئے اور تلقین کیکہ جو بات سچ ہے وہی کہو گے تو ہم تمہارا ساتھ دیں گے پھر میں نے اپریل مہینے میںنیا حلف نامہ لکھوایا اس سے قبل چار سال تک کیا چلتا رہا مجھے کچھ پتہ نہیں ۔ باہرکی دنیا سے مجھے لاعلم رکھا گیا ۔ بائیکلہ جیل میں مجھے اردو ٹائمز اخبار جون2010سے ملنا شروع ہوا جس کیلئے میں نے باقاعدہ عریضہ دیا تھا کہ مجھے روز اخبارچاہئے ۔
میں نہ صرف اخباروالوں بلکہ سبھی علماء کرام اور مسلم تنظیمیوں کا کل جماعتی تنظیم و جمعتہ علماءکا شکر گذار ہوں ۔ اس موقع پر ایڈوکیٹ جلیل انصاری نے جمعتہ علماء کے ذمہ دارانارشد مدنی ، محمود مدنی اور شفیق قاسمی وغیرہ کے خصوصی تعاون اور مستقل رابطہ کاذکر بھی کیا اور سبھی مسلم تنظیموں کا شکریہ اداکیا۔
(۵) میں نے زندگی میںکبھی ابرار سے ملاقات نہیں کی تھی ( مولانا زاہد عبدالمجید)
مولانا زاہدیوں توجیل سے رہا ہوچکے ہیں لیکن ڈر ، خوف ، مصیبت ان کا پیچھا نہیں چھوڑرہی ہے اس باعمل صالح فکر انسان پر ابھی اور آزمائشوں کا دور باقی ہے آج شام جب ہم نے اس سےعائشہ نگر کے ایک مکان میں ملاقات کی تو وہ اپنی والدہ کا انتطار کرتے بیٹھا تھا۔جو رہائی ملنے کے بعد اب تک اس سے نہیں مل سکی تھی مولانا زاہد کی سیمی سے وابستگیسے سخت نالاں والد عبدالمجید ماسٹر تو اس قدر ناراض ہیں کہ جیل سے آئے بچے کو اپنےگھر میں داخل ہونے تک کی اجازت نہیں دی۔ مجبوراً زاہد اپنی خالہ کے گھر چلا گیااور وہیں مقیم ہے ۔ زاہد کو لینے کیلئے ممبئی تک اس کی ساس مونسہ اور بیوی سلمیبھی آئیں تھیں ۔ جو چار پانچ دن تک مفتی اسمعیل کے ایم ایل اے ہاسٹل میں رہائی کیمنتظر تھیں ۔ بہرحال ان دونوں مونسہ اور سلمی کا اب اس دنیا میں زاہد کے علاوہدوسرا سہارا نہیں ہے پانچ برس تک دوسروں کے گھر کے جھوٹے برتن مانجھ کر گذر بسرکرنے اور بہت مرتبہ فاقہ کشی کرنے والی یہ پرعزم خواتین آج بھی سچی خوشی کو ترسرہی ہیں ۔ زاہد کے والد عبدالمجید کو غلط فہمی ہے کہ اس کے سیمی سے وابستہ ہونے کیوجہ سے ہی ان کے خاندان پر مصیبت کے پہاڑ ٹوٹے ۔ اسلحہ ضبطی کیس کے دوران زاہد کوتلاش کرنے والی پولس نے زاہد کی جگہ چھوٹے بھائی جاوید کو پکڑ لیا۔ لیکن اس غلطفہمی کا ازالہ کرتے ہوئے زاہد کہتے ہیں کہ پولس نے جان بوجھ کر جاوید کو پھنسایاوہ میرے ساتھ آرتھر روڈ جیل میں ایک ہی کمرے میں بند تھا اسی لئے میں سارے حقائقجانتا ہوں۔ ہم دونوں بھائیوں میں آپسی محبت و اخلاص ہے اور کہیں کوئی غلط فہمینہیں ہے ۔ زاہد کو آج ساڑھے سات سال کے بعد مالیگاؤں میں داخلہ نصیب ہوا۔ اس کیوجہ یہ ہے کہ بار بار کی پولس چھان بین سے وہ 2004میں ہی ہجرت کرکے خاموشی سے پوسدکے قریب ایک گاؤں میں امامت کرنے لگا تھا۔ تب سے اس نے مالیگاؤں کا رخ کرنا چھوڑدیا تھا۔ لیکن اے ٹی ایس نے اس کو جھوٹے الزام میں جب پھنسایا تو اردو ٹائمز کیٹیم نے ہی سب سے پہلے پوسد پہنچ کر حقائق کا پتہ لگایا اور گاؤں والوں سے معلومکرنے پر یہ انکشاف ہوا کہ زاہد مولانا تو بم دھماکے والے دن مسجد میں ہی موجود تھےجس کی گواہی کل جماعتی تنظیم کی فیکٹ فائنڈنگ ٹیم کو اجتماعی حلف نامہ کی صورت میںدی گئی۔ جب کہ اے ٹی ایس نے الزام رکھا کہ ابرار کے ساتھ مل کر زاہد نے مشاورت چوکمیں بم رکھا۔ آج زاہد نے کہا کہ میں نے زندگی میں کبھی ابرار سے ملاقات نہیں کیتھی ۔ نہ ہی میں اسے نام و شکل سے جانتا تھا۔
پانچ سالہ قید و بندکے دوران زاہد نے حفظ قرآن مکمل کرلیا اور جیل میں گذشتہ دو سال سے ماہِ رمضان میںتراویح کی امامت بھی فرمائی ۔ اب مستقبل میں وہ مالیگاؤں کی ہی کسی مسجد میں امامتو معلمی کا پیشہ اختیار کرنا چاہتے ہیں ۔
(۶) پوری ملت کی ترجمانیاردو ٹائمز کے ذریعے ہورہی تھی (رئیس احمد رجب علی)
انورٹر کے کاروبارمیں اپنے بہنوی شبیر احمد مسیح اللہ کا ہاتھ بٹانے کی سزا پانے والے رئیس احمد آجاپنی رہائی پر بہت خوش و خرم ہیں اپنے بچوں کی تعلیمی پیش رفت کو جان کر ان کیخوشی کا کوئی ٹھکانہ نہیں اور ساتھ ہی ان کے جیل جانے کے چند دنوں بعد ہی ولادتپانے والی معصو م عائشہ اب پانچ سال کی ہوگئی ۔ اور جے اے ٹی اسکول کی جونئیر کےجی میں زیر تعلیم ہے ۔ اس بچی کو پہلی بار اپنے باپ کی گود نصیب ہوئی۔ ان کے دیگربچوں میں بڑی بیٹی فرحین بارہویں جماعت میں نمایاں نمبرات حاصل کرنے کے بعد ڈی ایڈکورس میں زیر تعلیم ہے اور معلمہ بننے کی تیاری کررہی ہے۔ بڑا بیٹا دانش بارہویںمیں زیر تعلیم ہے ۔ اس نے باپ کی جدائی کے صدمہ کے باوجود SSCمیں اچھی پوزیشن حاصل کی ۔ اور کئی مقابلوں میں حصہ لے کر انعاماتحاصل کئے ۔ فائزہ گیارہویں اور اسامہ ساتویں جماعت میں پڑھ رہے ہیں ۔ سارے بچے باپکو گھیرے ہوئے ہیں اور گھر کے باہر برقی قمقموں کی لڑیاں یہ ظاہر کررہی ہیں کہرئیس رجب کی رہائی میں پورا محلہ خوش دشرسار ہے ۔ کثیر العیال خاندان کی کفالتکرنے والے رئیس کے خاندان کو اس کے سالے خلیل احمد نے خوب کوب سہارا دیا۔ اور جمیلمسیح اللہ کی مسیحائی بھی رنگ لائی ۔ جنھوں نے تمام قانونی معاملات کو دیکھا۔ جیلکے اندر موقع ملنے پر رئیس نے پہلی بار ناظرۂ ختم قرآن کی سعادت حاصل کی ۔ اوراسلحہ ضبطی کیس کے ملزم بلال کاتب ان کے عربی کے استاذ تھے۔ اس کامیابی میں اردواخبارات کے کردار پر بات کرتے ہوئے رئیس احمدرجب علی نے تمام اردو اخبارات سمیتاردو ٹائمز کی جم کر تعریف کی اور کہا کہ یہی اخبار ہمیں جیل میں میسر تھا اور ہماس کی خبروں سے انداز لگا رہے تھے کہ ہماری بے گناہی پر ہم اکیلے آنسو نہیں بہارہےہیں ۔ بلکہ پوری ملت کی ترجمانی اردو ٹائمز کے ذریعے ہورہی تھی ۔
