उर्दू ट्युटोरियल

उर्दू भाषा को दांये से बांये की तरफ लिखा और पढ़ा जाता है । यह उर्दू वर्णमाला का पहला अक्षर है ।

ا گر اور مگر

مبارکباد

مہاراشٹر لوک کلیان کاری سنستھا کے طرف سے ریاستی سطح پر مشہور ومعروف ڈرامہ نگار اقبال نیازی صاحب کو ان کی اردو
ڈرامہ اور تھیٹر کی خدمات کے لۓ مہاراشٹر لوک رتن پرسکار سے پنویل میں رام شیٹھ ٹھاکور کے ہاتھوں نوازا گیا ۔اور عبدالستار دلوی صاحب اور محترمہ ریحانہ اندرے صاحبہ کو بھی علمی ادبی و سماجی خدمات کے لۓ مہاراشٹر لوک رتن پرسکار سے نوازا گیا ۔ اس تقریب کی صدارت جناب ممتاز راشد صاحب فرمارہے تھے ۔مشاعرہ اور کاوّیہ میں مشہور و معروف شعراء نے شرکت کیں اور اپنے کلام سے لوگوں کو محظوظ کیا ۔ہم لنترانی اردو بلاگ کی طرف سے عبدالستار صاحب ،ریحانہ اندرے صاحبہ اور اقبال نیازی صاحب کو مبارکباد پیش کرتے ہیں

ٹیچرس ٹرینینگ کیمپ

حکومت مہاراشٹر نے جون 2009 ئ سے نیا نصاب جماعت چہارم اور جماعت ہشتم میں رائج کیا ہے ۔اس لۓ اسا تذ ہ کا تربیتی کیمپ ہر تعلقے میں منعقد کیا گیا ہے ۔جو کہ 21 دنوں تک جاری رہے گا ۔فی الحال نوی ممبئی میں نوی ممبئی مہا نگر پالیکا اسکول نمبر 2 کوپر کھیرنے میں اسا تذہ کا ورک شاپ منعقد کیا گیا ہے ۔سروشکشن ابھیان کے تحت تعلیمی معیار کو بلند کرنے کے ليے بہت کام کۓ جارہے ہیں ۔اس کا مقصد ہے کہ 6 سے 14 سال کی عمر کے ہر بچّے کے لۓ تعلیم ضروری ہے ۔نوی ممبئی ضلع تھانہ کے پروگرام آفیسر مسٹر یوگیش ہنورکر ہیں ۔ان کی رہنمائي میں 150 اسکول ہیں اور 530 ٹیچرس کیندر سطح پر ٹرینینگ لے رہے ہیں ۔یہاں کے سمن وۓ مسٹر اویناش پاٹل ہیں ۔

باندرہ ممبئی میں '' سیماب اکبرآبادی ''کتاب کا اجرا ء

بروز جمعہ 5 جون کو شام 7 بجے انجمن اسلام اسحاق جمخانہ والا ہائی اسکول باندرہ ممبئی میں مشہور و معروف شاعر و ادیب حامد اقبال صدیقی صاحب کی لکھی ہو ئی کتاب کے اجرا ء کے لۓ خصوصی تقریب منعقد کی گئی ۔جس کی صدارت مشہور افسانہ نگار یوسف ناظم صاحب نے کیں اور اس کتاب 'سیماب اکبرآبادی ''کا اجراء بدست ادبی مشہور و معروف شخصیت جناب ندا فاضلی صاحب سے ہوا ۔اس تقریب میں شہر کے اور پورے مہاراشٹر کے ممتاز شخصیات ڈاکٹر یونس اگاسکر صاحب ۔ڈاکٹر فرید پربتی صاحب ۔علی ایم سمشی صاحب ۔عبدالا حد ساز شاہد لطیف صاحب ۔ممتاز راشد صاحب ۔ڈاکٹر رفیعہ شبنم عابدی صاحبہ اور ریحانہ اندرے صاحبہ نے اپنے خیالات 'تاثرات اور مبارکباد پیش کیں ۔اور گلہاۓ عقیدت کے لۓ گلدستے پیش کۓ گۓ ۔یہ کتاب ایسی ہے جیسے کوزہ میں سمندر بھرا گیا ہو ۔اس میں جناب سیماب اکبر آبادی کی سوانح حیات انکی ادبی خدمات اور انکے قابل ذکر کاناموں کا ذکر ملتا ہے ۔اس کو ساہتہ اکادمی نے شائع کیا ہے ۔ سامعین میں شہر کی اہم نامور اور باذوق شخصیات نے شرکت کیں ۔اس تقریب کی نظامت کے فرائض افتخار امام صاحب نے انجام دیۓ ۔

ابھی الوداع مت کہو دوستوں جانے کہاں پھر ملاقات ہو

مولاناآزاد نیشنل اردو یونیورسٹی نے نمایاں کارنامے انجام دیے ہیں ۔اور ایسے لوگوں کی مدد
کی ہے ۔جو کسی وجہ سے اپنی تعلیم کو آگے جاری نہیں رکھ سکے تھے ۔اب وہ دوبارہ فاصلاتی تعلیم کے ذریعے اپنی تعلیم کو جاری رکھ کر ترقی کی راہ پر گامزن ہیں ۔ 20 مئی سے 31 مئی تک پونا اعظم کیمپس میں بی ایڈ سال دّوم کا ورک شاپ منعقد کیا گیا تھا ۔یہاں کے اسٹڈی سینٹر کی انچارج پروفیسر شیخ حسینہ صاحبہ ہیں ۔ اور ورک شاپ کی انچارج پروفیسر ممتاز شیح صاحبہ تھیں ۔ انھوں نے بخوبی اپنے فرائض نبھاۓ ۔پوری محنت اور خلوص سے تمام زیر تربیت معلمات کی رہنما ئی کیں ۔معلمات کو کافی کچھ سیکھنے کو ملا ۔پورے مہاراشٹر کے چھوٹے چھوٹے تعلقوں سے سو لوگ اس ورکشاپ کے لۓ آۓ تھے ۔بارہ دنوں کا عرصہ ایسا بیتا جیسے ہم کل ہی آۓ تھے ۔الوداعی تقریب بھی قابل تعریف تھی ۔اپنے تاثرات پیش کرنے کا سلسلہ کافی وقت تک چلتا رہا ۔آخر کار تشنگی باقی ہی رہی اور سب اپنے اپنے گھروں کو یہ گنگناتے چل پڑے کہ
ابھی الوداع مت کہو دوستوں جانے کہاں پھر ملاقات ہو