امین پٹیل ایم ایل اے کے ہاتھوں بھنڈی بازار میں اردو مرکز چوک کی شارندار تقریب عمل میں آئی ۔ممبئی میں کوئی مقام ، چوک یا سڑک اردو زبان سے منصوب نہیں تھیں ۔ جبکہ اردو داں طبقہ لاکھوں کی تعداد میں یہاں آباد ہیں ۔ خاص کر جے جے اہسپتال سے لے کر بھنڈی بازار محمد علی روڈ جہاں اردو کتابوں کی بھی کئی اہم دکانیں موجود ہیں ۔نیز اردو شعراء اور ادباء نے بھی انہی علاقوں میں رہ کر اپنے فن کو فروغ دیا ۔ اس پس منظر میں اراکین اردو مرکز کی جانب سے مقامی ایم ایل اے امین پٹیل اور مقامی میونسپل کاؤنسلر گیان راج نکم کو اردو مرکز چوک بنانے کی تجویز پیش کی گئ۔وقارالنساء اور جاوید جنیجا کی کوششوں سے اردو مرکز چوک کی منظوری مل گئی ،اور بروز بدھ مورخہ 20 اگست کو اس چوک کا شاندار افتتاح کیا گیا جس میں محمد سہیل لوکھنڈوالا ، کارپوریٹر گیان راج نکم ، کارپوریٹر وقارالنساء انصاری ،زبیر اعظمی ، فرید خان ، ڈاکٹر عبدالرؤف سمار ، سرفراز آرزو، کارپوریٹر جاوید جنیجا اور محمود الحسن حکیمی کی کاوشوں سے اردو مرکز چوک اور اس کے علاوہ شہر اور اطراف کی اہم شخصیات موجود تھی ۔ایک تقریب کا اہتمام کیا گیا تھا ۔امین پٹیل نے اپنے اظہار خیال میں کہا کہ میں اردو مرکز کے اراکین کا مشکور ہوں کہ میں اپنے کونسلر کے تعاون سے اس تاریخی کام کو انجام دے سکا ۔اردو مرکزکے سیکریٹری فرید خان نے پر اثر انداز میں نظامت فرائض انجام دیتے ہوۓ سامعین کی معلومات میں اضافہ کیا ۔پروفیسر شبانہ نے تمام حاضرین کا شکریہ ادا کیا ۔اور قومی ترانے کے ساتھ تقریب اپنے اختتام کو پہنچی ۔ لنترنی کی ٹیم اس تاریخی کام کو انجام دینے کے لیۓ اراکین اردو مرکز خاص کر اردو مرکز کے ڈائریکٹر زبیر اعظی ،سیکریٹری فرید خان صاحب اور جناب امین پٹیل صاحب کو اس تاریخی کام انجام دینے کے لیۓ مبارکباد پیش کرتی ہے ، اور دعا کرتی ہے کہ اردو کے فروغ او ر اردو سے محبت کرنے والوں کو اللہ ترقی اور کامیابی عطا کریں ۔آمین۔

مہاراشٹر اسٹیٹ اردو اکادمی اور آئیڈیل فاؤندیشن ممبراء تھانے کے زیر اہتمام بروز منگل مورخہ 19 اگست دوپہر 3 بجے آئی سی ایس آر کانفرنس ہال ،جے پی نائیک بھون ، ممبئی یونیورسٹی ، کالینا سانتاکروز ممبئی میں معروف اسکالر اور ماہر لسانیت پروفیسر عبدالستار دلوی کی علمی ، ادبی اور تدریسی خدمات کے اعتراف میں پروفیسر توقیر احمدخاں ، شعبہء اردو دہلی یونیورسٹی کی صدارت میں منعقد کیا گیا ۔مہمان خصوصی جناب منور پیر بھائی ۔