ڈاکٹرانصاری نازیہ بلال مالیگاؤں کی پہلی سرجن بنیں

؍ ستمبر ، عبدالحلیم صدیقی

ڈاکٹر انصاری نازیہ بلال (MS gynaeclogy) مالیگاؤں کی اولین ماہر امراض نسوااں بن کر مالیگاؤں کے سول اسپتال میں بطور ماہر امراض نسواں تقرری نامہ لے کر وطن واپس ہوئی ہیں گذشتہ ایک سال سے وہ ممبئی کے گرانٹ میڈیکل کالج میں پوسٹ گریجویشن کررہی تھیں گذشتہ روز جب نتیجہ ظاہر ہوا تو معلوم ہوا کہ گرانٹ میڈیکل کالج میں میں نازیہ آفرین نے تیسرا مقام حاصل کیا ہے۔

مالیگاؤں ، ۱۰ایک وقت تھا جب مالیگاؤں میں ایک بھی مسلم MBBSڈاکٹر نہیں تھا۔ 1945میں ڈاکٹر شیخ سلیم نے یہ معرکہ سر کیا۔ 1952میں ڈاکٹرپیر محمد رحمانی اور ان کے بعد ڈاکٹر خلیل انصاری نے اس اعزاز کو حاصل کیا تھا۔مسلم خواتین میں ایم بی بی ایس کی ڈگری حاصل کرنے والی پہلی خاتون ڈاکٹر شکیلہ چراغ حکیم بنیں ۔ دو دہائیوں کے وقفہ کے بعد ڈاکٹر آصفہ شیخ نے MBBS-MDکی ڈگری لے کر اپنا ذاتی اسپتال شروع کیا۔ لیکن نازیہ بلال نے کامیابی کی ایک نئی تاریخ مرتب کرتے ہوئے MBBS-MS gynaeclogyکا اعزاز حاصل کرلیا ہے ۔ اور اب وہ اگلے چند دنوں میں مالیگاؤں کے واحد سرکاری اسپتال میں اپنی طبی خدمات کا آغاز کرنے والی ہیں ۔ساتھ ہی ڈاکٹر نازیہ نے 2010 کے UPSCپرلم امتحان میں بھی کامیابی درج کررکھی ہے۔

1983میں مدرس پیشہ والدین کے یہاں آنکھ کھولنے والی اس بچی نے اپنی زندگی کیہر امتحان میں امتیازی درجہ کی کامیابی کا ریکارڈ بنایا ہے ۔ کے جی سے پی جی تک وہ سر فہرست ہی رہی 1999کے SSCامتحان میں ناسک ڈیوثرن میں لڑکیوں میں اول میرٹ مقام پایا تھا۔ اس کے بعد MHCET میں نمایاں کامیابی کی بنیاد پر دھولیہ کے گورنمنٹ کالج میں فری سیٹ حاصل کرکے MBBSکے فائنل اےئر میں ٹاپر کا اعزاز حاصل کیا بعد ازیں MHPG.CETمیں بھی میرٹ پوزیشن پاکر گرانٹ میڈیکل کالج میں میرٹ کی بنیاد پر داخلہ حاصل کرلیا ۔ ماہر تعلیم مبارک کاپڑی کے اس قول کے مطابق ’’ اپنی قابلیت کے اجالے سے تعصب کا اندھیرا ختم کردو‘‘ نازیہ نے ہر مقابلہ جاتی امتحان میں سخت محنت ، منصوبہ بند اسٹڈی کے ذریعے فری سیٹ حاصل کرلی ۔ ان کے والدین کو کسی بھی جگہ ڈونیشن ادا کرنے کی نوبت نہیں آئی۔

نازیہ کے والدین بلال احمد انصاری (BSCBEd) مالیگاؤں ہائی اسکول و جونئیر کالج کے سبکدوش پرنسپال ہیں نازیہ کی والدہ نسرین انصاری اسی ہائی اسکول میں انگریزی کی بہترین معلمہ تھیں ۔ اس ٹیچر جوڑے نے مالیگاؤں کی تعلیمی تاریخ میں ایک زبردست ریکارڈ بنایا ہے ان کے سبھی بچے میڈیکل کی اعلی ڈگریوں سے سرفراز ہیں بڑے بیٹے ڈاکٹر آفتاب (F.C.P.S. MS Artho) مالیگاؤں کے اولین مسلم ڈگری ہولڈر آرتھو پیڈک ڈاکٹر ہیں ان دنوں سعودی میں سرکاری ڈاکٹر کی پوسٹ پر مامور ہیں ان کی اہلیہ ڈاکٹر قرۃ العین بھی MBBS DGOہیں ۔ دوسرے بیٹے ڈاکٹر آفاق اور ان کی اہلیہ ڈاکٹر جمیلہ دونوں BDSہیں اور مالیگاؤں میں دانتوں کا مطب کامیابی سے چلا رہے ہیں ۔ نازیہ کی چھوٹی بہن شمیلہ آفریں نے بھی امسال ہی MBBS کی ڈگری حاصل کرلی ہے اور ان دنوں انٹر نشپ کے دور سے گذر رہی ہے الغرض ایک ہی چھت کے نیچے آدھا درجن MBBSڈاکٹرس موجود ہیں ۔ یہی خانوادۂ بلال سر ہی نہیں مالیگاؤں میں درجنوں خاندان ہیں جن کے قابل سپوتوں نے تعلیم کے حوالوں سے اس شہر کی عظمت کو چار چاند لگانے کا کام کیا ہے۔ واقعی یہ سب ہمارے لئے قابل قدر ہیں انہی کیلئے سرمایہ افتخار کی اصطلاح موزوں تر ہے۔ اوان خاندانوں کی کوششوں سے مالیگاؤں کے محنت کش بنکر طبقہ میں علمی آسودگی کا 
احساس ہوتا ہے۔
فوٹو کیپشن : ڈاکٹر نازیہ بلال