کیونکہ میں ہجڑا ہوں

اۓ ماں ؛ او باپو ' دیدی اور ددّا
آپ کا منّا ' ببلی یا گڈی ہوں
پشّو نہیں جنما ' تھا ۔پریوار میں
آپ کے ہی دل کا چبھتا سا ٹکڑا ہوں
کیونکہ میں ہجڑا ہوں
کوکھ کی دھرتی پر آپ نے ہی روپا تھا مجھے
شکر اور رج سے اپجے سے اس پودے کو
نو ماہ جیون ستّو، چوسا ہے آپ سے ہی میّا
پھلتا بھی 'کٹتے ہی گربھنال جڑ سے اکھڑا ہوں
کیونکہ میں ہجڑا ہوں
لجّجا کا وشیۓ کیوں ہوں امّاں میری
اندھا بہرہ یا منوروگی تو نہیں تھا میں
سارے سویکار ہیں پریوار و سماج میں سہیج ہی
میں ہی بس آپ کی ممتا مۓگود سے بچھڑا ہوں
کیونکہ میں ہجڑا ہوں
سب کیلۓ مانو ادھیکار ہے دنیا میں
جاتی دھرم بھاشا چھیتر کے پنکھ لۓ
اڑتے ہیں سب قانونی حق کے آسمان پر
پھر میں ہی کیوں پنکھ ہین بیڑیوں میں جکڑا ہوں
کیونکہ میں ہجڑا ہوں
پیار ہے دلار ہے سکھی سب سنسار ہے
چاچا ؛ ماما ؛ موسا ؛جیسے ڈھیروں رشتے ہیں
ممتا اسنہہ انوراگ اور آسکتی پر
میں جیسے ایک تھوپا ہوا جھگڑا ہوں
کیونکہ میں ہجڑا ہوں
دودھ سے نہاۓ سب اجلے چریتروان
صاف سوّچھ ۔نیش کلنگ سے
ہر سانس پاپ کرکر بھی سدھرے ہیں
ترسکرت ' بہیشکرت ،بس میں ہی ایک بگڑا ہوں
کیونکہ میں ہجڑا ہوں
اسٹیفن'ہاکنگ ۔پر گرّو ہے سب کو
چل بول نہیں سکتا ویگیانیک ہے اور میں ؟
سبھیہ سماج کے راج سی وستروں پر
انسان نما دکھنے والا بس ایک چھتڑا ہوں
کیونکہ میں ایک ہجڑا ہوں
لوک ملے سماج بنا پیڑیاں بڑھ چلیں
میں گھاٹ کا پتھر ٹہرا 'پرواہین
بستیاں بس گئیں ۔جن سنکھیا وسفوٹ ہوا
آپ سب آباد ہیں ۔بس میں ہی اجڑا ہوں
کیونکہ میں ہجڑا ہوں
اردھ ناریشور بھی بھگوان کا روپ ہیں
ہاتھی بندر اور بیل دیو تلیہ پوجنیہ ہیں
کیٹ پتینگے پیڑ پودے پتھر اور ندی نالے
لیکن میں تو انسان ہوکر بھی ان سب سے پچھڑا ہوں