(۷) قید و بند نے ڈاکٹرفروغ مخدومی کو ایڈوکیٹ کا کردار نبھانے پر مجبور کیا
اس ساز ش کی سب سےدلچسپ بات یہ ہے کہ پھنسائے گئے سبھی ملزمین میرے لئے انجان تھے سوائے شبیر احمدمسیح اللہ کے میں کسی کو نہیں جانتا تھا۔ا ور شبیر احمد سے بھی معمولی تعلقات تھےاور7مئی 2006کونورالہدی کی شادی کی تقریب میں جس سازشی میٹنگ کا تذکرہ چارج شیٹمیں لگایا گیا ہے اسی دن تو میرے بیٹے حسن کی پیدائش کی خوشی میں تقریب عقیقہ تھیسارے دوست احباب میرے گھر دعوت پر تھے ۔ ڈاکٹر مخدومی نے دعوی کیا کہ اگر سی بیآئی غیر معمولی تاخیر نہ کرتی اور مکوکا پر سپریم کورٹ میں میں دائر جمعتہ علماءکی پٹیشن کے سبب سماعت پر اسٹے آرڈر نہیں ملتا تب میں اپنی ذاتی جرح کی بدولت کیسسے باعزت بری ہوجاتا ۔ لیکن حالات نے ساتھ نہیں دیا اور جمعتہ علماء نے جن وکلاءکی خدمات حاصل کررکھی تھیں ان کو ہمارے مقدمہ پر توجہ دینے کی زیادہ فرصت نہیں تھیاسی لئے میں نے جج کو ڈسچارج عریضہ دے کر خود بحث کا آغاز کیا جو 3ماہ کے دورانپوری ہوئی میری اٹھارہ گھنٹہ کی بحث مجھے بے قصور ثابت کرنے کیلئے کافی تھی ۔ پیشےسے ڈاکٹر رہنے کے باوجود 2003میں LLBمیں داخلہ لینے والےڈاکٹر مخدومی کو وکالت اور قانون کی تعلیم سے دلچسپی جیل میں خوب کام آئی اس نےجیل کے اندر اسے اپنا مشغلہ بنا لیا۔ بہت سارے ملزمین کیلئے عریضہ تیار کرنا۔پٹیشن لکھنا اور عدالت سے انصاف دلانا اس کا معمول تھا۔ آرتھر روڈ میں ڈاکٹر فروغمخدومی ، ایڈوکیٹ مخدومی کے نام سے مشہور ہوئے اپنے ساتھی ملزمین کی خوب مدد کی۔ڈاکٹر مخدومی نے خود بتایا کہ پہلے ایک سال میں نے اے ٹی ایس کی چارج شیٹ کامطالعہ کیا اور دوسرے سال اس کا اردو ترجمہ کرکے اپنے دیگر بے قصور ساتھیوں کوبتلایا ۔ میں نے فارغ اوقات میں RTIقانون کا فائدہ لیتےہوئے اپنے لئے اور دیگر ہندو مسلم ملزمین کیلئے عریضے تیار کرکے ان کی قانونی مددکی۔
فروغ مخدومی کے والداقبا ل مخدومی نے مالیگاؤں بم دھماکہ کیس میں اپنے ساتھی جمیل مسیح اللہ کے ساتھمل کر غیر معمولی جدوجہد کی ہے جس کا اعتراف سبھی ملزمین کے رشتہ دار کرتے ہیں۔اقبال مخدموی نے بتایا کہ میرا بیٹا تصویر کشی نہیں چاہتا اسی لئے جیل سے نکلنے کےبعد ہم لوگ سیدھے اس کے قریبی دوست کے گھر گئے پھر دفتر جمعیت علماء ( امام باڑہ)پہنچے اور وہاں سے مسجد اہلحدیث مومن پورہ گئے پھر مالیگاؤں پہنچ کر مشاورت چوکاور دفتر جمعتہ علماء تک گئے ۔ ہم نے سب سے مل کر شکریہ ادا کیا۔ ہمیں ہر طبقہ کاتعاون ملا ہے۔
***

