اقبال نیازی کو آغا حشرؔ کاشمیری ریاستی ایوارڈ

ممبئی: اردو کے معروف ڈراما نگار ہدایت کار،مدرّس اور کردار آرٹ اکیڈمی کے کر یئٹیو چیئر مین 
اقبال نیازی کو پونے فیسٹول اور عوامی محاذپونے کی جانب سے ریاستی سطح پرآغا حشرؔ کا شمیری 
کے نام سے شروع کیا جانے والا پہلا ایوارڈ تفویض کیا گیا۔
گذشتہ ۲۳ برسوں سے جاری مو قر پونے فیسٹول کے لیے اقبال نیازی کا انتخاب فیسٹول کی مر کزی کمیٹی نے کیا اور اردو ڈراما اور تھیٹر سے ۳۰ سالہ وابستگی اور اردو ڈراما اور زبان کی خدمات کے لیے ایک بیحد خوبصورت ٹرافی اور سپاس نامہ بھی پیش کیا گیا۔پونے کے پر شکوہ گنیش کر یڈا کیندر آڈیٹوریم میں ہزاروں افراد کی مو جودگی میں اس ایوارڈ سے نوازا گیا۔اس مو قع پر جناب عارف نسیم خان(ریاستی وزیر حکومت مہاراشٹر) پی اے انعامدار، منور پیر بھائی اور شری 
ر میش باگوئے (سابق ریاست وزیر) کے علاوہ ریاست مہاراشٹرکی اہم تعلیمی ، سماجی و ادبی شخصیات کی مو جودگی سے اس رنگا رنگ تقریب کی رونق دو با لا ہو ئی ۔پونے کے اس با وقار ایوارڈ کے لیے منتخب ہونے پر شہر ممبئی کے علمی ادبی اور تھیٹر و ڈراما کی اہم شخصیتوں نے مسّرت کا اظہار کیا اور اقبال نیازی کو ہد یہ تہنیت پیش کی ۔واضح ہو کہ اس سے قبل بھی اقبال نیازی کو اردو ہندی ڈراما اور تھیٹر کی طویل خدمات کے اعتراف میں متعدد ریاستی اور قومی سطح کے انعامات و اعزازت مل چکے ہیں جن میں مراٹھی کی مشہور و معروف دو تنظیموں کی جانب سے مہاراشٹر لوک رتن پرسکار اور مہاراشٹر گوروپرسکار بطورِخاص ہیں۔

باپ کا خطاب بیٹے سے

(میرے بیٹے معین نیازیؔ کے گھر سے پہلی بار باہر قدم نکلنے پر۔۔)

ہم نے تجھے بھیڑ میں جھونک دیا ہے مو نوؔ !!

زندگی کی پٹری پر دوڑتی

کر ئیر کی ٹرین میں سوار کر کے

تازہ دم حوصلوں اور اُمنگوں کے ساتھ۔۔

ہم نے تجھے بھیڑ میں جھونک دیا ہے مو نوؔ

کندھے سے کندھے چھلیں گے ہر دم

بو پسینے کی ،سانسوں کی دُرگندھ

سانس اٹکے گی سینے میں۔۔مگر تجھ کو

سانس لینا ہے۔۔اسی طرح سے جینا ہے۔۔

کو ئی پیچھے سے، کو ئی آگے سے

تجھ کو ہر دم ڈھکیلتا رہے گا

بال بکھریں گے ترے ۔۔بیگ بھی پھنس جائے گا

جیب خالی ہو گی تری اور کپڑے۔۔

شکنوں سے بھر جا ئیں گے

بھیڑ کچلے گی تجھے ، غراّے گی، دھمکائے گی

بھیڑ سے ڈرنا نہیں ، لڑنا ہے مسلسل تجھ کو

بھیڑ بھڑکائے گی ، ستائے گی، گا لیاں دے گی،

بھیڑ پیروں پہ ترے پیر رکھ کر کھڑی ہو گی

مگر غصّہ کو اپنی طاقت بنا لینا ہے تجھے

کیوں کہ اپنے ہی پیروں پہ کھڑے ہونا ہے تجھے۔۔

تجھ کو ہر حال میں جدّو جہد مگر کرنی ہے

اپنی منزل کی طرف تجھ کو نظر رکھنی ہے

تھام کر زندگی کی اُنگلی کو

اسڑ گل کر کے تجھے آگے آگے بڑھنا ہے!

