رمضان پیکیج

سی اینڈ وی  سوشل اور ایجوکیشنل ٹرسٹ کی جانب سےبروز جمعہ مورخہ  جولائی   2014ء کو چیتا کیمپ    ٹرامبے ممبئی میں غریب و مستحق لوگوں میں  رمضان پیکیج  تقسیم کۓ گۓ۔ جس میں   پندرہ دنوں کے لۓکھانے کے سامان کے علاوہ عید کا سامان بھی دیا گیا ۔ اور یہ

کوشش کی گئ کہ سی اینڈوی فیملی بھی عید کی خوشیوں میں ان کے ساتھ رہے۔اس ٹرسٹ کے بانی  آنجہانی ڈاکٹر روپیش سریواستو تھے ۔ اب ان کے کاموں کو منور سلطانہ سنبھال رہی ہے ۔اس ٹرسٹ کے ذریعے پنویل سوکھاپور میں غریب بچوں کے لۓ دو اسکول چلاۓ جارہے ہیں۔او رآے دن  جے جے اہسپتال ممبئی اور سیون ہل اہسپتال کے ڈ اکٹروں کےفری میڈیکل چیک اپ کیمپ لگا کر مفت علاج کیا جاتا ہے۔یہ ٹرسٹ پچھلے آٹھ سالوں سے سوشل کاموں میں حصّہ لے رہا ہے ۔ ‎ 

Mumtaz Mahal Festival At Burhanpur

اے اللہ اب ابابیل کو بھیج دے

ماہ رمضان جاری ہے ۔پوری دنیا کے مسلمان الحمد للہ روزوں کا ،تراویح و دیگر عبادات کا اہتمام کررہے ہیں ۔مگر اسرائیل ایٹم بم ،ٹینک ،توپ ،راکٹ و دیگر بڑی تعداد میں مہلک ہتھیاروں کے ذریعہ روزانہ ہی غزہ و فلسطینی علاقوں پر خصوصاً آبادی والے علاقوں پر دن رات نہتے عربوں پر حملہ کررہا ہے ۔کہیں بلڈنگیں تباہ ہورہی ہیں ،کہیں اسپتال تباہ ہورہے ہیں اور لاتعداد لوگوں کی ہلاکت کا سبب بن رہے ہیں ۔اس سے بھی کہیں زیادہ افراد زخمی ہو رہے ہیں ۔افسوس اسلامی ممالک ،عرب ممالک و دنیا کے دیگر ممالک ان واقعات کو اپنے ٹی وی اسکرین پر دیکھ رہے ہیں ۔مگر ظالم و جابر اسرائیل پر کوئی عالمی دباؤ نہیں بڑھا رہا ہے ۔اور ظلم و ستم جاری ہے ۔روز ہلاکتوں کی تعداد بڑھ رہی ہیں اور رمضان کا مہینہ فلسطینی بموں کے سائے میں افطار کرتے اور نماز ادا کرتے ہوئے گذارہے ہیں ۔لیکن ساری دنیا میں موت کا سناٹا چھایا ہے کوئی بھی ملک اپنے زندہ ہونے کا ثبوت نہیں دے رہا ہے ۔حد تو یہ ہے کہ پچھلے ایک ماہ سے عراقی حکومت کے خلاف داعش کی پیش قدمی پر آسمان سر پر اٹھانے والے بھی خاموش ہیں۔اللہ تعالیٰ قرآن میں فرماتا ہے ’’اللہ ظالموں کو پسند نہیں کرتا ہے ‘‘۔ہم مسلمان عاصی ہیں ،گناہگار ہیں،دغا باز ہیں ،مغرور بھی ہیں یعنی ہم ناکارہ ہیں ۔ہم ان فلسطینیوں کی بر وقت مدد نہیں کرسکتے ہیں۔مگر دست بدعا ہیں کہ ان مظلوموں کی مدد کیلئے اور ظالم و جابر اسرائیل کی بیخ کنی کیلئے ابابیل بھیج دے ۔یہ التجا ہے رب ذوالجلال ۔کیوں کہ اب دنیا میں مظلوموں کا تیرے سوا کوئی حامی و ناصر نہیں ہئے ۔شاہان عرب تو اپنا اقتدار سنبھالے ہوئے ہیں اور انہیں صرف اقتدار کی فکر ہے ۔ہم اپنے بھائیوں سے گذارش کرتے ہیں کہ وہ روزہ افطار کے وقت اپنے ان مظلوم فلسطینی بھائیوں اور بہنوں کیلئے دعاؤں کا اہتمام کریں کیوں کہ ہم اس کے علاوہ اور کر بھی کیا سکتے ہیں ۔
ہاشم احمد چوگلے
روہا ضلع رائے گڑھ
مہاراشٹر
موبائل : 9221423524