بیداری ( ہفتہ واری )

2011-11-18T07:27:00.001-08:00

مولانا ابوالکلام آزاد کے یوم پیدائش کو ملک کے مختلف علاقوں میں ( یوم تعلیم ) کے طور پر منایا گیا ۔بہت سارے پروگرام کۓ گۓ ۔ اس دن مالیگاؤں میں بہت سی تقریبات منائی گئی ۔ اس دن مالیگاؤں میں ہفتہ واری اخبار بیداری کا اجراء ہونا قرار پایا ۔ مگر کسی وجہ سے وہ پروگرام 12 نومبر 2011ء کو ارم پری پرائمری اسکول میں بہت اچھے طریقے سے انجام پایا ۔ اس وقت انجمن اسلام جیسے مشہور تعلیمی ادارے کے ٹرسٹی اور انجمن اسلام پنچ گنی کے چیئرمین ڈاکٹر شیخ عبداللہ ۔ مشہور ومعروف محقق تعلیم شمیم طارق صاحب ، انسپیکٹر شمشیر پٹھان ، ڈاکٹر انور امیر لنترانی میڈیا ہاؤس کی مینیجنگ ڈائریکٹر منور سلطانہ ، اور لنترانی میڈیا ہاؤس کے چیف مینیجنگ ڈائریکٹر ڈاکٹر روپیش سریواستو اور مالیگاؤں شہر کی مشہور و معروف شخصیات موجود تھیں ۔جہاں پر یہ کہا جاتا ہے کہ اردو کا حال برا ہے ۔ایسے دور میں ایک اور اردو اخبار نکال کر عبدالحلیم صدیقی نے اردو سے محبت کا ثبوت دیا ہے ۔یہ پروگرام کافی کامیاب رہا ۔

Urdu monthly TARYAQ November-2011

2011-11-16T00:44:00.001-08:00

Click to launch the full edition in a new window
E- Publishing from LANTRANI MEDIA HOUSE

رسم اجرا

2011-11-14T09:35:00.001-08:00

From left to right- Inspector Shamsher pathan,Dr.Rupesh shrivastava,Dr.Shaikh abdullah,Mrs.Munawwar sultana,Mr.Shamim tariq,Dr.Manzoor ayyubi.Dr.Anwar amir,Dr.Rasheed

