ممبئی میں امام خمینی کی 23ویں برسی

کلچرل ہاؤس آف دی اسلامک ری پبلک آف ایران اور ممبئی انجمن اسلام کے اشتراک سے  انجمن اسلام سی ایس ٹی کے احمد زکریا  میں امام خمینی کی 23 ویں برسی کے موقع پر  یک روزہ سیمینا رکا اہتمام  کیا گیا ۔افتتاحی تقریر کے دوران ایران کے قونصل  جنرل باقر بیگی نے امام کے افکار کی اہمیت بیان کرتے ہوۓ کہا کہ " ایران میں  تعلیمی ، سیا سی ،ّثقافتی اور عالمی  طاقتوں  سے لڑنے  کی جتنی بھی صلاحیتیں  اس  وقت موجود ہیں  وہ تمام خمینی کی مرہون منت ہیں۔ اس موقع پر جماعت اسلامی  مہاراشٹر سے وابستہ  اسلم غازی نے امام خمینی کی شان میں اپنے خیالات کا اظہار کیا ۔سیمینار کی  تقریب کو آگے بڑھاتے ہوۓ محمد عارف عمری ،ڈاکٹر اصغرعلی  انجینیر، محمد رفیع الدین ناصر ، اور یونیک فاؤنڈیشن کے سربراہ  اسد اللہ خان نے بھی امام خمینی کی خدمات  اور ان کے افکار پر روشنی ڈالی۔پروگرام کے اختتام پردانش ریاض نے مہمانان اور سامعین     کا شکریہ ادا کیا ۔