کہانیاں

ایک گاؤں میں ایک راجا رہتا تھا ۔ اس کو کہانیاں سننے کا بہت شوق تھا اور اسے اپنی رعایا کا بھی بہت خیال تھا ۔اس نے پورے گاؤں میں اعلان کیا کہ جو بھی اسے ایک ایسی کہانی سناۓ جو ایک سال تک ختم نہ ہو تو اس شخص کو منہ مانگا انعام دیا جاۓ گا سب لوگ آنے لگے ۔کسی کی کہانی ایک دن ، چار دن یا آٹھ دن مین ختم ہو رہی تھی ۔پھر ایک آدمی آیا ۔اس نے کہا کہ مچھے ایک کہانی آتی ہے۔راجا نے کہا تمہیں ہمارا اصول یاد ہوگا اگر تمہاری کہانی سال بھر سے پہلے ختم ہو جاتی ہے تو تمہیں سزا دی جاۓ گی اور اگر تمہاری کہانی سال بھر میں ختم ہوگی تو ہم تمہیں منہ مانگا انعام دیں گے ۔ ادمی نے کہا ۔جی راجا جی ۔اور اس نے اپنی کہانی شروع کی ۔ ایک گاؤں میں بہت بڑا راجا رہتا تھا ۔اسے اپنی رعایا کا بہت خیال تھا اس نے ایک بڑے سے گودام میں ایک بہت سا اناج بھر کر رکھا تھا ۔اس گودام میں ایک روشن دان تھا ۔اس روشن دان میں سے ایک چڑ یا اندر آئي ایک دانہ منہ میں لیا اور چلی گئی ۔پھر چڑیا اندر آئي چونچ میں دانہ لی اور اڑ گئي ۔پھر چڑیا آئي اس طرح سے کہانی شروع کی ۔ وہ ختم ہی نہیں ہوتی تھی ۔اب راجا کو غصہ آ گيا ۔اس نے کہا اب چڑیا کب تک آتے رہے گی ۔آدمی نے کہا کہ چڑیا تو ایک سال تک آتے رہے گی ۔راجا سمجھ گیا کہ یہ آدمی بہت عقلمند ہے ۔راجا نے آدمی سے کہا کہ اب تم اپنا انعام لو اور چڑیا کا آنا بند کر دو