سیٹیزن ایجوکیشنلکامپسیکس اور مالیگاؤں ایل سی ایچ ڈاکٹرس ایسوسی ایشن کے زیر اہتمام بروز اتوارمورخہ 13 نومبر 2011ءکو صبح دس بجے ملک کے ممتاز ہومیوپیتھ معالج پروفیسر ڈاکٹرانور امیر کی تصنیف ( اسلام اور ہومیوپیتھی ) کی رسم اجراء بدست ممبئ شہر کیمشہور ومعروف ادبی و سماجی شخصیت اور انجمن اسلام جیسے مشہورادارے کے ٹرسٹی اور انجمن اسلام پنچ گنی کے چیئرمین ڈاکٹر شیخ عبداللّہصاحب اور مالیگاؤں کی تعلیمی و علمی شخصیت ڈاکٹر منظورحسن ایوبیصاحب کے انجام پائی اس موقع پر ڈاکٹر انور امیر ممبئی شہر اورمہاراشٹر کی جانی مانی اور اہم شخصیت انسپکٹر شمشیر پٹھان صاحب ،مولانا شعیب کوئیممبئی اور مشہور محقق اور دانشور جناب شمیم طارق صاحب ،ڈاکٹررشید ، پروفیسر ارشد مہوی ، مفتی حامد ظفر رحمانی ڈاکٹر آصف سلیم ،ڈاکٹر الیاسصدیقی ، ڈاکٹر اشفاق انجم ، ڈاکٹر عتیق فہمی اور لنترانی میڈیا ہاؤسکے مینیجنگ ڈائریکٹر ڈاکٹر روپیش سری واستو اور شہر کی تمام مشہور و معروفاور اہم شخصیات موجود تھیں ۔ اس تقریب میں صدارت منظور حسن ایوبی صاحب کی تھی ۔تلاوت قرآن پاک سے اس تقریب کا آغاز ہوا ۔ اور پھر عبدالحلیم صدیقی نےپروگرام کے مقاصد بیان کۓ ۔ تمام مہمانا ن کی گلپوشی کی گئی ۔ ڈاکٹر انور امیرنے ہومیوپیتھی اور اسلام اس کتاب پر بڑے ہی موّثر انداز میں روشنی ڈالی ۔ڈاکٹرالیاس صدیقی نے کتاب سے متعلق اپنے خیالات کا اظہار کیا ۔اور صدارتی خطبہ کےبعد پروگرام کا اختتام ڈاکٹر انور امیر کو بہت ساری دعاؤں اور مبارکباد وں سے ہوا۔یہ پروگرام کافی کامیاب رہا۔

