ساتھ رہو : سعود اندرے

چاہے دن ہو یا رات میرے ساتھ رہو 

رہے نہ رہے کوئی ساتھ میرے ساتھ رہو 

مل رہے ہیں دو دل آہستہ آہستہ 

کہہ رہے ہیں جذبات میرے ساتھ رہو 

رفتہ رفتہ بڑھتے جائنگے تعلقات 

باتوں سے نکلے گی بات میرے ساتھ رہو 

مجھے تم سے ملانے کی سازش میں

کب سے لگی تھی کائنات میرے ساتھ رہو 

عمر بھر نہیں تو کچھ پل ذرا تو ٹھہرو 

دور تلک ہے برسات میرے ساتھ رہو 

ہزاروں سے نہیں بس تم سے وفا کی ہے 

تھام لیا ہے تیرا ہاتھ میرے ساتھ رہو

                   ======

وقت سے پہلے ہی قیامت ہو جاےگی 

ہمیں اگر آپ سے محبّت ہو جاےگی 

اس قدر چاہت سے ہمیں نہ دیکھئے 

جان جو بچی ہے رخصت ہو جاےگی 

میرے ساتھ کسی نے دیکھا ہے تم کو 

کل تک شہر میں آفت ہو جاےگی 

شروع شروع میں دل پر اختیار رہتا ہے 

آگے آگے دیکھنا شرارت  ہو جاےگی 

آج خدا کا درجہ دیا ہے تم کو 

روز نہیں ملنا عادت ہو جاےگی 

سعود اندرے 

حامد اقبال صدیقی کی تازہ ترین غزل

ذراسی بات ہو کیا ،کیا سوال کرتا ہے

میرا ہنر مجھے اکثر نڈھا ل کرتا ہے

وہ چاٹ لیتا ہے ۔ دیمک کی طرح مستقبل

تمہیں پتہ نہیں ماضی جو حال کرتا ہے

بڑے قریب سے ہو کر گزر گئی دنیا

ملا نہ اس سے میرا دل کمال کرتا ہے

میں چاہتا ہوں مراسم بس ایک سمت چلے

مگر وہ خود ہی جنوب و شمال کرتا ہے

میرے وجود کو صدیوں کا سلسلہ دے کر

وہ کون ہے جو مجھے لا زوال کر تا ہے

: حامد اقبال صدیقی

غزل'' قیصرالجعفری

دیواروں سے مل کر رونا اچھا لگتا ہے

ہم بھی پاگل ہو جائي گے ایسا لگتا ہے

کتنے دن کے پیاسے ہوں گے یاروں سوچو تو

شبنم کا قطرہ بھی جن کو دریا لگتا ہے

آنکھوں کو بھی لے ڈوبا یہ دل کا پاگل پن

آتے جاتے جو ملتا ہے تم سا لگتا ہے

اس بستی میں کون ہمارے آنسو پوچھے گا

جو ملتا ہے اس کا دامن بھیگا لگتا ہے

دنیا بھر کی یادیں ہم سے ملنے آتی ہے

شام ڈھلے اس سونے گھر میں میلہ لگتا ہے

کس کو پتھر ماروں قیصر کون پرایا ہے

شیش محل میں اک اک چہرا ، اپنا لگتا ہے

غزل : محمد اسلم غازی

ڈاکٹر اظہر کی غزل

احمد وصی کی ایک غزل

وہ زندگی ہے تو آنکھوں میں جھلملاۓ تو
اگر وہ موت ہے تو بھی قریب آۓ تو
پڑھانے والوں نے کچھ فلسفے پڑھاۓ تو
مگر وہ ذہنوں میں پھر بھی نہیں سماۓ تو
چمک کے دھوپ نے چمکاديۓ ہمارے نشاں
ہمیں زمیں پہ نظر آۓ اپنے ساۓ تو
خود اپنے آپ پر ہنستا ہے صرف دل والا
کوئی میری طرح اپنی ہنسی اڑاۓ تو
میں بے وطن ہوا جنکے سلوک بے جا سے
اگر یہاں بھی وہی لوگ بسنے آۓ تو
سیاہ پلکوں پہ آنسوں کسی سبب سے سہی
چلو چراغ اندھیروں میں جگمگاۓ تو
میں کیفیت کو دکھاتا ہوں اپنے شعروں میں
میری طرح اوئ تصویر یوں بنا ۓ تو

احمد فراز کی ایک مقبول عام غزل

سنا ہے لوگ اسے آنکھ بھر کے دیکھتے ہیں
سو ہم بھی اس کے شہر میں ٹھہر کے دیکھتے ہیں
سنا ہے ربط ہے اس کو خراب حالوں سے