چیئرمین حاجی محمد غلام ایجوکیشن ٹرسٹ ، اعظم کیمپس پونا سے تشریف لاۓ تھے ۔جناب خورشید صدیقی ، ایکزیکٹیو صدر ،مہاراشٹر اسٹیٹ اردو اکادمی نے مہمان اعزازی کے طور پر شرکت کرکے گورنمنٹ کی مختلف اسکیمیں سمجھائیں ۔پروفیسر عبدالستار دلوی صاحب نے سامعین سے خطاب کیا ۔اور ڈاکٹر خورشید نعمانی ۔ پروفیسر رام جی تیواری ، جناب عبدالاحد ساز ، جناب محمد ایوب واقف ،جناب احمد وصی ، پروفیسر صاحب علی ، جناب وقار قادری ، ڈاکٹر جمال رضوی ، اور قمر صدیقی صاحب نے اظہار خیال کیا ۔اس تہنیتی جلسہ میں شہر اور اطراف کی نامور اور عہمی و ادبی اور اہم شخصیات موجود تھیں ۔اس جلسہ کے کنوینئر جناب داؤد عبدالکریم چوگلے اور جناب مصدر ملا جی تھے ۔ جناب داؤد چوگلے نے رسم شکریہ ادا کیا ۔اور اس طرح اس جلسہ کا اختتام ہوا ۔

بین المدارس بیت بازی بروز سنیچر مورخہ 9 اگست کو مینا تائی ٹھاکرے آڈیٹوریم ، بھیونڈی مہاراشٹر میں انجمن فروغ تعلیم بھیونڈی اور مہاراشٹر ساہیتہ اردو اکادمی کے زیر اہتمام جنرل نالیج کوئز کے چیئر مین اور مشہور ماہنامہ شاعر کے معاون مدیر جناب حامد اقبال صدیقی صاحب کے زیرصدارت بین المدارس بیت بازی منعقد کی گئی۔ جانے مانے شاعر سندیپ گپتے مہمان خصوصی تھے ۔ اور ديگر مہمانان موجود تھے ۔ خوبصورت انداز میں جناب سیماب انور او ر جناب اقبال عثمان مومن نے باری باری نظامت کے فرائض انجام دی۔ جس میں آل مہاراشٹر سے چھبیس ٹیموں نے حصّہ لیا ۔ہر ٹیم دو دو طلبہ پر مشتمل تھی ۔جناب اقبال عثمان مومن نے قراءت کےبعد شرائط بتاۓ ۔اصول و ضوابط پر روشنی ڈالی ۔روائتی انداز ، راؤنڈ ، کے ذریعے مقابلے میں حصہ لینے والوں کو اشعار پیش کرنے کی ترتیب بتائی گئی ۔پورا ہال سامعین و ناظرین سے بھرا ہوا تھا ۔ سندیپ گپتے کی جانب سے اول دوم اور سوم آنے والے ٹیموں کو پانچ پانچ سو روپے انعام کے طور پر دیۓ گے ۔رفیع الدین بوائز ہائی اسکول ۔صمدیہ ہائی اسکول اور مومن ہائی اسکول حاصل کیۓ ۔ انھیں ٹرافی سرٹیفکیٹ اور تحفوں سے نوازا گیا ۔ لنترانی میڈیا کی مینجنگ ڈائریکٹر منور سلطانہ نے انجمن فروغ تعلیم کی ٹیم کو مبارکباد دی ۔اور طلبہ کو سراہا ۔اور نئی تیکنالوجی کے ساتھ آگے بڑھنے کی تلقین کی ۔ صدر جلسہ نے طلبہ کی حوصلہ افزائی کی اور اپنے اظہار خیال میں اپنی تہذیب کو بچانے کی بات کیں ۔اور اپنے وسیع تجربے کی روشنی میں انتہائی مفید مشوروں سے نوازتے ہوۓ انجمن کے اراکین کو دلی مبار ک باد پیش کی اس پروگرام کے کنوینر ایڈوکیٹ مختار احمد مومن کے تشکر پر پروگرام اختتام پذیر ہوا ۔