تم کب سے مسلمان بن گۓ؟

اتوار کے روز چھٹی کا دن تھی ۔ہم چاۓ پی رہے تھے ۔کہ اچانک میرے ابّا کو ایک بات یاد آگئی ۔انہوں نے وہ بات کو
اس طرح بیان کۓ کہ 1965 کے زمانے کی بات ہے ۔رامپور سے نکلنے والے رسالے جس کا نام ھدای تھا ۔اس میں ایک مکالمہ چھپا تھا ۔جو کہ بہت ہی سبق آموز تھا ۔محمد حمید نامی ایک شخص لندن چلا گیا تھا وہاں اسنے اپنا کاروبارشروع کیا ۔خوب روپیہ کمایا وہاں کہ لوگوں سے اچھے تعلقات بھی رہے ۔آپس میں لین دین بھی رہا ۔ہندوستان سے اچانک اس کو خبر آتی ہے کہ اسکی ماں کی طبیعت بہت خراب ہے اسلۓ اس کو جلدی سے گھر پہنچنا ہے ۔اسکے پاس دس ہزار ڈالر کی رقم جوکاروبار کے لۓ رکھی تھی ۔اس نے اپنے دوست جس کا نام جارج ڈیسوزا تھا ۔اپنی رقم امانت کے طور پر اس کے پاس رکھی ۔اور خود انڈیا اپنے گھر روانہ ہوگیا ۔چار پانچ مہینوں کے بعد جب وہ دوبارہ لندن گیا تو جارج ڈیسوزا سے اپنی رکھی ہوئی رقم واپس مانگی ۔جارج نے انکار کر دیا کہ اس نے مجھے کوئی رقم نہیں دی ہے ۔بہت لڑائی جھگڑے ہوۓ تھانے تک بھی چلے گۓ مگر اس کے ساتھیوں نے بھی جارج کا ساتھ دیا اب بےچارہ محمد حمید اپنا دل مسوس کر رہ گیا وہ مجبور تھا کہ اسنے اپنے پاس کوئی ثبوت نہیں رکھا تھا آخر میں کسی نے اس کو ایک صلح دی وہ سیدھا چرچ گیا اور کنفیس باکس میں جاکر وہاں کے فادر (پادری) کو ساری بات بتائی ۔فادر نے اسکی ساری بات غور سے سنی ۔اور بند لفا فہ حمید کو دےکر کہا کہ وہ اس لفافے کو بغیر کھولے جارج تک پہنچا دے ۔جیسے ہی وہ لفافہ جارج کو ملا اس نے جلدی سے دس ہزار ڈالر اس کو لاکر دے دیۓ ۔حمید نے بار بار پوچھا کہ اس لفافے میں کیا لکھا تھا ۔مگر اس نے نہیں بتایا ۔پھر ہر روز کوئی نہ کوئی اس کو روپیہ لاکر دیتا اور کہتا کہ اس کے دیۓ ہو ۓ روپیے لوٹارہے ہیں بڑی مشکل سے کسی دوست سے پتہ چلا کہ اس لفافے میں یہ لکھا تھا کہ تم کب سے مسلمان بن گۓ؟

شہر یار

جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے
سب کا احوال وہی ہے جو ہمارا ہے آج
یہ الگ بات ہے کہ شکوہ کیا تنہا ہم نے
خود پشیمان ہوۓ۔نہ اسے شرمندہ کیا
عشق کی وضع کو کیا خوب نبھایا ہم نے
عمر بھر سچ ہی کہا ،سچ کے سوا کچھ نہ کہا
اجر کیا اس کا ملے گا نہ یہ سوچا ہم نے
کون سا قہر یہ آنکھوں،پہ ہوا ہے نازل
ایک مدّت سے کو ءی خواب نہ دیکھا ہم نے

دنیا میں ہم جو اپنی حقیقت کو پا گۓ

دنیا میں ہم جو اپنی حقیقت کو پا گۓ
تو زندگی کے راز سمجھ میں سب کے آگۓ
یہ سوچتے ہیں صرف یہی سوچتے ہیں اب
ہم تیرے در پر لاۓ گۓ ہیں کہ آگۓ
کلیوں کو کھل کے ہنسنے کا انداز آگیا
گلشن میں آکے تم جو ذرا مسکرا گۓ
اپنا مقام بھی متعین نہ کر سکے
وہ کیا کہیں گے دہر میں کیا آۓ کیا گۓ
زیبا تھا ان کو دعوۓ تعمیر گلستاں
جو بجلییوں میں رہ کے نشیمن بنا گۓ
ایک ہم ہیں راہ ڈھونڈرہے ہیںادھر ادھر
ایک وہ ہیں خوش نصیب جو منزل کو پا گۓ
راہ وفا میںآۓ ہیں وہ مرحلے جہاں
مائل بڑے بڑوں کے قدم ڈگمگا گۓ
( ما ئل خیرآبادی )