سو اپنے آپ کو برباد کر کے دیکھتے ہیں
سنا ہے درد کی گاہک ہے چشمِ ناز ا س کی
سو ہم بھی اس کی گلی سے گزر کے دیکھتے ہیں
سنا ہے بولے تو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں
سنا ہے اس کی سیہ چشمگی قیامت ہے
سو اس کو سرمہ فروش آہ بھر کے دیکھتے ہیں
سنا ہے حشر ہیں اس کی غزال سی آنکھیں
سو اس کو سارے ہرن دشت بھر کے دیکھتے ہیں
سنا ہے اس کے بدن کی تراش ایسی ہے
کہ پھول اپنی قبایٔں کتر کے دیکھتے ہیں
سنا ہے رات اسے چاند تکتا رہتا ہے
ستارے بامِ فلک سےاتر کے دیکھتے ہیں
سنا ہے اس کے لبوں سے گلاب جلتے ہیں
سو ہم بہار پہ الزام دھر کے دیکھتے ہیں
سنا ہے دن کو اسے تتلیاں ستاتی ہیں
سنا ہے رات کو جگنو ٹھہر کے دیکھتے ہیں
سنا ہے آیٔنہ تمثال ہے جبیں اس کی
جو سادہ دل ہیں اسے بن سنور کے دیکھتے ہیں
سنا ہے اس کے شبستاں سے متصل ہے بہشت
مکیں اِدھر کے بھی جلوے اُدھر کے دیکھتے ہیں
سنا ہے چشمِ تصور سے دشتِ امکاں میں
پلنگ زاویٔے اپنی کمر کے دیکھتے ہیں
کِسے نصیب کہ بے پیرہن اسے دیکھے
کبھی کبھی در و دیوار گھر کے دیکھتے ہیں
کہانیاں ہی سہی اب مبالغے ہی سہی
اگر یہ خواب ہے تعبیر کر کے دیکھتے ہیں
اب اس کے شہر میں ٹھہریں کہ کوچ کر جایٔں
فراز آؤ ستارے سحر کے دیکھتے ہیں
*نجیب احمد نجیب*

غزل - ڈاکٹر ندوی شفعق احمد

Dr.Nadwi Shafiq Ahmed

ایک غزل

جستجومیں قیس کی اک دن جو صحراآۓ گا
لیلی محمل کو پھر ذوق تماشا آۓ گآ
تا فلک پھیلا ہوا ہے پھر غبار ناتواں
دیکھنا ہے اس گلی سے کب بلاوا آۓ گآ
اے جنوں ! پھر دیکھیو ہم کو کبھی مستے وجود
آسماں پھر آنکھ میں ، مٹھی میں صحرا آۓ گا
سطح دریا پر تو کتنے نقش بن کر مٹ چکے
آئنہ بھی دیکھنا ،اب مّثل دریا آۓ گا
پھر بکھرتی ، ٹوٹی جاتی ہے ۔یہ تسبیح زیست
کیا پرونے اس کے دانوں کو وہ دھاگا آۓ گآ
( محمد مجاہد سیّد ، جدّہ)

رقص حیرت میں ہے

رقص حیرت میں ہے پیروں میں کرن باندھے ہوۓ
جیسے اک شعر،نیا رنگ سخن باندھے ہوۓ
چاند بھی ڈوب رہا تھا ۔مرے دل کے ہمراہ
اپنا غم ،اپنی تھکن ،اپنی جلن باندھے ہوۓ
تو کہاں کھو گئی اے نیند کہ سڑکوں پہ تیری
روز پھرتا ہوں میں خوابوں کا بدن باندھے ہوۓ
-------------ق--------------
رات کی راکھ تلے نیند کا غم دفن کروں
مضمحل پلکوں سے خوابوں کی تھکن باندھے ہوۓ
اک شہکار تراشوں میں تیرے حسن کے نام
ہر رگ سنگ سے فنکار کا فن باندھے ہوۓ
کون یہ میری غزل گاتا ہے صحرا میں نبیل
اپنی آواز میں صدیوں کی اگن باندھے ہوۓ
( عزیز نبیل---دوحہ ،قطر

---------------------------------------------
زہر کے دانت
زہر کے دانت مرے پاس بھی ہے
زہر تازہ بھی ،پرانا بھی بھرا ہے جن میں
میں مگر موڑ کے محفوظ ہی رکھتا ہوں جن میں
اپنے دہن کے اندر
( نا مناسب مجھے لگتا ہے برتنا ان کا )
پھر بھی احباب سے درخواست ہے، ہشیار رہیں
خیر دم کو ٹھکرا کے گزر جاتے ہیں جو
پاؤں سر پر مرے رکھنے کی زحمت نہ کریں
ڈستے پھرنا ،مری تر جیح نہیں ہے لیکن
مجھ کو آمادہ کیا جاۓ تو ڈس سکتا ہوں
خاص کر ان کو ،جو میرے لۓ کچھ خاص بھی ہے
زہر کے دانت مرے دوست 'مرے پاس بھی ہیں
( عبدالاحد ساز---ممبئی