پریس ریلیز

2011-11-10T09:03:00.001-08:00

علی گڑھ09؍نومبر: ملت بیداری مہم کمیٹی اوردا علی گڑھ موومینٹ میگزین کے مشترکہتعاون سے یومِ اقبال کے موقعہ پرمزمل منزل کامپلیکس میں واقع میڈیا سینٹر پر ایکسیمینارکا انعقاد عمل میں آیا جس کی صدارت ملت بیداری مہم کمیٹی کے صدرپروفیسر رضأاللہ خاں نے کی۔اپنے صدارتی خطبہ میں پروفیسر رضأاللہ خاں نے کہا کہ علامہ اقبالسچے ہندوستانی اور اسلامی مفکر تھے۔ انہوں نے کہا کہ علامہ اقبال کی شاعری اسلامیفلسفہ پر محیط ہے۔ انہوں نے علامہ اقبال کو خراجِ عقیدت پیش کرتے ہوئے کہا کہ ایسیعظیم ہستیاں ہزاروں سال میں پیدا ہوا کرتی ہیں۔ انہوں نے کہا کہ علامہ نے ہمیشہ حبالوطنی اور بھائی چارہ کا درس دیا۔
دا علی گڑھ موومینٹ میگزین کے مدیرِ اعلیٰ جسیم محمد نے کہا کہ علامہ اقبال دنیاکے واحد شاعر ہیں جن کا کلام چاند پر پڑھا گیا۔ انہوں نے کہا کہ جب راکیش شرماچاند پر پہونچے تو اس وقت کی وزیرِا عظم محترمہ اندرا گاندھی نے ا ن سے دریافت کیاکہ وہاں سے ہندوستان کیسا نظر آتا ہے تب راکیش شرما نے علامہ اقبال کا مصرعہ پڑھکر سنایا ’’ سارے جہاں سے اچھا ہندوستاں ہمارا ‘‘ ۔ جسیم محمد نے کہا کہ علامہاقبال سچے ہندوستانی تھے اور ان کو اپنے ملک سے روحانی عشق تھا۔ انہوں نے کہا کہدنیا کے کسی بھی ملک کا قومی ترانہ ہندوستان کے قومی ترانہ کا مقابل نہیں ہو سکتا۔انہوں نے کہا کہ ہمارے قومی ترانہ کو یہ انفرادیت علامہ کی حب الوطنی نے ہی بخشیہے۔
جسیم محمد نے کہا کہ افسوس کی بات یہ ہے کہ ہندوستان کو قومی ترانہ دینے والے شاعرکی زبان اردو کے ساتھ آج بھی سوتیلہ رویہ اختیار کیا جا رہا ہے ا ور ہر سطح پر اسزبان کے ساتھ نا انصافی کی جا رہی ہے۔انہوں نے کہا کہ حکومت کاعلامہ اقبال کو سچاخراجِ عقیدت یہی ہوگا کہ حکومت اردو کے ساتھ انصاف کرے اور اردو کے اداروں کواستحکام بخشے۔ انہوں نے کہا کہ ہر کسی کو احسان کا بدل دینا لازم ہوتا ہے ا ورعلامہ اقبال کا ہمارے ملک پر جو احسان ہے اس کا بدل یہی ہوگا کہ ان کی ز بان فروغپائے اور اردو کے اداروں کو استحکام ملے۔
اے ایم یو ٹیچرس ایسو سی ایشن کے سابق سکریٹری ڈاکٹر محمد شاہد نے کہا کہ اقبال کیزبان پر ظلم ڈھاکر اقبال کو خراجِ عقیدت پیش کرنا منافقت کے سوا کچھ بھی نہیں۔انہوں نے کہا کہ اقبال نے قومی یکجہتی اور بھائی چارے کا درس دینا ہی اپنی زندگیکامقصد بنالیا تھا ۔ وہ نہ صرف سچے مسلمان بلکہ ایک آدرش وادی ہندوستانی بھی تھے۔انہوں نے کہا کہ اقبال جیسی ہستیوں پر نسلیں فخر کرتی ہیں۔
ممتاز معالج ڈاکٹر سید محسن رضا نے کہا کہ یہ ہماری خوش نصیبی ہے کہ علامہ اقبالہندوستانی تھے اور وہ ایسے ہندوستانی تھے جن پر سارا ملک ناز کرتا ہے۔ انہوں نےکہا کہ اقبال جیسے سپوت ہر قوم کے لئے باعثِ افتخار ہوتے ہیں۔حضرت امیر خسروایجوکیشنل سوسائٹی کے سکریٹری پروفیسر سید اقبال علی نے کہا کہ اقبال پرا س قسم کےپروگرام منعقد ہوتے رہنے چاہئیں تاکہ ہماری آنے و الی نسلیں بھی اپنے محسنین کےکارناموں اور ان کی حیات و خدمات سے واقف ہوسکیں۔ انہوں نے کہا کہ ملت بیداری مہمکمیٹی ا ور دا علی گڑھ موومینٹ میگزین قابلِ مبارکباد ہے کہ ا س نے اتنا شاندارپروگرام علامہ اقبال کے تعلق سے منعقد کیا۔ انہوں نے کہاکہ علامہ پر نہ صرف سرکاریسطح پر پروگرام منعقد ہونے چاہئیں بلکہ یومِ اقبال پر سرکاری تعطیل کا بھی اعلانہونا چاہئے یہی علامہ کو سچا خراجِ عقیدت ہوگا۔
جامعہ اردو علی گڑھ کے او ایس ڈی مسٹر فرحت علی خاں نے کہا کہ علامہ اقبال کو اردواور ہندوستان سے عشق کی حد تک پیار تھا۔ انہوں نے کہا کہ ایسے عظیم ہندوستانی کیزبان کے ساتھ نا انصافی کرنا اور اس کے وجود کو خطرہ میں ڈالنا علامہ ا قبال کیروح کو تکلیف پہونچانے کے مترادف ہے۔ انہوں نے کہا کہ جامعہ اردو علامہ ا قبال کےنقشِ قدم پر چلتے ہوئے گزشتہ72سال سے اردو کے فروغ کے لئے سرگرمِ عمل ہے مگر آج تکاس ادارہ کو سرکاری سطح پرا ستحکام نہیں ملا جو نہ صرف جامعہ ارود بلکہ علامہ اقبال کے ساتھ بھی نا انصافی ہے۔
اس موقعہ پراقبال سیفی، عمیر جمال شمسی،دولت رام، ڈاکٹر مجیب شہزر،ڈاکٹر فاطمہزہرہ، ڈاکٹر جی ایف صابری، سید علی سردار جعفری وغیرہ نے بھی اپنے خیالات کا اظہارکیا۔ پروگرام میں بڑی تعداد میں یونیورسٹی کے ا ساتذہ، طلبأ اور معززین شہر نے شرکتکی۔

