ریاستی مشا عرہ

مہا راشٹر اردو اسٹیٹ اردو سا ہتیہ اکادمی محکمئ اقلیتی امور اور ڈائریکٹوریٹ برا ۓ ّثقافت
کے زیر اہتمام مہاراشٹر کی گولڈن جوبلی تقریبات کے موقع پر بروز سنیچر مورخہ 23 جنوری 2010ء کو شام 8 بجے رویندر ناٹیہ مندر ،پربھا دیوی ممبئي ریاستی مشا عرہ کا انعقاد کیا گيا ۔ اکیڈمی کے کارگزار صدرپروفیسر عبدالستّار دلوی ، براۓ ثقافت ۔حکومت مہاراشٹر کے ڈائریکٹر اجۓ امبیکر صاحب ہیں ۔اردو ساہتیہ اکیڈمی کے ممبر سیکریٹری ڈاکٹر قاسم امام ہیں ۔اس مشاعرہ میں پوری ریاست سے نامور شعرائ کو مدعو کیا گیا ۔بشر نواز صاحب کی زیر صدارت مشاعرہ کیا گیا اور نظامت کے فرائض ڈاکٹر قاسم امام صاحب نے بخوبی انجام دیۓ ۔ ۔بشر نواز ، ندا فاضلی ،حسن کمال ،ممتاز راشد ،محبوب راہی ،شمس جالنوی ،مدحت الاختر ، عبدالاحد ساز ،شبیر آصف ، ابراہیم اشک ،رفیق جعفر ،اقبال رحمت ترابی ، اشفاق مارولوی، سراج سو لا پوری اور قمر سرور نے اپنے اپنے مخصوص انداز میں اپنے کلام سنا کر مجمع کو محظوظ کیا ۔ قمر سرور صاحبہ احمد نگر سے تشریف لائی تھی ۔انھوں نے ترّنم کے ساتھ اپنی غزل سنا ئی ۔
تو جو کھو جاۓ تو ہر با ر کہاں سے لاؤں
گھر میں دروازہ ہے دیوار کہاں سے لاؤں
مجھ کو معلوم نہیں ہاتھ چھڑاؤں کیسے
پیار میں جرات انکار کہاں سے لاؤں
میرے ہر لفظ میں آ ۔اور ستارہ بن جا
اس سے بہتر کوئي اظہار کہاں سے لاؤں
شہر کی بھیڑ میں گم ہو گئي سب آوازیں
اپنی پا زیب کی جھنکار کہاں سے لاؤں
میرے پیروں میں روایات کی زنجیریں ہیں
میں نۓ دور کی رفتار کہاں سے لاؤں