اندھیرا

اس اندھیرے میں وہ مرتے ہوۓ جسموں کی کراہ
وہ عزازیل کے کتّوں کی کمیں گاہ
وہ تہذیب کے زخم
خند‍ ‍قیں
باڑھ کے تار
باڑھ کے تاروں میں الجھے ہوۓ انسانوں کے جسم
اور انسانوں کے جسموں پہ وہ بیٹھے ہوے گدھ
وہ تڑختے ہوۓ سر
میتیں ہاتھ کٹی پاؤں کٹی
لاش کے ڈھانچے کے اس پار سے اس پار تلک
سرد ہوا
نوحہ و فریاد کناں
شب کے سناٹے میں رونے کی صدا
کبھی بچّوں کی کبھی ماؤں کی
چاند کے تاروں کے ماتم کی صدا
رات کے ماتھے پہ آزردہ ستاروں کا ہجوم
صرف خورشید درخشاں کے نکلنے تک ہے
رات کے پاس اندھیرے کے سوا کچھ بھی نہیں
رات کے پاس اندھیرے کے سوا کچھ بھی نہیں

پھیکی کھیچڑی بن گئی ہوں

عادتوں کی دال
فطرتوں کے چاول
کچھ کنکریلے سنمبندھ
حالات کی بٹلوءی
برائیوں کی آگ
دھمک دھمک رونا
آہٹ ،آہٹ مسکراہٹ
نیندوں میں جاگنا
کھلی آنکھوں سے سونا
ہر آس اک سراب
روز خود کو ہی کھاتی ہوں
پیٹ بھر نوالہ در نوالہ
میں ربڑی نہیں میٹھی سی
پھیکی کھیچڑی بن گئی ہوں

کلا کي باريکياں

لوکل ٹرين ميں ادھپگلي لڑکي کے ساتھ ہوئ

بلاتکار ميں نکلی چيخوں پر تُم آرٹ فِلم بناتے ہو ،

پتا نہيں پر تمھاري اِس ہٹ فِلم کا ہر بار بھيڑ بھرا شو

دوہراتا ہے اُس بلاتکار کو جو ہوا تھا بس ايک بار ٹرين ميں؛

تُم بلاتکار کي پيڑا ميں تلاش ليتے ہو کلا کي باريکياں

شرابي پتي سے روز بيلٹ اور جوتوں سے پِٹتي

عورت کے جِسم پر اُبھرے نيلے۔کالے نِشانوں ميں

تمھيں کلاکريتي کا ماسٹر پيس دِکھنے لگتا ہے

تم ان نشانوں کو سمٹ کر کینواس پر اپنی کونچی سے

بنا لیتے ہو لاکھوں روپیوں کی بیش قیمتی پینٹنگ

آتنکی کی گولیوں سے تڑپتے لوگوں اور

اجڑے پریواروں کی تکلیف میں تمہیں مل جاتی ہے

تمہا رے نا ٹک کی تھیم جس کے سینکڑوں منچن ہونگے

پر کسی شو میں وہ نہیں آتا جس کے گھر کا کوئی

مر گیا حملے میں بلا وجہ بے قصور ہی

بچہ جننے کی تکلیف سے بلبلاتی پتھر پھوڑنے والی کے

مرے بچے کی پیدائش پر تم نہ جانے کیسے ڈھونڈ لیتے ہو

ان آنسوؤں میں نظم اور اشعار

تمہارے دیوان نہیں پڑھ پاتی وہ

پتھر پھوڑتی وہ عورت

لگ جاتی ہے اگلے بچّے کی تیاری میں ہر رات

تم دردمند دل رکھتے ہو درد کے ہر مدّے کو

دل ہی دل میں شکریہ ادا کرتے ہو

جگا لی کرکے پھر ایک نیا مدّا چرتے ہو

حاصل کر لیتے ہو گیانپیٹھ پرسکار

پیٹھ تھپتھپاتے ہو خود اپنی ہی ہر بار