( جسیم محمد )
09997063595

یوم تعلیم -پریس ریلیز

2011-11-10T00:33:00.000-08:00

مسلمانوں کی تابناک تاریخ سے عوام الناس اورنئی نسل کوباخبرکرانے کے پیش نظر
لیکچرس سیریزکاآغاز۱۱؍اکتوبرسے
اپنی تاریخ سے واقفیت زندہ قوموں کے لیے بہت ضروری ہے جوقومیں اپنے رہنماؤں کیتاریخ اوران کے کمالات سے ناواقف ہو تی ہیں اوران کے حالات سے اپنی لیے راہیںمتعین نہیں کرتیں وہ ہمیشہ خسارے میں رہتی ہیں اوربہت جلدفراموش کردی جاتی ہیںچنانچہ اسی احساس کے پیش نظرممبئی کے معروف سماجی اورتعلیمی کارکن اورایسوسی ایشنآف مسلم پروفیشنلس کے صدر عامرادریسی نے اپنی اس تنظیم کے زیر اہتمام الگ نوعیتایک منفردکاپروگرام منعقدکرنے کافیصلہ کیاہے ۔پروگرام کے سلسلے میں عامرادریسی نےبتایاکہ اپنے اسلاف اورسرکردہ مسلم لیڈروں ورہنماؤں نے ماضی میں ملک و ملت کے لیےجوتابناک خدمات انجام دی ہیں ان سے ہمارے عوام الناس اورآج کی نئی نسل کو با خبرکرنے کے لیے ہم نے ایک لیکچر سیریز شروع کرنے کامنصوبہ بنایاہے ۔اس میںمولاناآزاد،ٹیپوسلطان، محمدعلی جناح ،بدرالدین طیب جی ، ڈاکٹر ذاکر حسین جیسے بہتسے دانشوروں اورلیڈروں نیزمسلم تحریکوں کے بارے میں علمائے کرام ،سماجی کارکنان،ماہرین نیزدانشورطبقے کے لیکچرس کرائے جائیں گے اوران کے مابین متعلقہ شخصیت کے حوالےسے مذاکرہ ہوگا۔جب ان سے پوچھا گیاکہ اس طرح کاپروگرام منعقد کرنے کامقصدکیاہےتواس کے جواب میں عامرادریسی نے بتایاکہ بدقسمتی سے ہماری نئی نسل اپنے بزرگوں سےناواقف ہوتی چلی جارہی ہے اسکولوں کانصاب اس طرح مرتب کیاگیاہے کہ ہماری نسلیںہمارے بزرگوں کے کارناموں سے واقف توکیاہوں گی ان سے بدظن ہورہی ہیں اوراپنی تاریخسے برگشتہ۔اگراس طرف توجہ نہ کی گئی تو یہ ہماری نئی نسل ہم سے بہت دورہوجائے گی۔اس پروگرام کومنعقدکرنے کاواضح مقصدیہی ہے کہ ہماری نسل اورعوام الناس اپنےبزرگوں کے کارناموں سے واقف ہوں۔عامرادریسی نے مزیدکہاکہ اس پروگرام کے لیے ایکپورامنصوبہ تیار کرلیا گیا ہے اوراس کی پہلی نشست ۱۱؍اکتوبرکوخلافت ہاؤس،بائیکلہ ممبئی میں شام ساڑھے چھ بجے منعقدہوگی۔واضح رہے کہ ۱۱؍اکتوبرکومولاناآزادکایومولادت بھی ہے اسی لیے اسی مناسبت سے پہلالیکچراورمذاکرہ مولاناآزادکی شخصیت اورانکے کارناموں پر ہوگا ۔
عامرادریسی کے دوست اورپروگرام CO-ORGANISERفریدخاں نےبتایاکہ ا س پروگرام کی ساری تیاریاں مکمل کرلی گئی ہیں۔مذاکرات میں حصہ لینے والےنیزلیکچرس دینے والے ممتازاورنمایاں حضرات سے رابطے کیے جارہے ہیں۔فریدخاں نے اپیلکی کہ اس طرح کے پروگراموں کی حوصلہ افزائی کرنااورانہیں کامیاب سے کامیاب تربناناہمسب کی ملی ودینی ذمے داری ہے ۔فریدخاں کے مطابق ان کی کوئی متعینہ تاریخ نہیں ہےبلکہ یہ پروگرام حسب ضرورت منعقدکیے جاتے رہیں گے اورانعقادسے پہلے اخبارات کےذریعے سامعین کو مطلع کیاجاتارہے گا۔اخیرمیں انہوں نے لوگوں سے گزارش کی کہ ۱۱؍اکتوبرکومنعقدہونے والی اس مخصوصنشست میں ضرورشرکت فرماکرکامیاب بنائیں ۔

