Ek Shaam Iqbal Kaware Ke naam

ایک شام اقبال کوارے کے نام!

نوی ممبئی :(رپورٹ محمد حسین ساحلؔ)’ایک شام اقبال کوارے کے نام‘ کا شاندار پروگرام نوی ممبئی میںانجمن اسلام کے پیر بھائی بی ایڈ کالج ، سیکٹر0،واشی ، نوی ممبئی میں لنترانی میڈیا ہائوس اور اردو ساہتیہ اکیڈمی کے تعاون سے منعقد کیا گیا۔اقبال کوارے سماجی، ادبی،فلاحی اور سیاسی کاموں میں پیش پیش رہنے والی وہ شخصیت ہے جسے اردو دنیا محسن اردو کے نام سے جانتی ہی۔اس پروگرام میں بطورمہمانان اعزازی برہان حارث اور منور پیربھائی نے شرکت کی۔اس پروگرام میں اقبال کوارے کے تعلق سے ایک سلائڈنگ فلم دکھائی گئی، جس میں اقبال کوارے کی زندگی کے سفر پر طائرانہ نظر ڈالی گئی تھی، ان کی فلمی،ادبی، سیاسی اور سماجی خدمات کا جائزہ لیا گیا تھا۔مہاراشٹرکے وزیر اعلیٰ ولاس رائو چوہان، مدر ٹریسا جیسی شخصیات کے ساتھ ان کی ملاقاتوں کی تصویروں کو دیکھنے کا موقع ملا۔اس کے بعد برہان حارث نے اقبال کوارے کی شخصیت پر روشنی ڈالتے ہوئے محفل کو زعفران زار کیا ، منور پیر بھائی نے بھی اظہار خیال کیا۔اقبال کوارے نے اپنے منفرد لب و لہجہ میںسامعین سے خطاب کیا۔ مشاعرہ کی صدارت کے فرائض منور پیر بھائی نے انجام دیی۔ مشاعرہ میں احمد وصی، نظر بجنوری، عبید اعظم اعظمی، ڈاکٹر صادقہ نواب سحر،ڈاکٹر دلشاد، ڈاکٹر لکشمن واحد، محمد حسین ساحلؔ، مومن جان عالم رہبرؔ، محترمہ ممتاز ؔ پیر بھائی ، اس مشاعرہ کی شاندار نظامت پرگیہ وکاس نے کی۔ان کی نظامت نے مشاعرہ میں ایک نئی روح پھونک دی۔لن ترانی میڈیا ہائوس کی روح رواں منور سلطانہ نے پروگرام کے انعقاد میں ایک اہم رول ادا کیا۔واشی علاقے کی سخن شناس اور سخن نواز حضرات اچھی خاصی تعداد میں موجود تھی۔گزشتہ ڈھائی سال سے اقبال کوارے نے ادبی سرگرمیوں کو زندہ رکھنے کیلئے ہر ماہ کے تیسر ے اتوار کو ادبی نشست رکھنے کا سلسلہ شروع کیاہی، یہ ادبی نشست مذکورہ بالا پتہ پر شام چھ بجے منعقد کی جاتی ہی۔شب ساڑھے دس بجے مشاعرہ اختتام پزیرہوا، اس کے بعد مہمانوں کیلئے طعام کا انتظام کیا گیا۔

منور پیر بھائی اور برہان حارث اقبال کوارے کو مبارک باد پیش کرتے ہوئ