سالانہ 25 واں جلسہ تقسیم انعامات مینا تائی ٹھاکرے آڈیٹوریم ،بھیونڈی مہاراشٹر میں انجمن فروغ تعلیم کے زیر اہتمام 25واںسالانہ تقسیم انعامات کا جلسہ منعقد کیا گیا ۔ قرات قران کے بعد مہمانان نے اظہار خیال کیا ۔ جس کی صدارت ڈاکٹر عائشہ بائی ٹرسٹ کے ٹرسٹی اسمعیل بنات والا صاحب نے کی ۔اور مہمان خصوصی شریش ناتھ ٹاورے،محمد طارق فاروقی چیئرمین( درجہ وزیر ریاستی مملکت اسمال اسکیل انڈسٹریزڈیولپمنٹ بورڈ مہاراشٹر ، عبدالرشید طاہر مومن ( ایم ایل اے بھیونڈی ) محمد فاضل انصاری سیکریٹری مہاراشٹر پردیش کانگریس کمیٹی ،شہباز خان ، شبیر شاکر صاحب ،اعظم کیمپس سے منورپیربھائی ، اسمعیل بنات والا ،نرنجن صاحب ( ایم ایل سی بھیونڈی ) محمد صغیر احمد ڈانگے ،شیخ حفیظ اے رشید، اور شہر اور اطراف کے معزّز شخصیات اور عمائدین شہر کی موجودگی میں ایس ایس سی اور ایچ ایس سی میں ٹاپ آنے والے طلبہ اور طالبات کو مہمانان کے ہاتھوں انعامات سے نوازا گیا ۔پورے مہاراشٹر میں اوّل آنے والی لائبہ کو انجمن کی طرف سے 25000 پچیس ہزار روپۓ دوم انعام علیزا جس کو ریاضی جیسے مشکل مضمون میں سو میں سے سو نمبرات حاصل کی ۔ انھیں دس ہزار اور سوم انعام کے لۓ پانچ ہزار روپۓ کے انعامات سے نوازا گیا ۔انجمن کے اراکین نے بہت اچھے انتظامات انجام دیۓ اس پروگرام کی نظامت جناب سیماب انور صاحب نے اپنے خوبصورت انداز میں اداکی ۔ پورا ہال سامعین سے بھرا ہوا تھا ۔