نماز میں لذت و حلاوت کے حصول کے لئے دعا(نظم)۔ عرشی ملک

2011-11-09T23:55:00.000-08:00

اے خدا میں اندھا و ناکارہ و بد ذوق ہوں
تیری الفت کی حلاوت سے نہیں ہوں آشنا
ہاں مگر سنتا ہوں میں جب بھی ندا
تو تھکے قدموں سے آتا ہوں ترے دربار میں
بے دلی سے سر جھکاتا ہوں تری سرکار میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دل میں رہتا ہے خیالوں کا ہجوم
گھیر لیتی ہے مجھے بادِ سموم
بے حضوری سی ہے کیوں تیرے حضور
کیوں نہیں ملتا مجھے لطف و سرور
عادتاً یہ فرض کرتا ہوں ادا
لذتِ گریہ سے ہوں نا آشنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے خدا میری سعی پر کر نظر
کر ہرا بے رنگ کوشش کا شجر
ہو عطا اس پیڑ کو کوئی ثمر
دل پہ اک شعلہ گرا دے نور کا
دیکھ لوں منظر میں کوہ طُور کا
راکھ ہوں عرشیؔ یہ سفلی لذتیں
قرب کی مجھ کو عطا ہوں برکتیں
واسطہ ہے مصطفی ﷺ کے نام کا
تھام لے اب ہاتھ مجھ ناکام کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

علّامہ اقبال

2011-11-09T08:39:00.000-08:00

آیا تھا اپنے دیس میں اک خوش نوا فقیر
آیا اور اپنی دھن میں غزل خواں گزر گيا
سنسان راہیں خلق سے آباد ہوگئيں
ویران میکدوں کا نصیبا سنور گیا
تھیں چند ہی نگاہیں جو اس تک پہنچ سکیں
پر اس کا گیت سب کے دلوں میں اتر گیا
اب دور جا چکا ہے وہ شاہ گدا نما
اور پھر سے اپنے دیس کی راہیں اداس ہیں
چند اک کو یاد ہے کوئی اس کی اداۓ خاص
وہ ایک نگاہیں چند عزیزوں کے پاس ہیں
پر اس کا گیت سب کے دلوں میں مقیم ہے
اور اس لے سے سیکڑوں لذت شناس ہیں
اس گیت کے تمام محاسن ہیں لازوال
اس کا وفور اس کا خروش اس کا سوز وساز
یہ گیت مثل شعلہ ، جوالہ تندوتیز
اس کی لپک سے بعد فنا کا جگرگداز
جیسے چراغ وحشت صر صر سے بے خبر
یا شمع بزم صبح کی آمد سے بے خبر

فیض احمد فیض