سیدھے سیدھے سپاٹ رستوں پر

بے فکر ہو کے چلنا بھی کو ئی چلنا ہے؟؟

اپنے خوابوں کے ہجوم کو ساتھ لے کر بھیڑ کے ساتھ اُلجھنا ہے تجھے

اپنی خوش آئندزندگی کا تصّور کر کے

بھیڑ کو چیرنا ، ٹھیلنا، نکلنا ہے تجھے

کیا ہو ا جو تجھے ہم نے

بھیڑ میں جھونک دیا ہے مو نو؟؟

مانا مجبوریاں ہماری ہیں۔۔

ہم کہاں تجھ کو اکیلے روانہ کر سکتے ہیں؟؟

ہم کار ، بائیک دے کر تجھے

جھوٹی خوشیوں کی نمائش نہیں کر سکتے ہیں ؟؟

ہم نے بھی بس میں کھائے ہیں دھکّے

برسوں ٹرینوں کے پُر ہجوم جہنم میں

خود کو جھونکا ہے، بکھیرا ہے، سمیٹا بھی ہے۔۔

ہم بھی بہت خرچ ہو ئے ، اس بھیڑ میں مگر ہم نے

خود کو اس بھیڑ کے حوالے نہیں کیا ہے کبھی

ہاں! لوگ ہمارے بھی پیروں پہ کھڑے ہوتے تھے

لیکن ہم نے اُن کو نہیں کُچلا ہے کبھی۔۔

گالیا ں کھاتے تھے، دھکّے سہے، پسینے میں نہائے تھے ہم بھی

پھر بھی اس بھیڑ کو اپنے اندر

جذب ہونے نہیں دیا ہے کبھی

بھیڑ چھٹ جائے گی جب میرے بچّے!!

تو ہر منظر نیا نیا ہو گا

بھیڑ سے نکلو گے تو بھر پور آسماں ہوگا

بھیڑ سے ہٹتے ہی ایک نیا دروا ہوگا

بھیڑ چھٹ جائے گی تو

مستی پرواز کا سماں ہوگا

بھیڑ کو روندنے کا فن سیکھو

بھیڑ سے بِھڑ نے کا چلن سیکھو

بھیڑ کو چیر کر نکلنا سیکھو

بھیڑ ڈھکیلے تو سنبھلنا سیکھو

بھیڑ میں ہم نے تجھے جھونک دیا مو نو ؔ !

یاد رکھنا یہ میری بات میر ے بچّے تم!

بھیڑ کے ریوڑسے الگ ہونا ہے

دور سے شور تو سننا ہے، سنبھلنا ہے، نکل جانا ہے۔

بھیڑ میں سب سے الگ دکھنا ہے۔

بھیڑ کا حصّہ نہیں بننا ہے!!

بھیڑ کا حصّہ نہیں بننا ہے!!

اقبال نیازی

۲۵۔جولائی۔ ۲۰۱۱

آتنک وادیوں

خدا کا شکر ہے میں زندہ سلامت

گھر لوٹ آیا ۔ آج ، کہیں بم دھماکہ

نہیں ہوا میرے بیوی بچے شکریہ ادا

کرنا چاہتے ہیں انٹی لیزنس

ایجنسیوں کا ،سی بی آئ کا ممبئی پولیس کا ۔

میں بہ حفاظت گھر لوٹ آیا ۔ شکریہ آتنک وادیوں !

۔ کل مجھے پھر اپنے گھروندے سے نکلنا ہے تنکوں کی تلاش میں ۔

کیا کل بھی میرے بچوں کو ،

شکریہ ادا کرنے کا موقع دیں گی ممبئی ؟؟؟؟؟؟؟؟؟

:- اقبال نیازی